1 Korinto 13:4 - Biblía Axweesantá Hhohho' ar Mungú 2004

⁴ Sla'aari i qiqtliín, i hhooeemaá tlehhít. Sla'aari i da/itá koondaaká, sla'aari i daara/ángw koondaaká, ti kilós xirfayeemiská.

Ya/abtór hho' 1977

⁴ Sla'aari i qiqtliín, i hhooeemaá tlehhít. Sla'aari i da/itá koondaaká, sla'aari i daara/ángw koondaaká, ti kilós xirfeemiská.

1 Korinto 13:4 Iomraidhean Croise

IIMU/UUNGW 30:1

Raheli ngiwa aán adór nee Yakobo na/aay kur slaslayká, gura' gari óh as Lea, Yakobo guri beér, «Na/ii haniisang, bar adooriheeká aníng a gwaá'.»

IIMU/UUNGW 37:11

Hhaeewós gur'e giri ohiín, ala baabuúwós muruuwí sleémeero guri baraá muunaáwós i qaás, as nguwa aldakwi.

NEHEMIA 9:17

Niri iialooeesi'iiká, muruú waa/oo/amo oo taa tla/angw'ín wa tléhh ngwa inslay'iiká. Da/ewer'ín ngay gawdesiyé', geeraharusmo ngway qaasiyé' oo gi ki/ís baraá lawaali'iimár yaamaá Misri. Ala Mungú, kuúng tu inslaáhh gurtleemuwo, a gurtleemuú koón nee tsuuqaawo, kuúng tu inslahheeká buhhtaawo. Kuúng sla'aarirók i warqeeraaká, as adoorí inooín iga kwahhká.

WARA'AMI 10:5

Tlakusmo qooma sleémeero muruuwós i ya/aa/án. Inós ga baloó tsaahhiiká adór kuúng muu kur sakwasleemút. Wakuuseerós sleémeero gan waaqaaqaa'.

AXWEESANOÓ SAGALOOA 10:12

Aahhi i foluú huwaahúp, ala sla'aari tlakweema sleémeero gin lú/.

AXWEESANOÓ SAGALOOA 13:10

Sagagawda i tlampa'amisuú huwahuuw, Ala sagalooa i dinkwa nee gurbu'uungw axamis.

AXWEESANOÓ SAGALOOA 17:14

Gila adór kir iimu/aa/in a adór dír niina ar ma'aay nira kotsoqotiyé', Gimsé', xasliité' dír gila nira uui'iiká.

AXWEESANOÓ SAGALOOA 17:9

Heé tlakweema gaa gurtlay in sla'aarír leelehhiit, Ala heé tlakweemaá inslasláw in ilaá gaamiis.

AXWEESANOÓ SAGALOOA 19:22

Gár heéwá hariim a kuwa inkihhím, nee narkutmo ku hara'áy ta lamusmoowo.

AXWEESANOÓ SAGALOOA 31:20

Narkuute gan /iimís muruuwose Nee múk sla'amuút sleeme.

AXWEESANOÓ SAGALOOA 31:26

Axweesanoó sagalooa gun ar axwés afkose Nee hara'ayár hho' ga koón.

DAHARUSMO 10:4

Waawutmo bar kuúng ugwa i buúhh, didá' tay dir'a ma tlawaar, asma axweesantá fur'ár tsá' buhhtaá yaariir gi hingés.

Matayo 27:18

Asma inós gaa xuú' adór gár Yesu kungu sa duúx tar da/i.

Tlehhema'aá ya/Abuuse 7:9

«Bariiseerén tidá' gur'e gari ohiín as Yosefu, kuri weeriís as kuwa huwi yaamaá Misri. Ala Mungú i dinkwa nee inós.

Rumi 1:29

Inooín tari haáts daa'aweemaá tlakweemaawo, ilatleerír peésa, nee hheehha nee tsaatu'uuma. Tari haáts da/ito, nee tsu/uta nee gila, nee al/ayma nee fola. Tari kaantín,

Rumi 13:13

Atén masók an hootaán ar ilaiwa/ame ar adoodá' hotaá tlatla/aangw kiwa hariím. Ala mawa hootaán ar hheehha nee xufta, laqaá ar tsaatu'uuma nee ar slafíngw slasla/arén. Nee slám mawa hootaán ar gila nee da/i.

1 Korinto 3:3

Asma tam hamí kuungá' a hotaatiindá' ar adoodár múk Qeeruú koomaaká ir hotaatin. Asma baraahunge da/i i deer, nee kaangaani. Gaarí gár i laqaaqaan a kuungá' heeuumarhúng tidár tlakweema an eeharahadá'aáke, nee an hotaatiindá'aáke ar adoodá' múk baraaká' yaamu ir hotaatin?

1 Korinto 4:18

Bahh'alé baraá tla/angwhunge ta kaahi aníng ni amorhúngií daqawká, niri daara/uumitiyé'.

1 Korinto 4:6

Hháe, diirihe aníng nee Apolo a slaqsaay dirhunge. Adoorí ana tleéhh as kuungá' kaangwí kuwa dirén wa intsahha', «Adoodá' Gooi i kat ma mawaara'.» Hee dirhunge miwa daar/án as daanduú intsaahhatusmooko oo hatlá' guri waaqaaqaa'.

1 Korinto 5:2

Ala bar adoorí, kuungá' gár ta daara/aanda' a milá? A tsiní alók geeraawo barnaxes ana gurhaamuté'. Heé tlehhemuú adór kwí gu tlehhiít gár kuwa hariím a kun paraatl dír múk kríshaanayhe.

1 Korinto 8:1

Daxta kángw ni oo' a kángw fu'unaydá' taa hanmamisi dír munguaá hatlá'. Atén aga qaroó xuaán adór atén sleémeero xu'uti kar koomaán daanduú kaangwihe. Ala xu'uti gár ni huwaahup dír heewo a daara/aangw. Ala sla'aari gár ni huwaahup dír heewo a kwa/asa.

2 korinto 12:20

Asma aníng gár ni da'ayumiit a tí, án binda amorhúngií hardáh, án kuungá' adoodá' nur slaa' dooqa nu adoodá' i awaaká. Nee slám a da'ayumiít as kuungá' aníng iwa aanda' ar adoodá' kuungá' ta sla'a'aaká. A da'ayumiít dooqa án kuungá' dír ni aw a baraá gila, nee gur'e nuwa ohiin, nee xaraasleema, nee fola, nee tloqmis, nee kaantiingw, nee daara/aangw nee tlaahhi.

2 korinto 6:6

Atén tin laqaqaamaán tawa sagadiyuusér Mungú ar adoodá' tara hootaán ar slafíngw hhohhó', nee ar xu'uti, nee ar qitla, nee hhooeema, nee ar Qeeruú hhoohhoó' oo Mungú kuwa koomaan, nee sla'aaridár ló'.

Galatia 5:26

Atén xirif muwa leelehhiitaán tam atén tiri kiloorén giirimiisaán nee tari tloomatloomaán.

Efeso 4:2

Umuúqo daqto masók ti niinaweemisá' nee tawa múk tsatsa'arén, nee oo qiqtliím, tam tiwa sa qiqtliinda' ar baraá sla'aari.

Efeso 4:32

Kuungá' masók a múk hhó' nee oo gurtleemuú koóm. Ti kiloohúng gurtlatleere' adoodá' Mungú kuungá' nura gurtláy baraá Kristowo.

Filipi 1:15

Muu bahh'alé i deer oo kángw iidíguú Kristo gu alki/iít as da/i nee gila, ala tam adoorihe awa hatlá' i dayá' sleeme awa kángw Kristo ngu alki/iitá' ar muunuú hhoó'.

Kolosai 1:11

An firiiriimaán as kahhó' Mungú baraá aleesleemuuwós kudá' xirfuú kooma, kuungá' nuwa /uuruú i haniisi, as tawa qitla' baraá mura' sleémeero oo ti'imiita.

Kolosai 2:18

Mukko i deer, oo ti kilooín niinaweemiís ar al/ayma, nee adoorí ngi sa qwalaala/iyá', slám i malaykér firiiriná'. Nee tin kilooín xirfayeemisiyá' as iigu'utuuín, gár tas daara/an ar kilá' i káhh, a inslaway'ín oo tlákw. Múk adór kwí munduwa al/aáy nee qeemuuhúng guri hayoh.

Kolosai 3:12

Kuungá' a múk Mungú aa tsawaár, mukós oo hhohó' oo i slai. Gawaá adoorihe muunuú gurtleemu koomaak, nee hhooeema, ti kiloohúng niinaweemise', nee tsatsaa'areema koomaak, nee qiqtliingw.

1 Tesalonike 5:14

Hháe, atén kuungá' nu firiimaán, tli/uuse naanaaqaak, múk daqatlakwén gurkwa/amisaak, mukdá' haratlintaao niiná alee/iimiisaak, slám kuungá' masók a múk qitluú aleesláw dír muu sleémeerowo.

1 Timoteo 6:4

heé adoorí i daara/án, nee slám gár i xui i káhh. Heé adoorí gár i slai ka tlaakw, asma inós gár i slai a tlaampa'amisuú axweesani nee kaangaani. Nee muruuwí gár ni huwi a da/i, nee gila, nee daanda axweesani, nee inslawoó tlákw daanduú heewo,

2 Timoteo 2:25

Slám masók inós a heé tsatsa'aár, qoomár bar i mukdá' inós tlampa'aamiís qwatsín. Asma Mungú dooqa mukwí gu hhu'u'úngw i haniis, nee looeema ngiri tsaahhiyá',

2 Timoteo 3:10

Ala kuúng aníng iga eehát baraá intsaahhasar'eene, nee digir wakeetingw'eene, nee adoodá' án ni slaa' baraá slafingw'eene. Nee slám haratlintaaor'eé' aga aán, nee daamaarangw'eé', nee sla'aarir'eé' nee qiqtlingw'eé'.

2 Timoteo 4:2

Ya/abtoorí alki/iiteek, masók tu amohhoó' qoomár hariima nee qoomár hariimaakahe. Tlakweemaá muu geehhooutiseek, iigahhamiiteek, naanaqeek ar qitla sleémeero, nee kiwa intsaahhatimis.

Tito 3:3

Aáng atén sleeme a daktana, slám a múk iawásl. A múk aa qwaar, nee atén a lawaalér ilatleeri nee qwal/uú dimbadimbé. Atén ana hootaán baraá tlakweema nee da/i, muu una buhhtimisaán, nee nguri ahhitaán.

Yakobo 4:5

Laqaá kuungá' ka xua' Gooi in tawó axwésa, tidá' kah, «Mungú gura' gun ló'wa ohín as qeeruudá' aa baraarén i qaás.»

1 Petro 2:1

Gawaá adoorihe tlakweema sleémeero hingeesaak, lama nee hhaahhafiingw sleémeero, nee da/i nee /ayseeno sleémeero.

1 Petro 3:8

/Aymuú alhhe'eesaay a kwí, kuungá' sleémeero masók a múk ti kaangw axamiís, nee múk tsaén, nee slám hhae na sla'asla'aak. Kuungá' masók a múk gurtleemuú koóm, nee múk ti kilooín niinaweemiís.

1 Petro 4:8

Ala gár afhhamít ta muruuwí sleémeerowo a tí, kuungá' kiloohúng ti sla'aaslae'. Asma sla'aari tlakweemaá yaariir gi tuntúk.

2 Petro 1:7

nee baraá ilaiwa/amerhunge sla'aarír hhae doogaak, nee baraá sla'aarír hhaeewo sla'aarír muu sleémeero doogaak.

1 Yohana 4:11

Sla'aaruúse, bar Mungú atén taa adoorír slaá', atén gár tiwa hariím masók tin sla'asla'aán sleeme.