1 Korinto 15:2 - Biblía Axweesantá Hhohho' ar Mungú 2004

² Slám kuungá' tundu ba/amis ar Ya/abtoorí, barnaxes aga kumité' Ya/abtoorí hho' kawa haratlintia' ar adoodá' aníng ngira dirhúngií alki/iít. Ala bar adoorír kumita'aaká, kuungá' daqaní ana tawó haratlintié'.

Ya/abtór hho' 1977

² Slám kuungá' tundu ba/amis ar Ya/abtoorí, barnaxes aga kumité' Ya/abtoorí hho' kawa haratlintia' ar adoodá' aníng ngira alki/iít dirhúng i alé. Ala bar adoorír kumita'aaká, kuungá' daqaní ana tawó haratlintié'.

1 Korinto 15:2 Iomraidhean Croise

AXWEESANOÓ SAGALOOA 23:23

Looeema leeleehheek, mi baloó waaqaa'aar, sagalooa leeleehheek nee intsaahhatisaro nee tsaahharo.

AXWEESANOÓ SAGALOOA 3:1

Garmaaeé', intsaahhatisar'eé' ma gunqaresaar, ala hara'ayduueé' ooheek ar muunaáwók.

AXWEESANOÓ SAGALOOA 4:13

Intsaahhatisarí ooheek, ma baloó alií kwahhaar, ooha hhe'eeseek, asma inós u slafíngw ar eér.

Luka 8:13

Kuduú gawaá tlaa/a an slaqsoó mukdá' axweesani gaa axaas, kari ilaóh ar qwal/amaaye, ala dee/áruuín i kaahh. Haratlintaaor'ín ar deelór niina. Qoomár iiara'at birna xáy, kay máy.

Tlehhema'aá ya/Abuuse 2:47

Mungú kuri sluufmiís, nee muu sleémeero kuri sla'atimís, Nee umuúqo baalaaro Aako faarór mukós kudá' ba/aa/ám gana dogiít.

Tlehhema'aá ya/Abuuse 8:13

Simoni inósuú kilá' sleeme iri haratlintií', kuri baatiís, tiri alkoomakoné' nee Filipo. Slám iri waa/oo/amín qoomár layu nee muruú waa/oo/amo kudá' Filipo aa tlehhiít ngiwa ár.

Rumi 1:16

Aníng Ya/abtór hho' a murér wa ara'araaká. Asma Ya/abtór hho' an /uuruú Mungú kudá' ba/amár huwahuúw dír umuúqo heé aa haratlintii'i, har geeraawo a dír heé Yahudi, nee tam dír heé Yunani sleeme.

Rumi 11:22

Gawaá adoorihe ana araán adór Mungú ir xaraásl, nee slám ku hhoó'. Inós i xaraasl dír mukdá' aa huui baraá tlakweema. Ala diroge ku hhoó', kuúng bar baraá hhooeemaawós wa kumaamít. Ala bar kumaamitká, kuúng sleeme tu adór haleemiidá' wa tsaat.

1 Korinto 1:18

Asma kángw msalaába dír mukdá' qwaqwadiima a dakti'iima, ala dír ateéká' ta ba/amiimisi a /uuruú Mungú.

1 Korinto 1:21

Asma Mungú gana slaá' baraá sagalooarose, muu inós munguwa tsaáhh ar sagalooar'ín ar kilá'. Gawaá adoorihe inós kwasleema gari tsaát kilós alé as mukdá' haratlintaatií' kuwa ba/amisi ar axweesantadár dakti'iima, tidá' atén ta alki/iitaan.

1 Korinto 11:2

Aníng kuungá' nu xirfayeemiís as adoodá' kuungá' aníng iwa inslasleeré' baraá umuúqo gaaro, nee muruudá' sleémeero aníng naa dirhúngií intsaahhatimís ugwa eehadé'.

1 Korinto 15:14

Nee Kristo bira waaslee/iiká, alki/ituurén oo Ya/abtór hho' kawa alki/itaan a tawo, nee haratlintaaorhúng sleeme a tawo.

2 korinto 2:15

Asma atén a adór mooyángw tsuú' oo Kristo dír geeraá Munguhe, dír mukdá' ta ba/amiimisi, nee dír mukdá' qwaqwadiima.

2 korinto 6:1

Atén a gadiyuusaán dinkwa nee Mungú. Gawaá adoorihe atén kuungá' nu gurbu'uumaán sleeme, kuungá' tsuuqaá Mungú kudá' taa ilaoté' mi qwaareesara'.

Galatia 3:4

Tidá' sleémeero ar taa sleeré' daxta gár i hup i káhha dirhunge? Aasla'áy, aníng ngi slaá' i kahhká.

Efeso 2:8

Gár tundusa ba/amís a gurtleemuú Mungú ar loohír haratlintaao. A gadiyérhungeeká, ala a gár Mungú naa tawó haniís.

Kolosai 1:23

Ala kuungá' gár tunduwa hariím masók an kumitá' baraá haratlintaaooro, tawa sihhita' ar gawdeema gawaá iihhafiirír gawít i alé, nee tawa qutla'aaká baraá haraxu'utír taa sleeré' qoomár Ya/abtór hho' kawa axasé'. Ya/abtoorí hho' kaa alki/iít baraá yaamu sleémeero, nee anuú Paulo tina sagadiyusmoowós wa qaás.

2 Tesalonike 2:15

Gawaá adoorihe, hháe, kuungá' gawduwé' baraá haratlintaaooro. Intsaahhasa sleémeero oohaak, tidá' atén naa kuungá' i intsaahhatimisaán baraá alki/ituurén nee baraá barwaárene.

2 Timoteo 1:9

Inós atén tina ba/amís, tiri ateét ar ateetamór hhohho'. Adoorí gana tleéhh, ala as tleehhemi'iireneeká, ala gana tleéhh as adoodá' inós aa slaá', nee as gurtleemuuwós. Gurtleemuuwós kwí nguna haniís ar baraá Kristo Yesu iimír qoomaadá' gár taa iimu/ún iwa kahh.

Ebrania 10:23

Harahhifoorén tidá' taa lamabu'uumaán ka oohaán nee mawa baloó geexawaán. Asma Mungú al'axweesantós ngaa haniís, nee inós i inkihhimuú kón.

Ebrania 2:1

Gawaá adoorihe atén gár tiwa hariím ya/abtoodá' taa axaasaán an ak alqaytsimiitaán ló'wa ale, as kahhó' atén mawa paslaán baraá loohirene.

Ebrania 3:14

Asma atén sleémeero a alqaatuusér Kristo, barnaxés atén aga kumiitaán ar pihh'uumarén tidá' iimír iimu/uungo ta koomaan ay alhhe'eesaay.

Ebrania 3:6

Ala Kristo ku inkihhím asma inós tawa Garma. Inós kwaa qaás gawaá daanduú doó Mungú sleémeerowo as nguwa baali. Atén an do'ós, barnaxes a kumiitaán baraá pihh'uumarene nee harahhifoorene, harahhifoorén kawa diidi'iimisaan ay alhhe'eesaay.

Ebrania 4:14

Gawaá adoorihe atén haratlintaaoorén tidá' ta koomaan masók an ló'wa oohaán. Asma atén kaahamusmoó úr oo Mungú u koomaán. Inós aa waaraáhh ar tla/ángw doori ay dír geeraá Mungú. Inós an Yesu, Garmoó Mungú.

Yakobo 2:14

Hhaee'eé', hee bir kaahi, «Aníng a haratlintaaór koóm,» ala barnaxes tlehhema'aá haratlintaaór laqaaqaamá' gi konká, haratlintaaoodá' gár i bu' a milá? Xáy, haratlintaaoodá' gu ba/amísa?

Yakobo 2:17

Haratlintaao sleeme a adoosíng. Barnaxes haratlintaao aa geehhoouuriiká ar baraá tlehhemi'i, haratlintaaoodá' aa gwá'.

Yakobo 2:26

Asma muuná bira /eét, slaqwa aa gwá'. Gawaá adoorihe tlehhemi'i bir kahhiyá' sleeme, haratlintaao aa gwá'.