1 Korinto 14:3 - Biblía Axweesantá Hhohho' ar Mungú 2004

³ Ala heé aaririím, inós dír i axweesi a dír muu, muu guri kwa/amis baraá haratlintaaor'ine nee guri gurbu'ún nee guri gurkwa/amis.

Ya/abtór hho' 1977

³ Ala heé ya/abtór amór Mungú daahh ga axweemamiís, inós dír i axweesi a dír muu, muu guri kwa/amis baraá haratlintaaor'ine nee guri gurbu'ún nee guri gurkwa/amis.

1 Korinto 14:3 Iomraidhean Croise

Luka 3:18

Gawaá adoorihe ar gurbu'úngw yaariír oo hatlae Yohane Ya/abtór hho' gari alki/iít dír muu.

Tlehhema'aá ya/Abuuse 13:15

Hara'ayár Mose nee gooír aaruuse soomaro kawa hhe'eés, geeraharuusér doó saaliingw hee guna amor'ín i ya/áp, tari oó', «Hháe, ya/abtór gurkwa/asár koom ar mukwí wa hariim bar koondá', ooare'.»

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Tlehhema'aá ya/Abuuse 15:32

Yuda nee Sila inooín a aaruuse. Gawaá adoorihe niri alqadidiné' dír hhae ar axweesanoó yaariír, hhae ngiri gurkwa/amiisiyé', nee /uuru nguwa slaya' baraá haratlintaaooro.

Tlehhema'aá ya/Abuuse 4:36

Nee Yosefu kudá' ya/abuuse aa beér Barnaba (gídaabárós a heé gurkwa/asa ga xuú'), inós a heé tlahhoó Laáwi, nee yaamaá i dahhi a yaamaá Kipro.

Tlehhema'aá ya/Abuuse 9:31

Múk kríshaanáy amohhooa gari sláy baraá yaamaá Yudeawo nee Galilayaro, nee yaamaá Samaria. Tari gawdúy gawaá loohír Aakoowo, Aako kuri ilaiwawaá/, Qeeruú hhoohhoó' oo Mungú gina gurkwa/amís, nee faaror'ín iri doogigiín.

Rumi 12:8

Nee heé aleesleemuú gurbu'uungw gu koóm, muu ngu gurbu'un. Heé muruuwós hanmiís, ngu hanmiisi ar muunuú /awaák. Heé múk hatlá' sageesihhimiít, muu ngu sagesihhimiiti ar ilakaaharu. Heé gurtleemuú koóm, muu ngu gurtlatlay ar qwala/.

Rumi 14:19

Ala bar adoosíng, gár atén tiwa hariím tidá' wayduú huwaahuuw tla/angwrene an tleehhaán, nee tidá' haratlintaaór umuúqo heewo ga kwa/amis.

Rumi 15:2

Umuúqo heewo baraá tla/angwrene masók inslaawmoowós gun sla'atimis as hhooeema ngiwa slay, nee as iwa kwa/i baraá haratlintaaoorose.

1 Korinto 10:23

Aníng a aleesláw mura' sleémeero nguwa tleehh, ala a sleémeerowooká oo hariím. Aníng a aleesláw mura' sleémeero nguwa tleehh, ala a sleémeerowooká oo muu gu kwa/ás.

1 Korinto 14:12

Kuungá' sleeme an adoorí. Kuungá' aleesleemuú Qeeru un ló'wa leelehhitá'. Gawaá adoorihe kuungá' aleesleemuuduú Qeeru ak leelehhaak, kudá' múk kríshaanoó kwa/amís.

1 Korinto 14:17

Kuúng tam firoorók tidár sluufmis ka hhoe, ala heeduú hatlá' gár aa sláy i káhh.

1 Korinto 14:26

Ala hháe, adór ta laqa' a adoomá? Qoomár kuungá' bar aga burumburité', umuúqo heewo dirhunge barnaxes i daa'ángw kón, laqaá axweesantá intsaahhasa, laqaá axweesantá taa amoorós i geehhooeés, nee laqaá axweesantá tsifrír xuawaslen, laqaá ilaharmisuú axweesantadá', masók muruuwí sleémeero in tleehharuut as múk kríshaanáy kuwa kwa/amisi.

1 Korinto 14:31

Gawaá adoorihe kuungá' sleémeero a aleesleerá' tawa aaririinda' ar wakeetiingw as kuungá' sleémeero intsaahhasa kawa sleera' nee gurkwa/asa.

1 Korinto 8:1

Daxta kángw ni oo' a kángw fu'unaydá' taa hanmamisi dír munguaá hatlá'. Atén aga qaroó xuaán adór atén sleémeero xu'uti kar koomaán daanduú kaangwihe. Ala xu'uti gár ni huwaahup dír heewo a daara/aangw. Ala sla'aari gár ni huwaahup dír heewo a kwa/asa.

2 korinto 1:4

Inós atén tin gurkwa/amis baraá slahh'amuurén sleémeerowo, as kahhó' atén múk hatlá' nguwa gurkwa/asan baraá slahh'amuuine, ar gurkwa/amisuudaádá' atén tira gurkwa/amís nee Mungú.

2 korinto 2:7

Gawaá adoorihe a tsiní kuungá' bura gurtleeré' daxta, nee kuwa gurkwa/amisa', as inós gurhaamirós tidá' yaariir munguwa ak qwaarés.

Efeso 4:29

Axweesanoó tlákw mu kaahara', ala masók a axweesanoó muu gu kwa/amís, nee kudá' amoqwaareemisaaká. Gawaá adoorihe axweesanayhúng i tsuuqaá huwi dír mukdá' kuungá' nu iiárií qamiima.

Efeso 6:22

Án inós ngun amorhúngií ya/aáw as kuungá' kangwrén kuwa axasa' nee nuwa gurkwa/asi.

Kolosai 4:8

Aníng nguna ya/aáw amorhúng i alé as kuungá' kangwrén sleémeero kuwa xua', nee inós nuwa gurkwa/asi.

1 Tesalonike 2:11

Kuungá' a xuá' adór atén umuúqo heewo dirhunge ngura amohhe'eemaamiisaán, adoodár baabá na/iiwós ngir amohhe'eemaamisi.

1 Tesalonike 2:3

Asma atén Ya/abtór hho' a alki/iitaanaaká as tawa dakuusaán, slám a alki/iitanaaká as inslawoó tlákw, laqaá as hee kuwa al/aymár wa sla'aan.

1 Tesalonike 3:2

Hhiyaarén Timoteo kuri ya/aawaán. Inós a sagadiyusmoó wák oo Mungú dinkwa nee atén baraá gadiyér Ya/abtór hho' ar Kristo kawa alki/iitaan. Inós atén nguna ya/aawaán as kuungá' nuwa gurkwa/asi nee haratlintaaorhúng ngiwa gawdeesi,

1 Tesalonike 4:1

Hháe, gár alhhe'eesáy a tí, kuungá' aga dirén wa intsahhé', adór kuungá' tunduwa hariím hotaango as Mungú kuwa sla'atisa'. Adoorí an adoosíng hám tar hota'. Ala hám daxta atén kuungá' nun firiimaán nee nun gurbuaán ar umuú Aako Yesu, slafíngw adór kwisíng ba/a ar hootaak.

1 Tesalonike 4:18

Gawaá adoorihe kuungá' ti kiloohúng gurkwa/amise' ar /aymi'iiká'.

2 Tesalonike 3:12

Muksíng un hara'ayiimaán nee un naanaqaán ar baraá umuú Aako Yesu Kristo tawa kaahaan, ta hooti ar tsatsaa'areema, nee gadiyeé kawa tleehhi as muruú /aymar'ín kuwa slaslay.

1 Timoteo 1:4

Slám inooín tiita makawa eeharahaár nee yaeemaá tlet awa tlahhi'i kiwa fadiiti, asma muruuwí gár i huwahuwi a partlito. Slám gár i bui i káhh dír geeraharusmoó gadiyér Munguhe, asma iimu/úngw gadiyér Mungú a haratlintaao.

1 Timoteo 4:13

Qoomaarí án niwa hardihiiká, ilakaaharu tleehheek oo muu kuwa axweesantá Mungú i soomus, nee kuwa naanaq, nee kuwa intsaahhatimis.

1 Timoteo 6:2

Daqaareedár haratlintaauuse lawaaler'ín mingiwa waaqaaqá' asma a hhae. Ala lawaaleedá' gár kawa hariím a daqaarer'ín gan sageegadiyús kángw kilá' wa ale. Asma daqaareedá' alee/isoó slaslaw ar gadiyér lawaaleedá', a haratlintaauuse, slám a sla'aaruuser'ín. Muruuwí na gawdeeseek baraá intsaahhasaroge nee baraá gurbu'ungoge.

2 Timoteo 4:2

Ya/abtoorí alki/iiteek, masók tu amohhoó' qoomár hariima nee qoomár hariimaakahe. Tlakweemaá muu geehhooutiseek, iigahhamiiteek, naanaqeek ar qitla sleémeero, nee kiwa intsaahhatimis.

Tito 1:9

Inós masók a heé axweesantá haratlintaao gaa oh, adoodá' kura intsaahhatimís, as muu nguwa aleeslay gurbu'ungo ar axweesantadár ló', nee múk axweesantadá' ga siaasií' nguwa ar ba/i.

Tito 2:15

/Aymi'iiká' intsaahhatimiseek, muu kuwa gurkwa/amis nee kuwa naanaq ar aleesleemu sleémeero. Kuúng hee muwa waaqaá'.

Tito 2:6

Tam masoomba sleeme naanaqeek masók a múk danqamisuú koóm.

Tito 2:9

Lawaale bariiser'ín ngi ilaiwawa/ nee ngiwa sla'atimis baraá umuúqo gaaro. Axweesantá bariiser'ín mingiwa warqeemís,

Ebrania 10:25

Slám atén dinku'uumarén mawa mamaawaán, adoodá' muu bahh'alé i tlehhahhiti, ala masók tin kilootén harakeemisaán, ak alé as deeloodá' kawa tsahha' adór nira naká/.

Ebrania 13:22

Hháe, án kuungá' nun harhheehhe'eemiís, kuungá' axweesantír gurbu'uungw na ilaoohaak ar inkihhimu. Asma barwaárí naa kuungá' i gooiím axweesanoó yaariír oo i koon i kaahh.

Ebrania 3:13

Ala kuungá' umuúqo deelooro ti gurbu'uunde' dír /aymuuwí «laarí» ir kumiiti, as tam heé wák baraá tla/angwhunge miwa ya/án kuwa al/ayi nee tlakweema, iri saga gawdúy.

1 Petro 5:12

Án barwaárí naa amorhúng i gooiimi a Silwano ina alee/iís. Inós a hhiyoó ló'wa inkihhím. Barwaárí ngina gooiím as kuungá' nuwa gurbuu' nee nuwa lamabu'uum gídaabá gaarí a gurtleemuú ló' oo Mungú. Gawaá adoorihe sihhtano hhe'eesé' baraá gurtleemuuwihe.

Yuda 1:20

Ala kuungá' sla'aaruuser'eé', ti kwa/ase' baraá haratlintaaorhúng tidá' ló'wa hhoohhooe, nee firiirimé' ar baraá /uuruú Qeeruú hhoohhoó' oo Mungú.