1 Korinto 11:32 - Biblía Axweesantá Hhohho' ar Mungú 2004

³² Ala qoomár barnaxes atén ti sakwasleemuut, a Aako atén tin muux, as atén mitiwa sakwasleemuút dinkwa nee múk aa haratlintii'iiká.

Ya/abtór hho' 1977

³² Ala qoomár barnaxes atén ti sakwasleemuut, a gídaabá Aako atén tin muux, as atén mitiwa sakwasleemuút dinkwa nee múk aa haratlintii'iiká.

1 Korinto 11:32 Iomraidhean Croise

2 SAMUELI 7:14

Aníng tari baabuúwós, inós tari garmaaeé'. Tlaákw birnga tleéhh, un iigahhaát, adoodár muu i /imamisi na/ii'ín kiwa naanaqaqati ar hhara.

WARA'AMI 118:18

AAKOÓ MUNGÚ iga ló'wa slahh'eés, ala iga mayká niwa gwaa'.

ISAYA 1:5

Kuungá' a sla'á'a tunduwa muxi tam hamí? Baré a kumitá' baraá dee/aanuuwo. Saga in adáwa tiiq, muunaáwók i slahhaa'

YEREMIA 7:28

Kuúng kay beer, «Kuungá' a xoorór afór AAKOÓ MUNGÚ, Munguúín, gaa si' iialooeesaro, tam intsaahhasa ana sié'. Dirhunge looeema naa gwaaiyé', baraá axweesantahunge, tam looeemaá niiná i kahhiyá'.»

SEFANIA 3:2

Múk Yerusalemu AAKOÓ MUNGÚ gwa iiárií qaasiiká, tam gurbu'ungw'ín ngwa ya/ani'iiká. Tam Munguúín ngwa baloó haratlinti'i'iiká, slám ngu firirina'aaká.

Rumi 3:19

Ala a xuaán axweesanaydá' sleémeero hara'aya i kat, kwaa oó' dír mukdá' sleémeero baraá waawuti'iimár hara'ayár wa hoót. Gár axweesanaywí oo hara'aya kusa oó', a umuúqo heewo kuwa xasltisi, nee muu sleémeero kuwa sakwasleemuuti nee Mungú.

Rumi 5:16

Gurtleemuudá' Mungú naa haniís, nee gadá' tlakweemaá wák naa huwiyé', aa slaqasiká. Asma tlakweemaadá' wák gár naa huwiyé' aa sakwasleemár Mungú. Ala gurtleemuú Mungú, kudá' inós naa haniís as tlakweemaá múk yaariír, gurtleemuudá' gár naa huúw a muu kuwa gan'amuú i harafaari.

1 Korinto 1:20

Gawaá adoorihe heé sagalooár koóm i diimá? Nee intsaahhatusmooduú hara'aya i diimá? Nee slám heé tlaampa'aamis gu baál i diimá de'emaakae? Ahaá, Mungú sagalooár múk baraaká' yaamu gaa laqáníke adór tar dakti'iima.

1 Korinto 1:21

Asma Mungú gana slaá' baraá sagalooarose, muu inós munguwa tsaáhh ar sagalooar'ín ar kilá'. Gawaá adoorihe inós kwasleema gari tsaát kilós alé as mukdá' haratlintaatií' kuwa ba/amisi ar axweesantadár dakti'iima, tidá' atén ta alki/iitaan.

1 Korinto 11:30

As adoorí gaarí an gár múk yaariír baraahunge kus daqeetlákw nee is tiqi, nee slám an gár múk yaariír isa qaátl dirhunge.

1 Korinto 11:31

Ala geeraawo barnaxes atén kiloorén taa alqaytsiitaán, atén geeraawo alók taa sakwasleemutiiká.

1 Korinto 11:33

Gawaá adoorihe, hhaee'eé', qoomár kuungá' barnaxes a burumburimitá' as tawa /ayiinda', ti daamaaraande'.

DABE 8:5

Tí inslawaak adór AAKOÓ MUNGÚ, Munguúhúng kuungá' nura nanaáq adór baabá na/aywós ngur naanaqaaqan.

1 Timoteo 1:20

Baraá tla/angw'ine Humenayo nee Aleksanda i dayá'. Ala inooín aníng iga paraátl amór Neetlángw i alé, as ngiwa tsaahhiya' Mungú mukuwa /ooslislín.

1 Yohana 5:19

A xuaán adór atén tar múk Mungú, ala yaamu sleémeero kudá' tlaákw gin baliit.

Geehhoeemaá 3:19

Mukdá' sleémeero aníng ni slaa' un iigahhamiít nee un muúx. Gawaá adoorihe kuúng ilakaaharu tleehheek, hhu'u'uúm.