1 Korinto 15:42 - Biblía Axweesantá Hhohho' ar Mungú 2004

⁴² Waasle/uú múk aa qaatl sleeme an adoorí. Slaqwa kan baraá hhapérí fool adoodár ilmo kur dahaasi. Slaqwtadá' taa foól a slaqwtá hhitiruut, tidá' waaslee/ a slaqwtadá' hhitiruutaaká.

Ya/abtór hho' 1977

⁴² Waasle/uú múk aa qaatl sleeme an adoorí. Slaqwa kan fool baraá hhapér i alé adoodár ilmo kur dahaasi. Slaqwtadá' taa foól a slaqwtá hhitiruut, tidá' waaslee/ a slaqwtadá' hhitiruutaaká.

1 Korinto 15:42 Iomraidhean Croise

IIMU/UUNGW 3:19

Ar hamér gadiyér gawide muruú /aymaarók un /ák, ay dír ti ki/ baraá hhape. Asma kuúng tuna tleéhh ar hhape. Kuúng a hhape, nee baraá hhape an i kí/.»

YOBU 17:14

Aníng barnaxes /aanta ana baabuúeé' báw nee naanaga an aayír'eé' laqaá hho'or'eé',

WARA'AMI 16:10

Asma, AAKOÓ MUNGÚ, kuúng aníng i baloó meeraaká baraá gi'ií alé, a ya/aandaaká heewók oo hhoohhoó' iwa hhitiruuti.

WARA'AMI 49:14

Inooín kaa amohhe'eés adór bee/aangw, kiwa /aytisi ay baraá gi'i. Gwa'ara tari de'eemusmooín. Tari /eet baraá /aantí ale, gari qomtír wa ar tseewa alé. Slaqooín niri tsatitiyé' baraá /aantí ale, hotangw'ín tay baraá gi'i.

WARA'AMI 49:9

iwa slafafin kureerisleém, as iwa baloó gwaaiiká.

ISAYA 38:17

Slahh'ámudá' naa sláw dir'eene an hhooa, ala kuúng slafingw'eé' una tú/ dír afkú bohóngw gi'i wá ale, asma kuúng tlakweemaaeé' sleémeero ina amór aluuwógí kwáhh.

DANIELI 12:3

Mukdá' sagalooár koóm ta gwa/aat adór doori, nee kudá' muu ngwa geerahariye' baraá hotaá ganaa'á' i suwaahamitiyá' adór tsatse/ ay alhhe'eesay wasle.

Matayo 13:43

Mukdá' hota ganaá' qoomaadae baraá waawuti'iimár Baabuúine tan gwa/aat adór tsee/amá. Heé iaá axamis gi koóm, i axaasi.»

Tlehhema'aá ya/Abuuse 2:27

Asma kuúng qeeruueé' u baraá gi'ií meeraaká, laqaá Heewók oo hhoohhoó' u meeraaká iwa hhitiruuti.

Tlehhema'aá ya/Abuuse 2:31

Inós kángw waasle/uú Kristo guna ár ar baraá aaru'uuma, guri alki/iít iri oó', ‹Qeeruuwós gu baraá gi'ií mayká, nee tam slaqwtós aa hhitirutiká.›

Rumi 1:23

Inooín Munguúduú slafíngw alhhe'eesay wásl koóm kwaa xirfayeemisiiká. Ala gár inooín taa xirfayeemiís a munguiidá' taa tleéhh ar slaqsa'aá múk qaátl nee awa tsir/o, nee awa makaay, nee awa makaydá' ya'a' waslen.

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

Rumi 8:21

Asma mura' sleémeero kudá' Mungú aa tleéhh, ku gweer baraá lawaali'iimadár hhitiru'uumaro. Nee tam inooín amohhooa ngiri slayá', qoomaadár na/aá Mungú xirfuuín burungwa slayé'.

1 Korinto 15:41

Tsee/amá i gwa/aateemaawós kón, nee slahhaangw gwa/aateemaawós a hatlá', nee slám tsatse/ gwa/aateemaawós a malé hatlá'. Nee tam tsatse/ gwa/aateemaaín ti alkon'aaká.

Galatia 6:8

Asma tlehhema'aá hee a adór dahaasiingw. Ala hee baraá slafiingose gár aa dahaasín bar tidá' slaqwa i sla', gár i bu'un a gwa'ara. Ala gár aa dahaasín bar tidá' Qeeru i slai, gár i bu'un a slafíngw alhhe'eesay wásl.

1 Petro 1:4

nee aalír hhitiruutaaká a slawaán tidá' ta meetagaasiiká, slám i /otská. Tidá' ta gawaá doorí wa amohhe'eemisi as atén.