1 Korinto 15:34 - Biblía Axweesantá Hhohho' ar Mungú 2004

³⁴ Daarkiité' baraá oonitimerhunge, nee fuqurangwhúng ar gadiyuusaak, slám tlakweema mi tlehhiitara'. Asma kuungá' bahh'alé Mungú u xua'aaká. Aníng adoorí an káh as kuungá' nuwa mureekees.

Ya/abtór hho' 1977

³⁴ Daarkiité' baraá oonitimerhunge, nee fuqurangwhúng ar gadiyuusaak, slám tlakweema mi tlehhiitara'. Asma kuungá' bahh'alé Mungú u xua'aaká. Aníng adoorí an káh as kuungá' nuwa murekees.

1 Korinto 15:34 Iomraidhean Croise

WARA'AMI 119:11

Axweesantók aga óh baraá muunaáeé', as aníng kuúng muwa sadakuús.

WARA'AMI 4:4

Kuungá' bara buhhabuhhé', ti harmagahhe' tlakweema mi tleehhara', tí aldakuutaak qoomár bar aga xaslté' gawaá qateenoohúngí ale,

YEREMIA 9:3

AAKOÓ MUNGÚ i kaahi, «Tsifreeri'ín ngaa qwambatmisiyé' adór ga/ale iwa lamemaá axweesiya', nee inooín /uuru ngwaa slayé' baraá yaamuwo ala as gan'amuuwooká, asma nin kumiitiyá' baraá tlakweemaawo, ala aníng i xuiaaká.

Yoeli 1:5

Daarkité', kuungá' oonituúse, ta /a/á'. Uu'umiimé', kuungá' sleémeero awa difaáír xufá', asma sabiíbudá' ta difaáír /aben ar tlehhiiti /ayiyima gwaa fák.

YONA 1:6

Ala geeraharusmoó miringamoodá' Yona guri i daqáy, guri báy, «Kuúng mas gú'? Daarkiitáng, Munguúwók firiimeek, doóqa Munguúwók atén ti gurtláy as mawa qwaaraán.»

Matayo 22:29

Yesu giri báy, «Aga qwadé' adoosinge, asma tidá' taa gooín a xua'aaká, tam aleesleemuú Mungú sleeme u xua'aaká.

Yohana 5:14

Aluudae heedaádá' taa hungu/uús kuri harasliqiít nee Yesu baraá Doó Mungú. Yesu iri oó', «Qaytsiít, kuúng hamí aga hungú/. Tlakweema mi malé tleehhaar, as gár tlaakw ar adór tidá' ba/a muwa sleér.»

Yohana 8:11

/Ameenidá' iri ó', «Aáko, i kaahh.» Yesu gari báy, «Tam aníng sleeme kiíng i sakwasleemuutaaká. Kiíng tláw, ala tlakweema mi malé tleehhaar.»]

Tlehhema'aá ya/Abuuse 26:8

Asma milá kuungá' mas haratlintatia'aaká gídaabá Mungú muu waasle/atisaro gu aleesláy?

Rumi 1:28

Inooín xu'utidár Mungú kuwa xui, kaa gaárí xuiiká. Gawaá adoorihe Mungú sleeme inooín giri máy baraá inslaway'ín kudá' aa hhitiruut, as muruudá' hariimaaká kuwa tleehhi.

Rumi 13:11

Adoorí tleehhaak ar ilakaahara, asma kuungá' qoomaarí ta koomaan a xuá'. Slám a xuá' kuungá' gár tunduwa hariím, hamí an tleerá' baraá gu'uteero. Asma ba/ama hamí naa diréní naká/, ta ak qoomaadá' atén haratlintaao kawa iimu/uumani.

1 Korinto 4:14

Muruuwí ngwa amorhúngií gooimiiká as nuwa murekemiis, ala nguna gooiím as kuungá' nuwa gurbuu', adór na/iieé' awa sla'aaruuse.

1 Korinto 6:5

Gaarí a gár murér koom dirhunge. Heé sagalooár koóm baraá tla/angwhunge iqo káhhi, oo kwasleemár Krishaanmo nee kuqá' tsatto ga aleesláw?

1 Korinto 8:7

Ala a muu sleémeerowooká oo xu'utirí ga koóm. Bahh'alé baraá slafingw'ine kaa ló'wa intsatsaáhh mungui kiwa ilaiwawa/i kwaáo in slafiyá'. Gawaá adoorihe fu'unaá taa ilahhooár wa hanmiís dír munguaá hatlá', birnga /ayiyé', kin slahh'eemiis baraá muner'ine, as adoodá' haratlintaaor'ín iwa tunuunu/ inooín kiri meetagaas.

Efeso 5:14

Gaarí an gár tasa oó', «Tláw, kuúnguudá' guaiím, waasleé/ baraá múk aa qaátl wa ale, daqaní Kristo kuúng u i gwa/aat.»

1 Tesalonike 4:5

Ala kuungá' ma hootara' ar ilatleerír tlakw, adoodár múk xoordu ir hooti, kudá' Mungú gu xua'aaká.