1 Korinto 10:33 - Biblía Axweesantá Hhohho' ar Mungú 2004

³³ ar adoodá' aníng ni tlehhaahhiit. Asma aníng umuúqo heewo un sla'atisár wa slaá' baraá muruudá' sleémeerowo ni tlehhiita. Gadaádá' aníng i gaa wa buu' a leelehhiitaaká, ala a tidá' múk yaariír gu gaa wa buu' an leelehhiít, as kahhó' inooín kiwa ba/amisi.

Ya/abtór hho' 1977

³³ Ala adoodá' aníng ni tlehhiit, kuungá' sleeme na tleehhaak. Asma aníng umuúqo heewo un sla'atisár wa slaá' baraá mura' sleémeerowo, kudá' ni tlehhahhiit. Gadaádá' aníng i gaa wa buu' a leelehhiitaaká, ala a gadaádá' múk yaariír gu gaa wa buu' an leelehhiít, as inooín masók ki ba/amis.

1 Korinto 10:33 Iomraidhean Croise

Rumi 11:14

Asma aníng gár ni slaa' a masók múk xooror'eé' gur'e gun ót, as bahh'alé ngiwa ba/amis.

Rumi 12:5

Gawaá adoorihe atén sleémeero a adór slaqwtá wák baraá Kristowo, nee umuúqo heewo baraarene a diqtá kudá' hatlá' sleémeero.

1 Korinto 10:24

Hee tidá' inós i slai mingiwa leelehhiít, ala masók a tidá' heé hatlá' gu alee/iis gan leelehhiit.

1 Korinto 13:5

Sla'aari i ilaiwa/amér koón, i qahángw koondaaká, i buhhabuhhká, i tlakweemaá faditká.

2 korinto 12:14

Qaytsité', gaarí a sagaáwa tám aníng niwa amorhúngií daqeemuú slaa'. Nee án kuungá' nu huwár ar awaaká. Asma aníng gár ni leelehhiit a muruuhungeeká, ala a kuungá'. Asma a hariímarooká na/ii mura' nguwa burumburina' as xwaylité, ala a xwaylité mura' gun burumburiín as na/ii.

2 korinto 12:19

Án ngi slaá' qoomaarí sleémeero kuungá' a kata' atén gár tas adoorír axweesaan a tin kiloorén aleekal/aamaán dír geeraahunge, aasla'áy, a adoosingeeká. Tí ta axweesaan, an axweesaán ar baraá Kristo, dír geeraá Mungú wa ale. Ala sla'aaruuser'eé', tí sleémeero ana axweesaán as kuungá' tawa kwa/a'.

Galatia 1:10

Kuungá' ka xua', aníng axweesanaywí un axweésa, as muu aníng iwa ya/an, laqaá Mungú? Kuungá' ka xua' aníng gár ni leelehhiit a sla'atisár múko? Án barnaxes tam hamí a kumiít muu nguwa sla'atimis, daqaní aníng a sagadiyusmoó Kristowooká.

Filipi 2:21

Awa hatlá' sleémeero a muruuín kilós ngun leelehhitiyá' ala a gadiyér Yesu Kristoowooká.

1 Tesalonike 2:16

Asma inooín atén tin ila/aná' as Ya/abtór hho' mawa alki/iitaán dír múk xoorduwo, as matawa ba/án. Gawaá adoorihe inooín harqoomayduú tlakweemaaín kun hatsmiis. Ala hám daxta sakwasleemár Mungú gaa i hardát.