1 Korinto 11:3 - Biblía Axweesantá Hhohho' ar Mungú 2004

³ Ala aníng a slaá' kuungá' kawa xua' adór Kristo tar ságw umuú hhawaata, nee hhawaata an ságw hareerós, nee Mungú an ságw Kristo.

Ya/abtór hho' 1977

³ Ala aníng a slaá' kuungá' kawa xua' gídaabá, Kristo an ságw umuú hhawaata, nee hhawaata an ságw /ameeni, nee Mungú an ságw Kristo.

1 Korinto 11:3 Iomraidhean Croise

IIMU/UUNGW 3:16

/Ameeni gari báy, «Ar ló', aníng slahh'amaayeerók ngi doók qoomár xwaylaro. Na/ii in xwayluúr ar slahh'amaaye, nee ilatleeriirók a gawaá daanduú hhawaatuuwók, nee inós kiíng i sawaawuti'ín.»

ISAYA 52:13

Ga/aawaak, sagadiyusmooeé' i daqaari'iit ku iia tleerees nee kuri gáwtí tlees nee ilaiwa/amér ur ga sláy.

ISAYA 55:4

Ga/aaweek, aníng ugwa geeraharusmoó xoordú wa qaás, nee geeraharusmoó slaqwaruuse as aníng iwa lamabu'un dír muko.

Matayo 28:18

Yesu giri i tseewúy, giri báy, «Aleesleemu sleémeero oo gawaá doori nee oo baraá yaamu kunga aníng i haniís.

Yohana 14:28

Aga axasé' tidá' kuungá' nuwa báw, ‹Aníng a tláw, slám ni malé kií/ amorhúng i alé.› Geera bar aníng iga slaé', alók aga qwala/é' asma a tláw amór Baabá. Asma Baabá ku úr ta aninge.

1 Korinto 3:23

Nee kuungá' a múk Kristo, nee Kristo oo Mungú.

Efeso 4:15

Ala atén gár tiwa hariím masók an hootaán ar baraá looeema ar loohír sla'aari. Gawaá adoorihe an uraarawaán ay dír Kristo ngway i hardahaan. Nee inós an saga.

Kolosai 1:18

Múk kríshaanáy a slaqwtós, nee inós a saga. Inós an iimu/úngw kríshaanáy. Inós an kudá' naa geerií waaslee/ baraá múk aa qaátl wa ale, as inós iwa iimu/úngw umuúqo gaa tleehhiti.

Kolosai 2:10

Tam kuungaádá' aga dinku'use' nee inós, slafíngw haáts ugwa sleeré'. Inós ku úr dír geeraharuuse sleémeerowo nee kudá' sleémeero aleesleemuú koomá' baraá qeeruuwo.

Kolosai 2:19

Inooín ta aldinku'uumisiiká nee Kristo, kuduú saga. Asma baraá geerahartá Kristowo slaqwa sleémeero kan /aymiis, nee diqiyaawós sleémeero, kin dinkwár i nigihhitis ar kane. Adoorihe slaqwa sleémeero /uuru gun sleér, iri uraareér adoodá' Mungú ngir slai.

Kolosai 3:18

Kuungá' tlaáwaay, hhawaateehúng ilaiwawa/aak, adór kuungá' tunduwa hariím baraá Kristoowo.

1 Petro 3:1

Kuungá' tlaáwaay sleeme, iialooemisé' dír hhawaateehunge, asma tam hhawaateehúng kudá' axweesantá Mungú ngaa haratlinti'ii'iiká, ngi haratlinti'iye' as tlehhemi'iihúng, tam kaa ádbaykahe.