1 Korinto 12:18 - Biblía Axweesantá Hhohho' ar Mungú 2004

¹⁸ Ala Mungú umuúqo diqto gana gawaá slaqwtá i qaás ar adoodá' inós aa slaá'.

Ya/abtór hho' 1977

¹⁸ Ala Mungú umuúqo diqto gana gawaá slaqwtá i qaás ar adoodá' inós aa slaá'.

1 Korinto 12:18 Iomraidhean Croise

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

WARA'AMI 135:6

AAKOÓ MUNGÚ tidá' inós gwa sla'atis ga tleehh gawaá dooriwo, nee baraá yaamuwo, baraá tlawi nee iloowós sleémeero.

ISAYA 46:10

Aníng alhhe'eesaay nguna iimír iimu/úngwa oó', nee muruudá' aluú wa hardáh nguna iimír aáng wa oó'. Aníng a kah, ‹Gar'eé' ar naa qoomeés a boo/eés nee tidá' sleémeero ni slaa' a tleéhh.›

YONA 1:14

AAKOÓ MUNGÚ kuri i /aa/amín kuri báy, «AAKOÓ MUNGÚ, atén kuúng u firiimaán. Aá AÁKO, atén miti qwaareesaar as slafíngw heewí kuwa qwaareesaán, laqaá miti li/áy buaar as heé tlakweés wásl kuwa qwaareesaán. Asma kuúng AAKOÓ MUNGÚ, adoorí ana tléhh ar adoodá' kuúng ta sla'.»

Luka 10:21

Hamtidár kilae Yesu kuri qwal/aás nee Qeeruú hhoohhoó' oo Mungú, iri oó', «Án kuúng un sluufiís, Baabá, Aakoó doori nee yaamu, asma muruuwí ugwa laqaandiiká dír múk dahareemaá koóm nee fuquraangw, ala una laqaán dír na/aá ninakw. Eeít, Baabá, asma an adoodá' kuúng kara slá'.»

Luka 12:32

«Ma da'ayumitaara', kuungaá daqtá niina. Asma Baabuúhúng gaa slaá' waawuti'iimadá' ngiwa haniisi.

Rumi 12:3

Mungú aníng ina aleesleemuú i haniís. As aleesleemuuwí án naa slawi, án umuúqo heewo dirhunge un babaw, «Kuúng uraay mu leelehhitaar ta adoodá' kuúng ti dir'a. Ala kuúng masók tin niinaweemís, umuúqo heewo masók ti kilós ga/áy ar harqoomoó haratlintaaoodá' taa haniís nee Mungú dír umuúqo heewo.»

Rumi 12:6

Atén aleesleemuú Qeeru oo dimbadimbé u koomaán, ar harqoomoó tsuuqaadá' Mungú naa atén i haniís. Gawaá adoorihe heé aleesleemu gu koóm oo ya/abtór amór Mungú daahh kawa alki/iiti amór múk i alé, inós ngi alki/iiti ar harqoomayduú haratlintaaoorós.

1 Korinto 12:11

Heé muruuwí sleémeero gu tleéhh a Qeeruú Mungú kudá' wák kilós. Qeeru aleesleemu gun hanmiis dír umuúqo heewo ar adoodá' i slai.

1 Korinto 12:17

Ala slaqwa sleémeero geera barnaxes a ila kilós, geeraawo adór tar axamiisi a adoomá? Nee slám slaqwa sleémeero geera barnaxes an iia kilós, geeraawo adór tar tsaa'amin a adoomá?

1 Korinto 12:19

Diqaay sleémeero geera barnaxes a diqtá wák kilós, geeraawo slaqwa i amá?

1 Korinto 12:24

Ala diqaydá' ta samuruumitaanaaká, gár kus adoorír amohhe'eemisaan i káhh. Ala Mungú slaqwa gaa haragaás ar adoorí, «Diqito'oodá' aa /aaruur gaa ak ilaiwa/amér i haniís.»

1 Korinto 12:28

Baraá tla/ángw kríshaanayhe Mungú muu bahh'alé guna qaás. Múk geera a ya/abuuse, múk tsár a kuduú aaruuse, múk tám a intsaahhatuuse. Múk aluudá' a kudá' aleesleemu gu koóm oo muruú waa/oo/amo nguwa tlehhiiti. Nee slám múk aluudá' a mukdá' aleesleemu gu koóm oo tiqtuuse kawa hungu/umiisi, nee kudá' aleesleemu gu koóm oo muu kuwa alee/iimisi. Nee oo hatlá' a mukdá' aleesleemu gu koóm oo muu kuwa geeraharaahari, nee oo hatlá' a kudá' aleesleemu gu koóm oo tawa axweesi ar tsifrír dimbadimbé ar xuawaslen.

1 Korinto 15:38

Ala Mungú ilmoodá' gun slaqwtá i hanmiis ar adoodá' i slai. Umuúqo balaaliro slaqwtá i sleer a tidár da'awtós.

1 Korinto 3:5

Ala Apolo a heemá? Nee Paulo a heemá? Atén a sagadiyuusér Mungú, nee kuungá' ana dirén wa haratlintié'. Asma umuúqo heewo direne gadiyeérós gana tleéhh ar adoodá' Aako ngira aténí.

Efeso 1:5

inós atén tina tsawaár iimír aáng wa ale tiwa na/iiwós tleehhi ar loohír Yesu Kristo. Adoorí an adoodá' inós aa slaá' baraá muunaáwose.

Efeso 1:9

Inós atén tina sla'aarirós i laqán, tidá' taa luú/, tidá' aa slaá' boo/eesaaro. Al'axweesani gana oó' adoorí ngiwa boo/eesi ar baraá Kristo.

Geehhoeemaá 4:11

«Kuúng Aakoorén nee Munguúrén, kuúng a hariín xirif kuwa ilaot, nee ilaiwa/ame nee aleesleemu. Asma kuúng mura' sleémeero una tléhh. Nee mura' sleémeero ina deeruút nee kuna tleéhh as sla'aarirók.»