1 Korinto 14:37 - Biblía Axweesantá Hhohho' ar Mungú 2004

³⁷ Hee barnaxes ti kilós tsatsahhán iwa kaahi, «Aníng a aarusmo», laqaá, «Aníng a heé aleesleemuú Qeeru gu koóm», inós gár kuwa hariím axweesanay'eé' kwí naa dirhúngií gooiím masók gun tsaahh adór tar hara'ayár Aako.

Ya/abtór hho' 1977

³⁷ Hee barnaxes ti kilós tsatsahhán gídaabá, “Aníng a heé ya/abtór amór Mungú daahh ga axweés”, laqaá, “Aníng a heé aleesleemuú Qeeru gu koóm”, inós gár kuwa hariím axweesanay'eé' kwí naa dirhúng i gooiím masók gun tsaahh gídaabá a hara'ayár Aako.

1 Korinto 14:37 Iomraidhean Croise

FAARO 24:16

A aarír heé axweesantá Mungú ga axamiís, nee xu'utír kudá' gáwtí dirií' gari tsaáhh, heedá' iigu'utuú Munguú Aleesleemusmo gu araa'ár, kudá' aa tumbarara'aat ala i xumiis.

Luka 10:16

Yesu eeharuuseerós gari báy, «Heé axweesantahúng gaa ya/an, a axweesante'eé' gana ya/án. Heé kuungá' naa sii', a án ina sií'. Oo aníng iga sii', a kudá' án iga ya/aaw guna sií'.»

Rumi 12:3

Mungú aníng ina aleesleemuú i haniís. As aleesleemuuwí án naa slawi, án umuúqo heewo dirhunge un babaw, «Kuúng uraay mu leelehhitaar ta adoodá' kuúng ti dir'a. Ala kuúng masók tin niinaweemís, umuúqo heewo masók ti kilós ga/áy ar harqoomoó haratlintaaoodá' taa haniís nee Mungú dír umuúqo heewo.»

1 Korinto 14:29

Múk tsár laqaá tám i aariirine, nee múk hatlá' aaridá' ngi alqaytsiti.

1 Korinto 14:36

Xáy, kuungá' ka xua' axweesantá Mungú amór i dahh a amorhúnge? Laqaá a kuungá' kiloohúng nuna i hardáti?

1 Korinto 14:38

Ala heé kaangwí gu gaárií xuaaká, inós sleeme mukuwa hhasliít nee hee.

1 Korinto 2:15

Ala heedaádá' Qeeruú Mungú gu koóm, inós mura' sleémeero tsaahharo gu aleesláy. Ala heé inós tsaahharo gu aleesláw i kaahh.

1 Korinto 3:1

Ala hhaee'eé', aníng niwa axweés dirhúngií alé, aga aleeslawiiká niwa axwees ar adoodár /iisí nir axweemaamiis dír múk Qeeruú kooma. Ala ana dirhúngií axweés ar adoodá' nir axweemaamiis dír múk Qeeruú koomaakahe, nee ar adoodá' nir axweemaamiis dír na/aá ninakw baraá Kristowo.

1 Korinto 7:25

Ala gawaá daanduú /amaatliiteero aníng hara'ayár Aako ar ni koom i káhh. Ala gaarí ni oo' a adór aníng ni ga/aw. Asma aníng a heé taa gurtleemuú i haniís nee Aako, tawa heé muruú ló' káh.

1 Korinto 7:40

Ala a gár ak hhoo' dirose bar duuxo ngaa meér. Gaarí aníng an káh, ala tam aníng sleeme án ngi slaá' Qeeruú Mungú u koóm.

1 Korinto 8:2

Hee bir kaahi, «Aníng gaarí a xuú',» inós gadaádá' gaa baloó xuiiká ar adoodá' kus hariím xu'utiro,

2 korinto 10:12

Atén a qiitlanaaká tiwa alqoomeesaan nee mukwí ti kilooín xirfayeemiís, laqaá tiwa amor'ín i harafaaraan. Inooín a daktana, asma ti kilooín alqoomeemesiyá' ar har qoomay'ín kilooín, nee ti kilooín slaqamisiyá' ar slaqsay'ín oo kilá'.

2 korinto 10:7

Kuungá' muruudá' dír geeraahúng i dirií' na ga/aawaak. Xáy, hee i deéro oo ti haraxuú' adór inós tar heé Kristo? Bir deer, adoosíng i qoón. Ala inós gár kuwa hariím a kaangwí nguwa aldakwi adór atén sleeme tar múk Kristo adór inós wa ale.

2 korinto 11:4

Asma kuungá' umuúqo heewo oo naa hardah amorhúng un sa qiqtliindá', kudá' kángw Yesú hatlá' gu alki/iít. Yésuudá' inooín ta alki/iiti a kudá' atén taa alki/itaniiká. Slám kuungá' qeeruú hatlá' u ya/a/aandá'. Inós a Qeeruudá' hhoohhooeeká oo kuungá' taa ilaoté'. Nee slám kuungá' Ya/abtór hho' ar hatlá' an ilaoohiindá'. Ya/abtoorí a tidá' atén naa dirhúngií alki/itaniiká.

Galatia 6:8

Asma tlehhema'aá hee a adór dahaasiingw. Ala hee baraá slafiingose gár aa dahaasín bar tidá' slaqwa i sla', gár i bu'un a gwa'ara. Ala gár aa dahaasín bar tidá' Qeeru i slai, gár i bu'un a slafíngw alhhe'eesay wásl.

2 Petro 3:2

Asma gár kuungá' tunduwa hariím a /aymi'iidaá aaruusér aáng ar hhohho' in insleerá', nee hara'ayaadá' Aako nee Ba/amusmo aa axweés ar loohír ya/abuuserhúng.

1 Yohana 4:6

Atén awa Mungú, umuúqo heé Mungú gu xuú', axweesantarén ga axamiis, múk Munguheeká axweesantarén ga axamiisiiká. Ar adoorihe qeeruú ló' u tsaahhaán nee qeeruú lamto.

Yuda 1:17

Ala kuungá' sla'aaruúse, /ayma'aá aáng taa káh aáng nee Ya/abuusér Aakoorén Yesu Kristo inslawaak.