1 Korinto 14:16 - Biblía Axweesantá Hhohho' ar Mungú 2004

¹⁶ Asma barnaxes kuúng a Mungú xirfayeemís ar baraá qeeru, heé adoosíng xuaaká, inós adór ir ooi «Amin» a adoomá, barnaxes inós axweesanaydá' gwa tsaahhiiká?

Ya/abtór hho' 1977

¹⁶ Asma kuúng barnaxes a Mungú xirfayeemís ar baraá qeeru, heé adoosíng xuaaká, inós adór ir ooi “Amin” a adoomá, barnaxes inós axweesanaydá' gwa tsaahhiiká?

1 Korinto 14:16 Iomraidhean Croise

1 WAAWITÁ 1:36

Benaya garmoó Yehoyada waawutmo guri báy, «Amin, AAKOÓ MUNGÚ, Mungú, aakooeé' waawutmo, adoosíng ngi ya/an.

1 QOM'I 16:36

AAKOÓ MUNGÚ, Munguú Israeli, didi'iimisaak, iimír iimu/uungw wasle ay alhhe'eesay wasle. Aluuwo muu sleémeero iri oó', «Amin», Aakoó Mungú kuri xirfayeemiís.

NEHEMIA 5:13

Tlabaaeé' ngiri kuukuú', niri oó', «Umuúqo heé adoosíng ga tleehhaaká ku kukuui nee Mungú, ngu duuxi baraá do'ose nee baraá gadiyeérose. Ku kukuui nee i gaa wasleesi.» Boo/aydá' sleémeero tari oó', «Amin», Mungú kuri xirfayeés. Muu adoodá' ngira al'axweesiyé' ngiri tleehhiyé'.

NEHEMIA 8:6

Esra AAKOÓ MUNGÚ guri xirfayeés, Munguúdá' Úr. Muu sleémeero iri ilaaóh tawa kaahi, «Amin, Amin.» Dabaaín ngaa gáwtí tleesiyé', naagáy sager'ín ngay xupu'uusiyé', AAKOÓ MUNGÚ ngway sluufisiyé', giti ngiri yaamúr oohiyé'.

WARA'AMI 106:48

I xirfuuti AAKOÓ MUNGÚ, Munguú Israeli, iimír iimu/uungw wasle ay alhhe'eesay wasle! Muu sleémeero i ooi, «Amin!» AAKOÓ MUNGÚ xirfayeemisaak!

WARA'AMI 41:13

AAKOÓ MUNGÚ, Munguú Israeli, i xirfuuti, iimír iimu/uungw waslér wa ale ay alhhe'eesay wasle. Amin. Amin.

WARA'AMI 72:19

Umuuwós kudá' xiríf ku diidi'iimiis ay alhhe'eesáy wasle. Yaamu sleémeero xirfuuwose i hatsiye' ay alhhe'eesay wasle! Amin! Amin!

WARA'AMI 89:52

AAKOÓ MUNGÚ xirfayeemisaak ay alhhe'eesay wasle! Amin Amin!

YEREMIA 11:5

Múk Israeli bar adoorí ngaa tleéhh, aníng al'axweesantadá' naa baabi'ii'ín báw an boo/eés, tidá' niwa káh, «Yaamaá diihhooár ilwa nee dane i inooín i haniís adór hám laarí i dirii'iya! Aníng niri oó', ‹Masók an adoosíng, AAKOÓ MUNGÚ.› »

YEREMIA 28:6

Guri báy, «Masók an adoosíng, AAKOÓ MUNGÚ adoosíng ngi tleehhi, AAKOÓ MUNGÚ axweesantók tisíng ngi boo/eesi, xooslár Doó AAKOÓ MUNGÚ ngi baraá Babuloni wa ki/isi, dinkwa nee muu sleémeero kudá' taa amoodií loohatís.

FAARO 5:22

Ma'aykaá lo'o guruuwók ngu xir'itisiye'.› «/Ameenidá' i o', ‹Amin, Amin.›

Matayo 15:36

Mikaáteedá' faanqw gari óh, nee siyoódae, iri sluufiís, gari parhhamiís, gari eeharuuseerós i haniís. Nee eeharuuse giri dír boo/aydií qasmís.

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Marko 16:20

Inooínadá' tari tláy, Ya/abtór hho' kari alki/iít umuúqo diiro. Aako nee inooín tay al gadiyuús, /uuruú axweesantós guri geehhooatís ar layaá naa tleehharumiitiye' qoomaadae.]

Yohana 21:25

Tlehhma'aá yaariir awa hatlá' i dayá' awa Yesu aa tlehhiít. Geera bar sleémeero kina gooini, án ngi slaá' tam yaamu geera i bu'uutiaaká kiwa kitaabi'iidií qaasi.

Yohana 7:15

Múk Yahudi tari waa/oo/amín tari oó', «Heewí sagalooár adór tí adór ngira sláy, inós bira soomuusiiká?»

Tlehhema'aá ya/Abuuse 4:13

Mukdaádá' urén oo doó kwasleema pihh'uumár Petro nee Yohane kawa ár, nee kawa tsaáhh tawa múk aa soomuusiiká, tari waa/oó/. Kari tsaáhh adór mukwí nee Yesu tar dinkwa.

1 Korinto 11:24

iri sluufiís, guri parhhamiís, iri oó', «Gaarí an slaqwte'eé' ar tinda haniís as kuungá'. Adoorí tlehhiitaak as inslaslangw'eé'.»

1 Korinto 14:14

Asma aníng bara firiím ar tsifrír xuawasl, qeeruueé' i firiirín, ala fuqurangw'eé' gár i slaslay i káhh.

1 Korinto 14:2

Asma heedá' axweemamiís ar tsifrír xuawasl, inós i axweesiiká dír múk i alé, ala in axwees dír Mungú. Asma inós heé gu axamiís i kaahh. Inós muruú i axweesi a muruú lu/aaráy. Inós muruuwí gun axwees ar /uuruú Qeeruú hhoohhoó' oo Mungú.

1 Korinto 16:24

Sla'aarir'eé' masók i dinkwa nee kuungá' sleémeero ar baraá Kristo Yesuwo.

2 korinto 1:20

Asma al'axweesantá Mungú sleémeero ar baraá inose a «Eeít». Gawaá adoorihe atén sleeme an kaahaan «Amin» ar inós as Mungú kuwa xirfayeemiisaan.

Geehhoeemaá 22:20

Kudá' muruuwí gu lamabu'uúm i kaahi, «Eeít, aníng ni hardáh ar gaanslaay.» Amin. Qwaláng, Aako Yesu.

Geehhoeemaá 5:14

Nee muruudá' tsiyáhh oo slaáf iri oó', «Amin.» Nee bariise iri tumbarara'át, iri sluufmís.

Geehhoeemaá 7:12

tari káh, «Amin. Mungú an kudá' tsuuqaá koóm, nee xirif nee sagalooa nee sluufaay, nee ilaiwa/ame nee aleesleemu nee /uuru ay alhhe'eesay wasle. Amin.»