1 Korinto 13:1 - Biblía Axweesantá Hhohho' ar Mungú 2004

¹ Aníng tam a axweesa ar tsifrír muu nee ar malayke, barnaxes sla'aari a koomaaká, aníng a adór muqslír ta muxi, ar gongheeliim, laqaá adór mitingartá tawó tsingilieeliim.

Ya/abtór hho' 1977

¹ Aníng tam a axweés ar tsifrír muu nee ar malayke, barnaxes sla'aari a koomaaká, aníng a adór muquslír ta muxi, ar gongheeliim, laqaá adór mitingirír tawó tsingilieeliim.

1 Korinto 13:1 Iomraidhean Croise

WARA'AMI 150:5

Xirfayeemisaak ar mitingiraay. Xirfayeemisaak ar mitingiroó ló'wa tsingilieeliím.

Matayo 25:45

Inós iri ooi, ‹Án a kah, umuúqo gaaro ar taa tlehhi'iiká dír oo wák baraá hhaee'eé' kuká' ninakwe, a ngina aníngií tlehhi'iiká.›

Marko 16:17

Nee layuuká' ti koná' nee mukdá' gaa haratlintii': Neetlaame ka duxún ar umuueé', ta axwees ar tsifrír /aben,

Rumi 14:15

Kuúng barnaxes hhiyaawók ugwa gurhaamír i qás ar muruú /aymár ta /ak, daqaní kuúng a baraá sla'aarír wa hotká. Muruú /aymaarók hhiyaawók munguwa qwaareés, asma Yesu hhiyaawók kudá' guna sa gwaá'.

1 Korinto 12:10

Nee oo hatlá' aleesleemu gun sláy oo muruú waa/oo/amo nguwa tlehhiiti. Kooko aleesleemu gun sláy oo iwa aariirin. Oo hatlá' aleesleemu gun sláy oo qeeruú dimbadimbé nguwa tsatsahhan. Nee kooko aleesleemu gun sláy oo iwa axweesi ar tsifrír dimbadimbé ar xuawaslen, nee oo hatlá' aleesleemu gun sláy oo tsifridá' ngiwa ilaharmiisi.

1 Korinto 12:16

Nee iia bira ó', «Aníng ar slaqwtooká asma aníng a iltooká,» xáy, iia ar slaqwtookáhe as adoorí?

1 Korinto 12:8

Asma heé wák aleesleemuú axweesantá sagalooa gun sláy ar Qeeru, nee kuqá' aleesleemuú axweesantá xu'uti gun sláy ar Qeeruuduú kilá'.

1 Korinto 13:8

Sla'aari alhhe'eesaywós i kaahh. Aleesleemuú Qeeru i deer oo hee iwa aariirin, aleesleemuuwí i waaraahh. Slám tsifrír xuawaslen i deer, ala i alhhe'eesoó koón. Nee xu'uti i deer, ala i waaráhh sleeme.

1 Korinto 14:2

Asma heedá' axweemamiís ar tsifrír xuawasl, inós i axweesiiká dír múk i alé, ala in axwees dír Mungú. Asma inós heé gu axamiís i kaahh. Inós muruú i axweesi a muruú lu/aaráy. Inós muruuwí gun axwees ar /uuruú Qeeruú hhoohhoó' oo Mungú.

1 Korinto 14:4

Heedaádá' axweés ar tsifrír xuawasl tin kilós kwa/amis baraá haratlintaaoorose. Ala kudá' aaririím, inós i kríshaanoó kwa/amis.

1 Korinto 14:5

Aníng gár ni slaa' masók kuungá' sleémeero an axwesá' ar tsifrír xuawaslen, ala a ak slaá' kuungá' tawa aaririinda'. Asma heé aaririím ku ak úr ta kudá' axweesa ar tsifrír xuawasl, aqo har heedaádá' tsifrír xuawasl ga ar axweés barnaxes tsifriidá' ngaa ilaharmiís, as kahhó' kríshaanáy kuwa kwa/amisi.

1 Korinto 8:1

Daxta kángw ni oo' a kángw fu'unaydá' taa hanmamisi dír munguaá hatlá'. Atén aga qaroó xuaán adór atén sleémeero xu'uti kar koomaán daanduú kaangwihe. Ala xu'uti gár ni huwaahup dír heewo a daara/aangw. Ala sla'aari gár ni huwaahup dír heewo a kwa/asa.

2 korinto 12:4

Aníng a xuú' adór inós kura ar tláy ay didá' amohhoo'. Axweesanoó ooaro ta aleeslayká guri axamiís, axweesanaydá' tawa ya/anká hee nguwa axweesi.

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

Galatia 5:6

Asma hee barnaxes i baraá Kristo Yesu, dirose al/utlo a gaarooká, laqaá tam kwa al/utliiká a gaarooká. Ala gár afhhamít a haratlintaao, tidá' ti laqaqaam ar sla'aari.

1 Timoteo 1:5

Gár hara'ayaarí ngisa oó', masók sla'aari i doogigiín, tidá' baraá muunuú hhoohhoó' daahh, nee afór hho' ar baraá muuná, nee haratlintaaór waaqoodár koomaaká.

1 Petro 4:8

Ala gár afhhamít ta muruuwí sleémeerowo a tí, kuungá' kiloohúng ti sla'aaslae'. Asma sla'aari tlakweemaá yaariir gi tuntúk.

2 Petro 2:18

Asma inooín axweesanoó urén kun kah oo gaa wásl. Nee ilatleerír slaqwa kan ar gadiyuus as múk aa sangw haratlintii' kuwa al/ayi, mukdá' baraá tla/ángw tlakuuse ngaa sangw geexay.

Geehhoeemaá 14:2

Aníng afo ngiri axaás ar gawaá dooraá daahh. Afoodá' a adór afór ma'aá yaariir awa wa/amiimá' baraá wa/ángw i alé, nee a adór afór kududuhár ur. Afoorí naa axaás a adór afór múk marímbár muúx, qoomár inooín marímbar'ín ngiwa muxiya'.