1 Korinto 12:9 - Biblía Axweesantá Hhohho' ar Mungú 2004

⁹ Nee oo hatlá' aleesleemuú haratlintaao gun sláy ar Qeeruuduú kilá', kuqá' aleesleemuú hungu/umis gun sláy ar Qeeruuwí wák.

Ya/abtór hho' 1977

⁹ Nee oo hatlá' aleesleemuú haratlintaao gun sláy ar Qeeruuduú kilá', kuqá' aleesleemuú hungu/umis gun sláy ar Qeeruuwí wák.

1 Korinto 12:9 Iomraidhean Croise

Matayo 10:8

Tiqtuuse hungu/uumisaak, nee múk aa qaatl waasle/atimisaak, nee múk tiqtír tsatimit hhoohhooeemisaak. Neetlaame duxumaak. Aga tawó sleeré', tawo hanmiisaak.

Matayo 21:21

Yesu giri báy, «Án a kah, kuungá' bar haratlintaao a koondá', nee a xuruumita'aaká, ar ta tlehha' a tír /aantsí kiloseeká. Tam tloomarí sleeme bara beeré', ‹Quútl, tláw ti kwahhtá eer baraá tlawi,› adoorí i tleehharút.

Marko 16:18

dayshe tamka ohín, laqaá gár tsu/uut barka wáh, gár gi aw i káhh tam ar niiná. Dabaaín birka gawaá tiqtuusér i qaás, i hungaagú/.»

Marko 6:13

Neetlaamér yaariir kari duxún, tiqtuusér yaariir kari di/tár slikín, kari hungu/uumiís.

Luka 10:9

tiqtuusér dáw ka hungu/uumisá', muu ku beera', ‹Waawuti'iimár Mungú naa tseewuúr.›

Luka 9:2

Aluuwo gina ya/aáw waawuti'iimár Mungú kawa alki/iiti, nee tiqtuuse kawa hungu/uumisi.

Tlehhema'aá ya/Abuuse 10:38

Kuungá' kángw Yesú Nasareti u xuá', adór Mungú ngura Qeeruuwós oo hhoohhoó' i haniís nee /uuru. Inós ina hi'iimiít umuúqo diiro, gadiyér hho' gari tlehhiít, nee muu sleémeero guri hungu/uumiís, kudá' Neetlaangw aa slahh'eemiís. Asma inós nee Mungú a dinkwa.

Tlehhema'aá ya/Abuuse 5:15

Tam tiqtuuse sleeme kari huwahuúw ar falo nee ar hhafeeto afaá loohír i ale, as geehhaantamoó Petro ngiwa slay qoomár inós bir waaraahh.

1 Korinto 12:28

Baraá tla/ángw kríshaanayhe Mungú muu bahh'alé guna qaás. Múk geera a ya/abuuse, múk tsár a kuduú aaruuse, múk tám a intsaahhatuuse. Múk aluudá' a kudá' aleesleemu gu koóm oo muruú waa/oo/amo nguwa tlehhiiti. Nee slám múk aluudá' a mukdá' aleesleemu gu koóm oo tiqtuuse kawa hungu/umiisi, nee kudá' aleesleemu gu koóm oo muu kuwa alee/iimisi. Nee oo hatlá' a mukdá' aleesleemu gu koóm oo muu kuwa geeraharaahari, nee oo hatlá' a kudá' aleesleemu gu koóm oo tawa axweesi ar tsifrír dimbadimbé ar xuawaslen.

1 Korinto 12:30

Nee sleémeero aleesleemu ngu kón'a oo tiqtuuse kawa hungu/utimisi? Nee slám sleémeero ta axweési ar tsifrír xuawaslen? Nee sleémeero tsifriirí ka ilaharmiísi?

1 Korinto 13:2

Slám án tam aleesleemuú aaru'uuma u kooma, nee lu/aaráy sleémeero tam u xua, nee xu'uti sleémeero, slám tam haratlintaaór ur a kooma, tidá' tlooma ngiwa hingees, ala bar sla'aari a koomaaká, aníng a gár tawo.

2 korinto 4:13

Ala atén haratlintaao a koomaán. Gooi i kat, «Aníng haratlintaao a koóm, gawaá adoorihe aníng a axweés.» Atén sleeme qeeruuduú kilá' oo haratlintaao u koomaán, gawaá adoorihe atén sleeme a axweesaán.

Efeso 2:8

Gár tundusa ba/amís a gurtleemuú Mungú ar loohír haratlintaao. A gadiyérhungeeká, ala a gár Mungú naa tawó haniís.

Ebrania 11:33

Mukwí a múk haratlintaaór koóm. Inooín waawituú yaamaá hatlá' nguri baaliyé', adór ganaa' ngiri tleehhiyé', ngiri tsaahhiyé' adór al'axweesantá Mungú kara boo/eés. Slám inooín afér direeri ngiri tseegiyé',