1 Korinto 13:5 - Biblía Axweesantá Hhohho' ar Mungú 2004

⁵ Sla'aari i ilaiwa/amér koón, i qahángw koondaaká, i buhhabuhhká, i tlakweemaá faditká.

Ya/abtór hho' 1977

⁵ Sla'aari i ilaiwa/amér koón, i qahángw koondaaká, i buhhabuhhká, i tlakweemaá faditaaká.

1 Korinto 13:5 Iomraidhean Croise

2 SAMUELI 10:3

geeraharuusér uren ar múk Amoni aakooín guri beér, «Hanuúni, xáy, kawa xu' Daudi muu nguwa amoorógi ya/aáw uwa gurkwa/asi as baabuúwók nguwa ilaiwawá/i? Xáy, Daudi muu ngwa ya/aawikáhe, as gixsa ngiwa tsee/aarina' nee kawa tsawtsawusi aluuwo kari hayoh.»

YOBU 21:27

Iia qaasaak! Aníng inslawayhúng ugwa tsaáhh nee axweesanoó tlákw oo daandueene ta koonda'.

AXWEESANOÓ SAGALOOA 14:17

Heé tawo xwar'amiít buhhtaawo a daktani, Ala heé fuqurángw koóm i qiqtlín.

ISAYA 3:5

Nee muu tiri kilooín baramaanuus, umuú heewo nee mulqumoowós, umuú heewo nee inslaawmoowós. Masoomo iri saga gawduú tleehh dír baabuúwose, nee heé daqaatlaákw dír geeraá heé ilaiwa/amér koóm.

YEREMIA 11:19

Ala aníng an adór deelmoó bee/i kudá' tsatsa'aár oo ta gaasár ay. Aga xuiiká adór aníng tir gaasár wa slaá', tawa kaahi, «Xa'anoowí u hhitiimaán dinkwa nee mamuuwose. Un amór saáwií kwahhaán baraakaá yaamaá múk slafa. Umuuwós mukuwa baloó insláy malé alé.»

FAARO 12:3

(Mose a heé ló'wa tsatsaa'aár ta muu sleémeero oo baraakaá yaamuwo.)

FAARO 16:15

Mose iri ló'wa buúhh, AAKOÓ MUNGÚ guri báy, «Ilahhooár mukwí ma oohaar. Aníng daqoó hee oo naa ar tláw i kaahh, laqaá heé naa slahh'eés i kaahh.»

FAARO 32:6

Mose mukuú tlahhoó Gadi nee oo Reubeni giri mu/aywaáts, iri oó', «Xáy a sla'á'a kuungá' tawa diirií meta', nee múk Israeli, hhaeehúng, tawa tlay baraá slaqwara?

Matayo 5:22

Ala án kuungá' nu baw, ‹Umuúqo heewo oo hhiyaawós gwa i buuhh, gár kuwa hariím a kun sakwasleemuut.› Umuúqo heewo oo hhiyaawós /ooslisliím, gár kuwa hariím kun huuw dír doó sakwasleema. Nee umuúqo heewo oo hhiyaawós gu babáw, ‹Kuúng a daktani›, gár kuwa hariím asltá baloó gwaa'aaká gun /ák.

Matayo 9:4

Ala Yesu tidá' ta baraá muner'ín i axweesi gari tsaáhh, iri oó', «Muruusíng tlákw mus baraá munerhúngí axwesá'?

Marko 3:5

Iri gurhaamuút asma gawdeemaá muner'ín, giri ilií duxún bihhe sleémeero ar buhhta, heedaádá' guri báy, «Dakók gan'aaseek.» Heedaádá' dakós guri gan'aás, dakós iri hunguú/.

Luka 7:39

Heedaáduú Farisayo oo Yesu gwaa dír do'ós i dah'ís, adoodá' ngiwa ár, ina baraá muunaáwós i oó', «Heewí geera bar aarusmo, /ameenirí gu kwatimiit gaa tsaáhh adór tar heemá nee a /ameenír adoomá, asma a tlakuso'o.»

1 Korinto 10:24

Hee tidá' inós i slai mingiwa leelehhiít, ala masók a tidá' heé hatlá' gu alee/iis gan leelehhiit.

1 Korinto 10:33

ar adoodá' aníng ni tlehhaahhiit. Asma aníng umuúqo heewo un sla'atisár wa slaá' baraá muruudá' sleémeerowo ni tlehhiita. Gadaádá' aníng i gaa wa buu' a leelehhiitaaká, ala a tidá' múk yaariír gu gaa wa buu' an leelehhiít, as kahhó' inooín kiwa ba/amisi.

1 Korinto 11:18

Gár har geeraá, aníng kaangw ugwa axaás qoomár kuungá' múk kríshaanáy bar burumburimitá', kuungá' taa partlité'. Ala aníng adór kaangwí turu ló' aga ya/aám.

1 Korinto 12:25

Asma tlaampa'aamis pa/aangw munguwa sláy baraá slaqwto, ala diqaay ti amohhe'eemaamisi umuúqo diqto nee diqito'ór hatlá'.

1 Korinto 7:36

Ala daqtakaaro laqaá hee i da'ayuut iwa ooi, dasir'eé' tidá' taa duuxiiká bar aga haniisiiká dír heéwí alé, aga sadakuús. Barnaxes dasiidá' qoomár duuxo gaa eér, nee a gár hariím inós kawa duuxi, baabuúdá' adór inós i slai ngi tleehhi. Ala aa dakusiika barnaxes ya/aám gaa haniís tiwa duxuutiya'.

2 korinto 5:19

Gídaabárós a tí, «Mungú muu guna haraki/ís nee inós ar baraá Kristo, as muu munguwa tlakweemaaín i harafaár. Nee slám axweesantá haraki/isa ngaa qaás baraá muneeréní alé.»

Galatia 5:13

Ala kuungá', hhaee'eé', kuungá' tunduna ateét as tawa hota' ar amohhooa. Ala amohhooarhúng tisíng ma ar hootara' as ilatleerír slaqwa kawa eeharahada'. Ala ti sagadiyuse' ar sla'aari.

Filipi 2:21

Awa hatlá' sleémeero a muruuín kilós ngun leelehhitiyá' ala a gadiyér Yesu Kristoowooká.

Filipi 4:8

Alhhe'eesaywo, hhaee'eé', muruú kuungá' tunduwa hariím inslaslaango a kwí, muruudá' sleémeero oo ló', nee kudá' ilaiwa/amér koóm, muruudá' sleémeero oo gan'amuú koóm, nee kudá' hhohhó', slám muruudá' sleémeero oo sla'atimís nee oo hhooeemaá koóm, nee tlehhemi'iidá' sleémeero awa hhohho' nee awa xirfuú wa hariimá'.

2 Tesalonike 3:7

Asma kuungá' kilá' a xuá' gídaabá gár kuungá' tunduwa hariím a an hotá' ar adoodá' atén tara hootaán. Qoomár tawa hootaán nee kuungá', atén aga tli/uutaniiká.

2 Timoteo 2:10

Gawaá adoorihe aníng umuúqo gaaro an saqiqtliím as múk taa tsawaár oo Mungú, asma inooín sleeme masók alhhe'eesaywo ba/amadár baraá Kristo Yesu i dirii' ngiwa slaya', dinkwa nee xirfuuduú alhhe'eesay wásl.

2 Timoteo 4:16

Bál kwasleemar'eé' tidár geeraawo, qoomár aníng tiwa aleekal/aam heé bartaeé' ngaa ay i kaahh. Ala sleémeero ina geexayé'. Ala tlakweemaaká' mikiwa daandeemooín i harafaár.

Yakobo 1:19

Hhaee'eé' awa sla'aaruúse, tí xuaak, umuúqo heewo masók ku inslaáhh gaa axaasaro, ala miwa gaanslín ilawatsto, laqaá buhhtaawo.