1 Korinto 12:2 - Biblía Axweesantá Hhohho' ar Mungú 2004

² Kuungá' a xuá', qoomár kuungá' tawa pakaanáy. Qoomaadae kuungá' ana ya/aandé' tunduwa huwahuwi nee mungi'iidá' afe waslen, kudaá murslaaqat, adoodá' kuungá' tundura geeraharahaár.

Ya/abtór hho' 1977

² Kuungá'a xuá', qoomár kuungá' tawa múk Mungú xuaaká. Qoomaadae kuungá' ana ya/aandé' tunduwa huwahuwi nee mungi'iidá' afe waslen, kudá' murslaaqat, adoodá' kuungá' tundura geeraharahaár.

1 Korinto 12:2 Iomraidhean Croise

WARA'AMI 115:5

I afér koná' ala i axweesiaaká, i ilaá koná' ala i xumiisiaaká.

WARA'AMI 115:7

I dabaá koná' ala i kwatimiitiaká, ya'a'ngi mak koná' ala i hii'imitiaaká. Ilawatsa ngi baloó aslay'aaká.

WARA'AMI 135:16

I afér koná', ala i axweesiaaká. I ilaá koná', ala i xumisiaaká.

ISAYA 46:7

Inooín slaqsi'iidá' ngin sum'ii'ín ar loohisiyá', ngiri gagaariyá', ngiri qaasiyá' didá' inooín ta slai, niri didá' wa iwiwitiyá'. Didaádá' kay qaasi i baloó surukiaaká. Barnaxes hee ga i /aa/aá ay gu mu/aywatsiiká, laqaá hee gu ba/amisiiká baraá slahh'amuuwose.

YEREMIA 10:5

Slaqsi'ii'ín a adór inqwaarír xooyaangw gusisiingw baraá qaymooro, i axweesiaaká, aqo kin loohiis asma i hi'iimitiaaká. Slaqsi'iiká' mi da'ayumitaara'. Inooín hee gár tlaakw ngway tleehhiya' i káhh, tam ar hhoo' ngway tleehhiya' i káhh.

Matayo 15:14

Mawaagáy. Muksíng a taampu awa tampaá hatlá' geeraharahará'. Taampa bar taampár hatlá' ngi geeraharahát, tsaraawo ta al /e/etín baraá bohoongw.»

1 Korinto 6:11

Baraá tla/angwhunge bahh'alé aáng a múk adór kwí. Ala kuungá' tunda hamaátl, tunda hhoohhooeés, tunda gan'amí harafaár ar umuú Aakoorén Yesu Kristo nee ar /uuruú Qeeruú Munguúrén.

Galatia 4:8

Qoomaadá' aáng kuungá' Mungú kuwa xui'iiká, kuungá' a lawaalér munguaá hatlá', ala inooín a munguiwooká.

1 Tesalonike 1:9

Asma muu inooín awa kilá' kangwhúng ngu alki/iitiyá', adór kuungá' atén tira ilaoté', nee adór kuungá' munguiihúng kira geexeeré', tari amór Mungú i warqeeré', as Munguúdá' slaáf oo ló' kuwa sagadiyusa',

Tito 3:3

Aáng atén sleeme a daktana, slám a múk iawásl. A múk aa qwaar, nee atén a lawaalér ilatleeri nee qwal/uú dimbadimbé. Atén ana hootaán baraá tlakweema nee da/i, muu una buhhtimisaán, nee nguri ahhitaán.

1 Petro 1:18

Kuungá' a xuá' adór gár tundura tlaáxw tar muruudá' hhitiruumitaaká, a peesaarooká, laqaá sahaábuwooká, as kuungá' niwa ti'ita' baraá tlehhemi'iihúng kudá' hariima'aakahe, kudá' taa ilaaoté' dír baabi'iihúng wa ale.

1 Petro 4:3

Asma qoomaadá' aa waarahhi kuungá' sla'aarír múk Munguú xuaaká ana eehadé'. Ala a ido daxta. Qoomaadae ana hoté' ar slafíngw slasla/arén oo mure wásl, nee ar ilatleerír tlakw. Ana hoté' ar oonitime nee hheehha nee layda, nee slám ana hoté' ar slaqsa'aá munguaá hatlá' kiwa sluufmisa' adoodá' hariimaaká.