1 Korinto 11:16 - Biblía Axweesantá Hhohho' ar Mungú 2004

¹⁶ Ala heé tlaampa'amisuú slaá' daanduú kaangwihe, inós ngi xui adór atén tlehhma'aá adór kwisíng kir koomanaaká, tam múk kríshaanáy oo umuúqo diiro gi konká.

Ya/abtór hho' 1977

¹⁶ Ala heé tlaampa'amisuú slaá' daanduú iidíguuwihe, inós ngi xui gídaabá atén tlehhma'aá adór kwisíng i koomanaaká, tam múk Kríshaanáy oo umuúqo diiro gi konká.

1 Korinto 11:16 Iomraidhean Croise

YEREMIA 32:11

Aluuwo slaambaree/idá' naa dugunií qaás, tidár gooír aali, tidá' taa dabeérí gooín nee hara'aya, adór qaymoodá' tar te'eé'. Nee slambaree/ír hatlá' ar adór tidá' ar taa tseegiiká ngiri taataáhh.

Tlehhema'aá ya/Abuuse 21:21

Inooín kaa kangók báy adór kuúng mukduú Yahudi oo baraá tla/ángw xoorduú i dirií', kura intsaahhatimís as hara'ayár Mose makawa eehár. Slám na/ii'ín mikiwa al/utlín, laqaá uunu mingiwa harmagaahhiyé'.

Tlehhema'aá ya/Abuuse 21:24

Mukwí ar tlaweek, ti alhhohhoese', nee kuúng deeqomór sager'ín ka bú'. Adoorí bara tléhh, muu sleémeero daqaní ga tsaahh adór kangwdá' kaa báy gawaá daanduuwoge tar lama, nee adór kuúng tar kumít hara'ayár Mose eeharahaduuwo.

1 Korinto 11:15

Ala barnaxes /ameeni ka se'eengw tlet, dirose a xirif. Asma /ameeni se'éngw tlét guna sleér as tiwa tuntukuun.

1 Korinto 16:1

Daanduú ohme as múk hhohhó' oo Mungú, kuungá' gár tunduwa hariím adoodá' án naa hara'ayiím dír múk kríshaanáy oo yaamaá Galatia an tlehhá'.

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

1 Korinto 7:17

Ala umuúqo heewo gár kuwa hariím masók i kumiit hotaango ar adoodár aleesleemuú Qeeru, kudá' Aako aa dirós i haniís, nee adoodá' inós i dirii'i qoomár kuwa ateét nee Mungú. Gaarí an gár ni hara'ayiyiim dír kríshaanáy oo umuúqo diiro.

1 Korinto 9:1

Ahaá, aníng a heé taa gweériíke? Ahaá, aníng a ya/abusmoowookáhe? Ahaá, aníng Yesu Aakoorén ugwa áriíke? Ahaá, kuungá' a mamaá gadiyér'eéneéke, ar baraá Aako?

1 Korinto 9:6

Laqaá án nee Barnaba kiloorén an hariimanaakáhe gadiyeé kawa mawaan?

1 Tesalonike 2:14

Kuungá' hhaee'eé', gár kuungá' taa sleeré' a adór tidár múk kríshaanáy oo baraá yaamaá Yudeár i dirií' aa sláy, mukdá' Yesu Kristo gwa haratlintii'. Kuungá' slahh'eemisuú taa sleeré' dír xoororhúng ar kilá' wa ale, an adór slahh'eemisuú inooín taa sláy dír múk Yahudír wa ale.