1 Korinto 15:29 - Biblía Axweesantá Hhohho' ar Mungú 2004

²⁹ Asma mukko i deer oo ta baatimiisi as múk aa qaatl. Ala adoorí barka tleéhh, mukdá' aa qaatl gár kuwa alee/iisi a milá? Asma mukdá' aa qaatl barnaxes iqo waaslee/iiká, mukwí gár kus baatimiisi as inooín a milá?

Ya/abtór hho' 1977

²⁹ Asma mukko i deer oo ta baatimiisi as múk aa qaatl. Ala adoorí barka tleéhh, mukdá' aa qaatl gár kuwa alee/iisi a milá? Asma mukdá' aa qaatl barnaxes iqo waaslee/iiká, mukwí gár kus baatimiisi as inooín a milá?

1 Korinto 15:29 Iomraidhean Croise

Matayo 20:22

Yesu iri oó', «Gár ta fiririinda' a xua'aaká. Xooslmoodá' án ni wah, kuungá' u qitlá'a wahto?» Kuri báy, «Adoosíng a aleeslawaán.»

Matayo 3:6

Tlakweemaaín kiwa hhu'uu'ún, giri baatimiís baraá yaaér Yordanír wa ale.

1 Korinto 15:16

Asma múk aa qaatl barnaxes i waaslee/iiká, Kristo sleeme aa waaslee/iiká.

1 Korinto 15:28

Ala mura' sleémeero burkwa hhe'eés qaasaro gawaá dabaá Garma, daqaní Garma sleeme ti kilós qaas baraá dabaá Mungú. Asma Mungú an kudá' mura' sleémeero gwa gawaá dabaá Garmá i qaas, as masók Mungú iwa mura' sleémeero tleehhiti baraá muu sleémeerowo.

1 Korinto 15:30

Nee atén awa kilá' gár tas baraá tsaxwií darahaan a milá umuúqo daqto?

1 Korinto 15:32

Baraá gixsár Efesowo ana slaáqw nee makaá xaraaslá'. Ala qoomaadae bar ana slaáqw as heeuumar'eé', gár geeraawo ni slaw a milá? Barnaxes múk aa qaatl i baloó waaslee/iiká, «Gimsé', an /ayiimaán nee an wahaamaán, asma matlo a qatlaán.»