1 Korinto 12:12 - Biblía Axweesantá Hhohho' ar Mungú 2004

¹² Slaqwtá hee a wak, ala i diqoó yaariír koón. Ala diqaywí tam ku yaariire, sleémeero burkwa haragaás an slaqwtá wák kilós. Adoorí an adoodá' Kristo sleeme i dirii'i.

Ya/abtór hho' 1977

¹² Slaqwtá hee a wak, ala i diqoó yaariír koón. Ala diqaywí tam ku yaarire, sleémeero burkwa haragaás an slaqwtá wák kilós. Adoorí an adoodá' Kristo sleeme i dirii'i.

1 Korinto 12:12 Iomraidhean Croise

1 Korinto 10:17

Atén a slaqwtá wák, tam atén ti yaariire, asma mukatmo a wak, nee atén sleémeero tlaqtá mukatmoodá' wák a ilaohiimaán.

1 Korinto 12:20

Ala hám daxta diqaay ku yaariír, ala slaqwa inós a wak.

1 Korinto 12:27

Gawaá adoorihe kuungá' a slaqwtá Kristo, nee umuúqo heewo dirhunge a diqito'ór wák gawaá slaqwtihe.

1 Korinto 12:7

Ala aleesleemuuduú Qeeruú hhoohhoó' oo Mungú gu geehhooeemiís, ku hanmiis dír umuúqo heewo ar adoodá' alee/isoó huwahuuw dír múk kríshaanayhe.

Galatia 3:16

Ala Mungú al'axweesantós gana oó' dír Abrahamu nee oo wák baraá xwaylarose. Al'axweesantí i katká, «dír xwaylarós.» Gawaá adoorihe a dír múk yaariireeká. Ala al'axweesantí gár i kat a «dír oo wák baraá xwaylarose.» An heé wák, nee heewí an Kristo.

Efeso 1:23

nee mukdá' tawa slaqwtós. Mukwí sleémeero aa haáts inose, inósuudá' umuúqo gaaro ga boo/eemiís baraá muu sleémeerowo.

Efeso 4:12

Gadiyér'ín a tí, múk hhohhó' oo Mungú kuwa amohhe'eemisi, as inooín Mungú nguwa sagadiyusiya', as slaqwtá Kristo kawa kwa/amisi.

Efeso 4:4

Slaqwa a wak, tam Qeeru a wak, adoodá' kuungá' tundura ateét nee Mungú, as harahhifór wák kawa sleera'.

Efeso 5:23

Asma hhawaata a ságw hare, adoodár Kristo tar ságw mukós. Nee inós a Ba/amusmooín sleeme, nee inooín an slaqwtós.

Efeso 5:30

Asma atén a diqoó slaqwtós.

Kolosai 1:18

Múk kríshaanáy a slaqwtós, nee inós a saga. Inós an iimu/úngw kríshaanáy. Inós an kudá' naa geerií waaslee/ baraá múk aa qaátl wa ale, as inós iwa iimu/úngw umuúqo gaa tleehhiti.

Kolosai 1:24

Hám daxta a qwalalaá/ asma tiwa slahh'eemisi as kuungá'. Án baraá slaqwte'eene birti slahh'eemiis, a slahh'eemisuú Kristo un boo/eemiís, kudá' aa meet baraá slahh'eemisuuwós as slaqwtós. Slaqwtós an múk kríshaanáy.

Kolosai 2:19

Inooín ta aldinku'uumisiiká nee Kristo, kuduú saga. Asma baraá geerahartá Kristowo slaqwa sleémeero kan /aymiis, nee diqiyaawós sleémeero, kin dinkwár i nigihhitis ar kane. Adoorihe slaqwa sleémeero /uuru gun sleér, iri uraareér adoodá' Mungú ngir slai.

Kolosai 3:15

Nee wayduú Kristo i baalin baraá munerhunge, asma kuungá' tunduna ateét as wayduuwí qoomár tunduwa diqoó slaqwtá wák tleéhh. Slám kuungá' masók a múk sluufoó koóm.