1 Korinto 12:6 - Biblía Axweesantá Hhohho' ar Mungú 2004

⁶ /Uureemaá dimbadimbé awa gadiyuusá' i dayá', ala Munguúdá' gadiyeédá' sleémeero ga tlehhahhiít, inós a wak.

Ya/abtór hho' 1977

⁶ /Uureeraá dimbadimbé awa gadiyuusá' i dayá', ala Mungúdá' gadiyeédá' sleémeero ga tlehhahhiít, inós a wak kilós.

1 Korinto 12:6 Iomraidhean Croise

YOBU 33:29

Mungú adoorí gan dír heéwí tleehh, ay sagáwa tsár laqaá ay tám sleeme.

Yohana 5:17

Ala Yesu inooín giri báy, «Baabuúeé' i gadiyuus tam hamí, nee aníng sleeme an gadiyuús.»

1 Korinto 12:11

Heé muruuwí sleémeero gu tleéhh a Qeeruú Mungú kudá' wák kilós. Qeeru aleesleemu gun hanmiis dír umuúqo heewo ar adoodá' i slai.

1 Korinto 12:5

Nee slám gadiyér dimbadimbé i deer, ala Aako a wak.

1 Korinto 15:28

Ala mura' sleémeero burkwa hhe'eés qaasaro gawaá dabaá Garma, daqaní Garma sleeme ti kilós qaas baraá dabaá Mungú. Asma Mungú an kudá' mura' sleémeero gwa gawaá dabaá Garmá i qaas, as masók Mungú iwa mura' sleémeero tleehhiti baraá muu sleémeerowo.

1 Korinto 3:7

Ala heedaádá' dahaasiím inós a gaarooká, laqaá tam kudá' ma'aá eemiís sleeme. Ala heé afhhamít a Mungú, kudá' ureemiís.

Efeso 4:6

Mungú a wak, nee inós a Baabuú muu sleémeero. Inós i gáwtí dirii' dír muu sleémeerowo, nee i gadiyuus baraá muu sleémeeró wa ale, slám i baraá muu sleémeeró i dirii'.

Filipi 2:13

Asma Mungú in baraahúng wa gadiyuus. Inós kuungá' nu alee/iis as sla'aarirós kawa tlehha' nee gadiyér hhoo' kawa tlehha'.

Kolosai 1:29

Aníng a gadiyuús nee a naagamiís as gadiyeédá' ngiwa boo/ees, ar baraá /uuruudá' úr oo Kristo ni aníng i hanmiisi, /uuruudá' ló'wa gadiyuús baraaeé' wa ale.

Kolosai 3:11

Ala baraá slafingwí /abene, barqaanti i káhh dír heé Yahudiro nee heé Yunaniro, laqaá dír heé taa al/uútl nee heé taa al/uutliiká, laqaá hoomo, laqaá heé iimiboó/, laqaá lawaalmo nee kuduú lawaalmoowooká. Ala Kristo inós a mura' sleémeero nee i baraá muu sleémeero.

Ebrania 13:21

Munguúwí umuúqo gár hhoo' ngi kuungá' i haniisi, as kuungá' sla'aarirós kawa tlehha'. Inós tidá' i slai ngi tleehhi baraá muneerene ar loohír Yesu Kristo. Inós i xirfuuti ay alhhe'eesay wasle. Amin.