1 Korinto 12:13 - Biblía Axweesantá Hhohho' ar Mungú 2004

¹³ Asma atén bahh'alé a múk Yahudi, bahh'alé a múk Yunani, kookaari a lawaale, nee kookaari a lawaaleerooká. Ala atén sleémeero tina baatimiís ar Qeeruudá' wák as tawa slaqwtá wák tleehhitaan. Nee slám atén sleémeero tina wahaás ar Qeeruudá' wák.

Ya/abtór hho' 1977

¹³ Asma atén bahh'alé a múk Yahudi, bahh'alé a múk Yunani, kookaari a lawaale, nee kookaari a lawaaleerooká. Ala atén sleémeero tina baatimiís ar Qeeruudá' wák as tawa slaqwtá wák tleehhitaan. Nee slám atén sleémeero tina wahaás ar Qeeruudá' wák.

1 Korinto 12:13 Iomraidhean Croise

DAA'AANGW 5:1

Aníng an dáh baraá asalmooeé', hho'or'eé', sla'aaruso'or'eé' ar ni duxuut. Manemáner'eé' nee muruú mooyángw kooma un burumburiím, xaaramtaeé' ar danú a /aáy a difaáir'eé' nee ilwaaeé' wahaám. Mulqer'eé', /ayiimé' nee wahaamé', wahaamé' ló'wa ale, sla'aaruuser'eé'.

ISAYA 55:1

«Umuúqo heé aa waxiit qwalaas baraá ma'aay, tam heedaádá' peésár koomaaká qwaláng tlaxweek nee /ayeek, qwaláng difaái nee ilwa tlaxweek ala ar peésaarooká, nee ar tlaxoorooká.

Yoeli 2:29

Tam sagadiyuuserhúng ar hhawaate nee ar /ameenaaro qoomaadae an Qeeruueéní haniís sleeme.»

Matayo 3:11

Ar ló', aníng gár kuungá' nur baatimiis a ma'aay as tawa hhu'u'uundé'. Ala kudá' aluueé' wa hardáh, inós i /uuruú kón ta aninge. Tam aníng a hariimaaká ya/ataawós ngiwa gagaar. Inós nun baatimiis ar Qeeruú hhoohhoó' oo Mungú nee ar asla.

Luka 3:16

Yohane giri mu/aywaáts sleémeero giri báy, «A ló', án gár nir baatimiis a ma'aay, ala heé /uuruuwo aní baá/ ni hi'iit. Án a hariimaaká sleeme tam him'ér ya/ataawós ngiwa gweer. Inós nun baatimiis ar Qeeruú hhoohhoó' oo Mungú nee asla.

Yohana 1:16

Asma baraá hatsmuuwose atén tsuuqa ina slaslawaán daanduú kuqá' wa ale.

Yohana 1:33

Ala inós aníng ugwa xuiiká. Kudá' aníng iga ya/aaw as niwa baatimiis ar ma'aay, inós aníng ina báy, ‹Heé Qeeruú hhoohhoó' oo Mungú aa i aweér bura aán, kwí an kudá' baatimiís ar Qeeruú hhoohhoó' oo Mungú.›

Yohana 3:5

Yesu iri oó', «Ar ló' án a kah, hee burkwa laqwaaliiká ar ma'aay nee Qeeruú Mungú, dahmuú baraá waawuti'iimár Mungú gu aslayká.

Yohana 4:10

Yesu gari báy, «Kiíng geera bar gurtleemuú Mungú ugwa xú', slám geera heewí kiíng i babáw, ‹Ma'aá wahaango qawáng,› bura xú', geera alók inós ugwa firiín, inós geera ma'aá slafíngw koomá' ngi haniis.»

Yohana 4:14

Ala umuúqo heewo oo ma'ayká' aníng ni haniis gi wáh, i baloó waxiitiiká. Asma ma'aydá' án ni haniis ni kutltá ma'aá slafiingw tleehhitiyá', niri baraawós wa ti'imiitiyá', slafíngw alhhe'eesay wásl nguri huwiyá'.»

Yohana 6:63

Qeeru an kudá' slafíngw hanmiís, slaqwa gár i bu' i káhh. /Aymi'iiká' naa kuungá' i oó' a qeeru, slám a slafiingw.

Tlehhema'aá ya/Abuuse 1:5

Asma Yohane ina baatimiís ar ma'aay, ala kuungá' tundu baatimiis ar Qeeruú hhoohhoó' oo Mungú alaá deeloorí niina aa meti.»

Rumi 3:22

Mungú gan'amuuwí gun hanmiis dír umuúqo heewo oo Yesu Kristo gwa haratlintii'. Ku hanmiis dír umuúqo heewo as haratlintaao. Asma barqaanti i káhh.

Rumi 3:29

Laqaá Mungú an Munguú múk Yahudi kilóse? Ahaá, a Munguú múk xoordaá hatlaeekáhe sleeme? Eeít, inós a Munguú múk xoordaá hatlá' sleeme.

Rumi 4:11

Aluuwo kuri al/uútl. Al/utloorós a layár taa haniís nee Mungú adór inós kura gan'amií harafaár as haratlintaaoodá' i kon qoomár inós kuwa al/utliiká. Gawaá adoorihe Abrahamu tari baabuú mukdá' sleémeero taa al/utliniiká, kudá' haratlintaatiiá', as inooín sleeme kiwa gan'amií harafaari.

1 Korinto 10:2

Nee sleémeero kina baatimiís ar baraá huunki nee ar baraá tlawi as inooín tawa múk Mose.

Galatia 3:23

Qoomár haratlintaao niwa hardatiká, atén a baraá tseegamór hara'ayár i diriiaán, ay dír haratlintaaoodá' hardah i geehhoouur.

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.

Efeso 3:6

Lu/aaráy a kwí, baraá Kristo Yesuwo múk xoordu kwaa aaluuse tleéhh dinkwa nee múk Yahudi. Inooín a diqoó slaqwtá wák. Al'axweesantá Mungú a tooín sleeme, ar loohír Ya/abtór hho'.

Efeso 4:5

Aako a wak, nee haratlintaao a wak, nee slám baatiísmo a wak.

Efeso 5:26

Adoorí gana tleéhh as mukós nguwa hhoohhooeesi nee nguwa hamaatli ar ma'aay ar /uuruú axweesantós.

Efeso 6:8

Inslawaak adór umuúqo heewo oo hhooeema gaa tleehh, slasláwarós ngir sláy dír Aakoowo, barnaxes a lawaalmo, laqaá tam lawaalmoowooká.

Kolosai 1:27

Asma Mungú gana slaá' ngiwa gwa/atisi dir'íní alé adór lu/aaráydá' ir daqaari'iimár kón nee xirif baraá múk xoorduuwo. Lu/aaráy an kwí, Kristo i baraahúng i dirii'. Gawaá adoorihe kuungá' haraxu'uti a koondá' ar xirfuú Mungú kuwa sleera'.

Kolosai 3:11

Ala baraá slafingwí /abene, barqaanti i káhh dír heé Yahudiro nee heé Yunaniro, laqaá dír heé taa al/uútl nee heé taa al/uutliiká, laqaá hoomo, laqaá heé iimiboó/, laqaá lawaalmo nee kuduú lawaalmoowooká. Ala Kristo inós a mura' sleémeero nee i baraá muu sleémeero.

1 Petro 3:21

Ma'aydá' a slaqsoó baatiísmo, kudá' kuungá' nu ba/amiimís de'emakaákae. Baatiísmo a slasla/aruú slaqwa gun hingeemiisiiká, ala baatiísmo a hee Mungú gun firiirín as muunuú hhoó' nguwa slay, ar /uuruú waasle/uú Yesu Kristo.