1 Korinto 14:2 - Biblía Axweesantá Hhohho' ar Mungú 2004

² Asma heedá' axweemamiís ar tsifrír xuawasl, inós i axweesiiká dír múk i alé, ala in axwees dír Mungú. Asma inós heé gu axamiís i kaahh. Inós muruú i axweesi a muruú lu/aaráy. Inós muruuwí gun axwees ar /uuruú Qeeruú hhoohhoó' oo Mungú.

Ya/abtór hho' 1977

² Asma heedá' axweemamiís ar tsifrír xuawasl, inós i axweesiiká dír múk i alé, ala in axwees dír Mungú. Asma inós heé gu axamiís i kaahh. Inós muruú i axweesi a muruú lu/aaráy. Inós muruuwí gun axwees ar /uuruú Qeeruú hhoohhoó'.

1 Korinto 14:2 Iomraidhean Croise

IIMU/UUNGW 11:7

Qwalaasé', a aweeraán yaamu, tsifrir'ín a qasmisaán, kahhó' heé axweesantá kuqá' ga tsaáhh i kaahh.»

IIMU/UUNGW 42:23

Tam inooín sleeme nga tsahhi'iiká adór Yosefu inooín ngir axamiís, asma tana axweés ar loohír heé tsifrír ki/imís.

2 WAAWITÁ 18:26

Naagáy Eliakimu garmoó Hilkia, nee Shebna nee Yoa, heedaádá' úr oo múk taa karmuumúy nguri bayé', «Na'ás, axweés ar tsifrír Aramu, asma atén a axamisaán. Ma axweesaar ar tsifrír Ebrania asma mukqá' gawaá ságw koo/írí dirií' i axamiis.»

WARA'AMI 78:2

Afkwe'eé' un waatleés niwa axwees ar slaqsi'i, as lu/aaráyduú qaro nguwa oo'.

Matayo 13:11

Yesu giri i ilawaáts, giri báy, «Kuungá' naaqór waawuti'iimár doori aga xue'. Ala inooín ka xuiiká.

Marko 16:17

Nee layuuká' ti koná' nee mukdá' gaa haratlintii': Neetlaame ka duxún ar umuueé', ta axwees ar tsifrír /aben,

Marko 4:11

Yesu giri báy, «Kuungá' naaqór waawuti'iimár Mungú aga xué', ala dír mukduú hatlá' oo tsee/aawo kan kah ar slaqsi'i,

Tlehhema'aá ya/Abuuse 10:46

Asma tawa axweesi ar tsifrír xuawaslen nee Mungú kuwa diidi'iimisi kina axamiís. Petro iri oó',

Tlehhema'aá ya/Abuuse 19:6

Qoomár Paulo dabaawós ngiwa gawaaíní qaás Qeeruú hhoohhoó' oo Mungú giri i aweér. Tari axweés ar tsifrír xuawaslen, nee ya/abtór amór Mungú daahh kari axweés.

Tlehhema'aá ya/Abuuse 22:9

Mukdá' nee aníng ti al koomá', gwa/aateema kilooín kina ár, ala afór heedá' naa amor'eéní axwees kaa axaasiiká.

Rumi 16:25

Mungú i xirfuuti. Inós ga aleesláy kuungá' nuwa gawdeesi baraá haratlintaaooro ar Ya/abtór hho', tidár daanduú Yesu Kristo, aníng ni alki/iit, nee ar lu/aaráydá' taa iimír aáng wa luú/ kuwa geehhooeés.

1 Korinto 12:10

Nee oo hatlá' aleesleemu gun sláy oo muruú waa/oo/amo nguwa tlehhiiti. Kooko aleesleemu gun sláy oo iwa aariirin. Oo hatlá' aleesleemu gun sláy oo qeeruú dimbadimbé nguwa tsatsahhan. Nee kooko aleesleemu gun sláy oo iwa axweesi ar tsifrír dimbadimbé ar xuawaslen, nee oo hatlá' aleesleemu gun sláy oo tsifridá' ngiwa ilaharmiisi.

1 Korinto 12:28

Baraá tla/ángw kríshaanayhe Mungú muu bahh'alé guna qaás. Múk geera a ya/abuuse, múk tsár a kuduú aaruuse, múk tám a intsaahhatuuse. Múk aluudá' a kudá' aleesleemu gu koóm oo muruú waa/oo/amo nguwa tlehhiiti. Nee slám múk aluudá' a mukdá' aleesleemu gu koóm oo tiqtuuse kawa hungu/umiisi, nee kudá' aleesleemu gu koóm oo muu kuwa alee/iimisi. Nee oo hatlá' a mukdá' aleesleemu gu koóm oo muu kuwa geeraharaahari, nee oo hatlá' a kudá' aleesleemu gu koóm oo tawa axweesi ar tsifrír dimbadimbé ar xuawaslen.

1 Korinto 13:1

Aníng tam a axweesa ar tsifrír muu nee ar malayke, barnaxes sla'aari a koomaaká, aníng a adór muqslír ta muxi, ar gongheeliim, laqaá adór mitingartá tawó tsingilieeliim.

1 Korinto 13:2

Slám án tam aleesleemuú aaru'uuma u kooma, nee lu/aaráy sleémeero tam u xua, nee xu'uti sleémeero, slám tam haratlintaaór ur a kooma, tidá' tlooma ngiwa hingees, ala bar sla'aari a koomaaká, aníng a gár tawo.

1 Korinto 14:16

Asma barnaxes kuúng a Mungú xirfayeemís ar baraá qeeru, heé adoosíng xuaaká, inós adór ir ooi «Amin» a adoomá, barnaxes inós axweesanaydá' gwa tsaahhiiká?

1 Korinto 14:26

Ala hháe, adór ta laqa' a adoomá? Qoomár kuungá' bar aga burumburité', umuúqo heewo dirhunge barnaxes i daa'ángw kón, laqaá axweesantá intsaahhasa, laqaá axweesantá taa amoorós i geehhooeés, nee laqaá axweesantá tsifrír xuawaslen, laqaá ilaharmisuú axweesantadá', masók muruuwí sleémeero in tleehharuut as múk kríshaanáy kuwa kwa/amisi.

1 Korinto 15:51

Ga/aawaagáy, aníng gár lu/aaráy ngi dirhúngií oó'. Atén sleémeero a qatlanaaká, ala atén sleémeero ti warqees

1 Korinto 2:10

Muruuwí an kudá' Mungú naa dirénií geehhooatís ar loohír Qeeruuwós. Asma Qeeruú Mungú mura' sleémeero gu xuuxu'ún, tam muruudá' taa luú/ oo baraá muunuú Mungú i dirií'.

1 Korinto 2:7

Ala sagalooarí aníng ni axwees a sagalooár Mungú, tidá' taa luú/. Sagalooarí an tidá' Mungú aa iimír aáng wa tsawaár, qoomár yaamu kiwa tleehhiiká, as atén tiwa xirfuú i haniisi ar loohír sagalooarí.

Efeso 6:19

Aníng sleeme aleefiriirimaaré', as axweesanoó ni oo' nguwa slaw nee aleesleemu, as kahhó' lu/aaroó Ya/abtór hho' nguwa alki/iit ar pihh'uuma.

DABE 28:49

AAKOÓ MUNGÚ xoorór amór saáw daahh ngin huuw, kuúng uri i haratleér ar gaanslaay adór gwareesi ir gáwtí tlaatleer, xoorór kuúng tsifirirós ta xu'uká.

Kolosai 2:2

Gár ni slaa' masók inooín kin gurkwa/as, nee kiwa haragaasi baraá sla'aari, as xu'utír baraá qeeru ngiwa slaya', lu/aaroó Mungú kuwa tsaahha hhe'eesi. Nee lu/aaroó Mungú an Kristo inósuú kilá'.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

1 Timoteo 3:9

Inooín masók intsaahhasadár ló' ar haratlintaaoorén, tidá' taa geehhooeés ngaa oohiyé' ar munér hho'.

Geehhoeemaá 10:7

Ala de'emaá malaykamooduú faanqw tarumbeétarós ngiwa ufahhan naaqór Mungú i bó/, tidá' taa alki/iít nee sagadiyuuseerós tidár aaruuse.»