1 Korinto 10:7 - Biblía Axweesantá Hhohho' ar Mungú 2004

⁷ Nee slám kuungá' munguaá hatlá' mi haratlintiaara', adoodár muu bahh'ale baraaine aa tleéhh. Asma Gooi i kat, «Muu ina iwiít, tari /ayín nee tari wahán. Aluuwo tari sihhiít as tawa neeti.»

Ya/abtór hho' 1977

⁷ Nee slám kuungá' munguaá hatlá' mi haratlintiaara', adoodár muu bahh'ale baraaine aa tleéhh. Asma Gooi i kat gídaabá, “Muu ina iwiít, tari /ayín nee tari wahán. Aluuwo tari sihhiít as tawa neeti.”

1 Korinto 10:7 Iomraidhean Croise

TI'INAANGW 32:17

Qoomár Yoshua tseeór muu ngiwa axaás, Mose guri báy, «Baraá xafaywo afór slaqwara i deer.»

TI'INAANGW 32:19

Qoomár tawa tseewúy amór xafaay, Mose damaadá' taa tleéhh gari ár, nee ni/imadae, Mose iri daa/atúy buhhtaawo, tlaa/eedá' parereehhayen kudá' hara'aya kay gooín giri yaamií kwaáhh, niri qeqtiné' didár afaá tloomárí ale.

TI'INAANGW 32:4

Aroni saaqaánduudá' oo sahaábu guri ilaaóh dir'ín wa ale, guri daá/ ar asla, guri kwahhuút, guri murslaaqatuú damaárár tleéhh. Nee inooín tari oó', «Aá Israeli, gaarí an munguiirén kudá' atén taa baraá yaamaá Misrír wa duuxiye'.»

Tlehhema'aá ya/Abuuse 15:20

Ala barwá masók an amor'íní gooiimaán as tiwa harmagaahhiya' nee muruudá' taa ilahhooár munguaá hatlá' wa haniís, nee tsaatu'uuma, nee fu'unaydá' makiito'ór taa af'óh, nee tseere.

1 Korinto 10:14

Gawaá adoorihe, sla'aaruuser'eé', kuungá' sluufmisuú munguaá hatlá' ilaguwaak.

1 Korinto 5:11

Ala aníng gár naa gooiím a tí, ma dinku'uumisaara' nee heé ta babay Krishaanmo, ala laatí inós a fuqusmo, laqaá qahusmo, laqaá heé munguaá hatlá' haratlintaatií', nee laqaá heé múk /ooslisliím, laqaá oonitusmo, laqaá fisusmo. Ala heé adoorí mu ya/aamara' tam tawa al/ayiinda' nee inós.

1 Korinto 6:9

Ahaá kuungá' a xua'akáhe adór /aytuuse waawuti'iimár Mungú ngir baloó alká? Kuungá' miti kiloohúng al/agiimara'. Múk tsaatuuse waawuti'iimár Mungú ga aaliiká, laqaá tam múk munguaá hatlá' haratlintaatií', nee tam fuquuse, laqaá hhawaateedá' nee hhawaataá hatlá' fuquusá', laqaá /ameenadá' nee /ameenár hatlá' fuquus,

1 Korinto 8:7

Ala a muu sleémeerowooká oo xu'utirí ga koóm. Bahh'alé baraá slafingw'ine kaa ló'wa intsatsaáhh mungui kiwa ilaiwawa/i kwaáo in slafiyá'. Gawaá adoorihe fu'unaá taa ilahhooár wa hanmiís dír munguaá hatlá', birnga /ayiyé', kin slahh'eemiis baraá muner'ine, as adoodá' haratlintaaor'ín iwa tunuunu/ inooín kiri meetagaas.

DABE 9:12

«Naagáy AAKOÓ MUNGÚ aníng iri báy, ‹Tláw, aweér ar gaanslaay gawaá tloomaro, asma mukdaádá' taa baraá yaamaá Misrír wa dúx aa hhitruút. Loohidá' ngaa hara'ayiím eeharto ngaa gaanslár geexayé', slaqsoó taa kwahhuút ngwa tleehhiyé'.›

1 Yohana 5:21

Laqwalór ninakw, munguaá lamto ti harmagahhe'.