1 Korinto 15:20 - Biblía Axweesantá Hhohho' ar Mungú 2004

²⁰ Ala looeema a kuká', Kristo aa waasleé/ baraá múk aa qaátl wa alé. Inós a bu'ungwdá' aa giirin oo mukdá' aa qaatl.

Ya/abtór hho' 1977

²⁰ Ala hám Kristo inós aa waasleé/ baraá múk aa qaátl wa alé. Inós a bu'ungwdá' aa giirin oo mukdá' aa qaatl.

1 Korinto 15:20 Iomraidhean Croise

Tlehhema'aá ya/Abuuse 2:24

Ala Mungú guri gweér baraá slahha'amaayér gwa'araaro, guri waasle/atís, asma gwa'ara ar /uuruuwose gwa aleesleeriiká ilaa/aro.

Tlehhema'aá ya/Abuuse 26:23

Nee kangwdá' a kwí, Kristo gár kuwa hariím a kun slahh'eemiis, nee tari heé baraá múk aa qaátl wa geerií waasleé/. Nee kángw gwa/aateema guri alki/iit dír múk Israeli nee dír múk xoordaá hatlae.»

Rumi 8:11

Mungú Yesu guna waaslee/atís baraá múk aa qaátl wa ale ar Qeeruuwós. Nee Qeeruuwós bir baraahúng wa hoot, inós slaqoohúng sleeme, kudá' gwa'ara, gi waaslee/atis ar Qeeruudá' baraahúng wa hoót, ar adoodá' Kristo ngura waaslee/atís.

1 Korinto 15:23

Ala umuúqo heewo nee qoomaarós. Kristo an bu'ungwdá' aa giirin. Nee gár aluudá' gi haar a mukós, qoomár inós binda kií/.

1 Korinto 15:6

Aluuwo hha'aá dinkwárí diriiá' awa tsiire kooane waarahhá' giri harati'iít. Awa yaariir baraá tla/angw'ine tam hamí i slafiyá', ala bahh'alé naa qatliyé'.

Kolosai 1:18

Múk kríshaanáy a slaqwtós, nee inós a saga. Inós an iimu/úngw kríshaanáy. Inós an kudá' naa geerií waaslee/ baraá múk aa qaátl wa ale, as inós iwa iimu/úngw umuúqo gaa tleehhiti.

1 Tesalonike 4:16

Asma Aako inósuú kilá' i aweer gawaá doorí wa ale, afór ur ar hara'aya kari axaas, nee afór malaykamoó úr, nee afór tarumbeétár Mungú kari axaas. Mukdá' Kristo gwa haratlintii', kudá' aa qaatl kuri geerií waaslee/atis.

1 Petro 1:3

Mungú Baabuú Aakoorén Yesu Kristo i xirfuuti. Inós atén tina sagaáwa tsár wa laqwaál ar gurtleemuuwós oo yaariír, qoomár Yesu Kristo nguwa waaslee/atís baraá múk aa qaátl wa ale, as atén harahhifór slafiingw kawa slawaan,

Geehhoeemaá 1:5

Nee amór i dahhiya' sleeme a amór Yesu Kristo. Inós an lamabu'usmoó inkihhím, nee slám inós an heé geera oo naa waaslee/ baraá múk aa qatli. Nee a waawutmoó waawitá sleémeero baraá yaamuwo. Inós atén tin slaa', nee tina gweér baraá lawaali'iimár tlakweemaá wa ale ar tseereerós.

Geehhoeemaá 14:13

Aluuwo afór gawaá dooraá daahh ngiri axaás i kat, «Gooimeek, ‹Múk amohhoó' a kudá' qaátl baraá Aakoó i alé iimír hamí.› » Qeeru iri oó', «A ló', asma inooín ta hunguu/ alaá daawitimer'ine. Asma tlehhemi'ii'ín ti alkoná' nee inooín.»