1 Korinto 14:1 - Biblía Axweesantá Hhohho' ar Mungú 2004

¹ Kuungá' sla'aari ló'wa leelehhiitaak. Nee aleesleemuú Qeeru sleeme leelehhiitaak, kawa ure aleesleemuú tawa aaririinda'.

Ya/abtór hho' 1977

¹ Kuungá' sla'aari ló'wa leelehhiitaak. Nee aleesleemuú Qeeru sleeme leelehhiitaak, kawa ure aleesleemuú ya/abtór amór Mungú daahh kawa axwesa' amór múk i alé.

1 Korinto 14:1 Iomraidhean Croise

AXWEESANOÓ SAGALOOA 15:9

Lohdaá tlakw AAKOÓ MUNGÚ gi waak, Ala heedá' hotaá ganaa'á' gi i qwatliít gun slaa'.

AXWEESANOÓ SAGALOOA 21:21

Heé hotaá ganaa'á' nee hhooeemaawo gi leelehhiít, slafiingw gun sláy nee gan'amu nee ilaiwa/ameero.

ISAYA 51:1

Aníng iiárií qaasaré' kuungaádaá hotaá ganaa'á' ngi sla'á', kuungaá AAKOÓ MUNGÚ leelehhiitá'. Tlaa/adá' tunduwa dakuút i qaytsitaak nee baraá bohongwdá' tunduwa duúx ar folit.

Rumi 12:6

Atén aleesleemuú Qeeru oo dimbadimbé u koomaán, ar harqoomoó tsuuqaadá' Mungú naa atén i haniís. Gawaá adoorihe heé aleesleemu gu koóm oo ya/abtór amór Mungú daahh kawa alki/iiti amór múk i alé, inós ngi alki/iiti ar harqoomayduú haratlintaaoorós.

Rumi 14:19

Ala bar adoosíng, gár atén tiwa hariím tidá' wayduú huwaahuuw tla/angwrene an tleehhaán, nee tidá' haratlintaaór umuúqo heewo ga kwa/amis.

Rumi 9:30

Ala gár ta ooaan a milá daanduú tihe? Mukduú xoordaá hatlá' oo gan'amu gwa leelehhitiiká dír Munguhe, inooín kaa gan'amuú i harafaár ar loohír haratlintaao.

1 Korinto 12:1

Hhaee'eé', gár án ni slaa', kuungá' kángw aleesleemuú ta hanmiisi nee Qeeruú hhoohhoó' oo Mungú masók un xuá'.

1 Korinto 12:31

Ala kuungá' aleesleemuudá' ak afhhamít na leelehhiitaak. Nee aníng loohír ak hhoo' ngi kuungá' i laqaám.

1 Korinto 13:13

Ala daxta gár kumiit a haratlintaao nee harahhifo nee sla'aari, muruuwí tám. Ala baraá muruuwihe gár ak afhhamít a sla'aari.

1 Korinto 13:2

Slám án tam aleesleemuú aaru'uuma u kooma, nee lu/aaráy sleémeero tam u xua, nee xu'uti sleémeero, slám tam haratlintaaór ur a kooma, tidá' tlooma ngiwa hingees, ala bar sla'aari a koomaaká, aníng a gár tawo.

1 Korinto 14:22

Gawaá adoorihe, aleesleemuú Qeeru oo hee iwa axweesi ar tsifrír xuawaslen dír mukdá' aa haratlintii'iikahe, a laya, ala dír mukdá' aa haratlintii'i a layaarooká. Ala aleesleemuú Qeeru oo hee iwa aariirin, a laya dír mukdá' aa haratlintii'i, ala dír mukdá' aa haratlintii'iikahe a layaarooká.

1 Korinto 14:37

Hee barnaxes ti kilós tsatsahhán iwa kaahi, «Aníng a aarusmo», laqaá, «Aníng a heé aleesleemuú Qeeru gu koóm», inós gár kuwa hariím axweesanay'eé' kwí naa dirhúngií gooiím masók gun tsaahh adór tar hara'ayár Aako.

1 Korinto 14:39

Gawaá adoorihe, hháe, aleesleemuú Qeeru ló'wa leelehhiitaak, kuduú aaru'uuma, nee slám hee mu ila/aamara' iwa axweesi ar tsifrír xuawasl.

1 Korinto 16:14

Muruuhúng sleémeero tlehhiitaak ar baraá sla'aari.

Efeso 1:3

Mungú i xirfuuti, Baabuú Aakoorén Yesu Kristo. Inós atén tina tsuúq ar baraá Kristo ar tsuuqa sleémeero awa Qeeru, awa gawaá doori.

1 Tesalonike 5:20

Axweesanoó aaru'uuma mu baloó waaqaqa'aara'.

1 Timoteo 4:14

Kuúng aleesleemuú Qeeru u koón baraawoge, kudá' taa sleér qoomár aaruuse iwa aaririín nee bariise uwa dákw i qás. Ala aleesleemuusíng mu mawaar kuwa ar gadiyus.

1 Timoteo 5:10

Slám inós masók kaa lamabu'ún tlehhema'aá hhoe. Masók na/ii nga umiín, nee dahaaye gaa dahi'imís, slám masók ya'aá múk Mungú nga hamtlít, nee múk taa slahh'eemiís ngwa alee/iimís, nee slám tlehhemuú hhoó' gwa tlehhít ar ilakaaharu.

1 Timoteo 6:11

Ala kuúng a heé Mungú. Kuúng ti paratl nee muruú adór kwí. Hotaá ganaa'á' na eehareek, nee ilaiwa/ame nee haratlintaao, nee sla'aari nee qiqtliingw nee tsatsaa'areema.

2 Timoteo 2:22

Ala kuúng ilatleeridár masoombi'iima ilaguweek. Ilakaaharu na tleehheek hotaá ganaa'á' kiwa sleer, nee haratlintaao, nee sla'aari nee wayda. Adoorí na tleehheek dinkwa nee mukdá' Aakoó ateetiím ar muunuú hhoohhoó'.

Ebrania 12:14

Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.

2 Petro 1:7

nee baraá ilaiwa/amerhunge sla'aarír hhae doogaak, nee baraá sla'aarír hhaeewo sla'aarír muu sleémeero doogaak.

3 Yohana 1:11

Sla'aarúsmo, tlehhma'aá tlakw mi eeharaar, awa hho' na eehareek. Heé tlehhma'aá hho' gi tlehhiít a heé Mungú. Ala heé tlehhma'aá tlakw gi tlehhiít, Mungú gwa ariiká.

1 SAMUELI 10:5

Alaá tihe tari hardát Gibea-elohim, dír koo/ír gawit ar slaqwaruusér múk Filisti i diri', tari hardát baraá gixsa, tiri dogá' nee daqtá aaruuse ar naa gáwtá wa awet, i mariímbár muxiyá' nee oowiro, nee fililimbiro, nee gidaandoriro, inooín ta aariirín.