1 Korinto 15:23 - Biblía Axweesantá Hhohho' ar Mungú 2004

²³ Ala umuúqo heewo nee qoomaarós. Kristo an bu'ungwdá' aa giirin. Nee gár aluudá' gi haar a mukós, qoomár inós binda kií/.

Ya/abtór hho' 1977

²³ Ala umuúqo heewo nee qoomaarós. Kristo an bu'ungwdá' aa giirin. Nee gár aluudá' gi haar a mukós, qoomár inós binda kií/.

1 Korinto 15:23 Iomraidhean Croise

ISAYA 26:19

Mukók kudá' aa qaatl i waaslee/, slaqooín i waslee/iyá', kuungásingá' baraá yaamaá hootá' tlawaaré' daaé' ar qwala/, asma Mungú hara'uuwós oo slafiingw ngu paahhaas, nee gi'i múk baraaíní diriiá' ngu duuxiyá'.

Matayo 16:27

Asma Garmoó Hee i hardah ar baraá xirfuú Baabuúwós dinkwa nee malaykeerós. Qoomaadá' an qoomár umuú heewo nguwa bui ar qoomoó tlehhemi'iiwós.

Matayo 16:28

Án a kah, muu i deer baraá tla/ángw mukwí sihhimiita, oo baloó qatlaaká, ay dír Garmoó Hee kway ari birna hardáh ar baraá waawuti'iimarós.»

Tlehhema'aá ya/Abuuse 26:23

Nee kangwdá' a kwí, Kristo gár kuwa hariím a kun slahh'eemiis, nee tari heé baraá múk aa qaátl wa geerií waasleé/. Nee kángw gwa/aateema guri alki/iit dír múk Israeli nee dír múk xoordaá hatlae.»

1 Korinto 15:20

Ala looeema a kuká', Kristo aa waasleé/ baraá múk aa qaátl wa alé. Inós a bu'ungwdá' aa giirin oo mukdá' aa qaatl.

1 Korinto 15:52

ar gaanslaay adór kwisliitár ila, qoomár tarumbeétadár alhhe'eesaay bira /á/. Asma tarumbeéta iqo /á/, nee múk aa qaatl kuri waasle/atis, tari múk qatlaaká baloó ale, nee atén sleeme tiri warqees.

1 Korinto 3:23

Nee kuungá' a múk Kristo, nee Kristo oo Mungú.

1 Korinto 6:14

Mungú Aako guna waaslee/atís baraá múk aa qaátl wa alé, nee Munguúwí atén sleeme ti waaslee/atis ar /uuruuwós looarka wake.

2 korinto 10:7

Kuungá' muruudá' dír geeraahúng i dirií' na ga/aawaak. Xáy, hee i deéro oo ti haraxuú' adór inós tar heé Kristo? Bir deer, adoosíng i qoón. Ala inós gár kuwa hariím a kaangwí nguwa aldakwi adór atén sleeme tar múk Kristo adór inós wa ale.

Galatia 3:29

Ala kuungá' bar múk Kristo, kuungá' a xwaylár Abrahamu sleeme. Gawaá adoorihe aalidá' ar Mungú a toohúng asma al'axweesantadá'.

Galatia 5:24

Múk Kristo Yesu slaqooín gaa kikií' dinkwa nee sla'aarír tlakw ar slaqwa nee ilatleeri.

Filipi 3:11

Aníng masók harahhifo a koóm ar tiwa waaslee/atisi baraá múk aa qaátl wa ale.

1 Tesalonike 2:19

Kuungá' ka xua' haraxu'utirén nee qwal/uurén nee slamángw xirfuurén dír geeraá Aakoorén Yesuwo qoomár inós binda hardáh, a milá ahaá, a kuungaáeéke?

Geehhoeemaá 1:5

Nee amór i dahhiya' sleeme a amór Yesu Kristo. Inós an lamabu'usmoó inkihhím, nee slám inós an heé geera oo naa waaslee/ baraá múk aa qatli. Nee a waawutmoó waawitá sleémeero baraá yaamuwo. Inós atén tin slaa', nee tina gweér baraá lawaali'iimár tlakweemaá wa ale ar tseereerós.