1 Korinto 10:3 - Biblía Axweesantá Hhohho' ar Mungú 2004

³ Inooín sleémeero muruú /aymár qeeru oo taa /aáy a wak.

Ya/abtór hho' 1977

³ Inooín sleémeero muruú /aymár qeeru oo taa /aáy a wak.

1 Korinto 10:3 Iomraidhean Croise

NEHEMIA 9:15

«Qoomár tawa qwariiti, ina muruú /aymár gawaá dooraá daáhh i hanís. Qoomár tawa waxiít, ma'aá wahaangw ina baraá tlaa/ár wa dúx. Sleeme kiri ádbeér yaamuudá' taa al'axwés kiwa aali.

NEHEMIA 9:20

Ina qeeruuwók kudá' hhoóí hanís as ngiwa hara'ayin, maána ana hanís tawa muruú /aymar'ín nee ma'aá wahaangw as waxer'ín ngiwa tse'eesiya'.

WARA'AMI 105:40

Qoomár iwa fu'unaá slaiyá' giri xooyángw i huúw, giri /aymiís ar mikaátér yaariir ar gawaá dooraá daahh.

TI'INAANGW 16:15

Múk Israeli gaarí kawa ár, tina kilooín yaahamisiyé', i kaahiya', «Gaarí a milá?» Asma ngaa tsaahhi'iiká. Mose giri báy, «Gaarí an mikaáteedá' AAKOÓ MUNGÚ naa haniís as kawa /aga'.

TI'INAANGW 16:35

Xoorór Israeli muruú /aymaadár maána nguna /aa/ayiyé' ay kureeri mibeeri tsiyáhh, ay ngar wa hardihiyé' yaamuudá' hariimá' hotaawo digmuú yaamaá Kana'ani.

TI'INAANGW 16:4

Aluuwo AAKOÓ MUNGÚ Mose guri báy, «Aníng mikaáte ngi gawaá doorí wa /aytiís, umuú baalaaro muu mikaátér /aymár looár wake bu'uut ngi burumburi, ar loohirihe aníng i iartá wa slaá', áx daber'eé' ngi oohiía laqaá aasla'áy.

DABE 8:3

Nuna ala qwárkwí máy as tiwa niinaweesa', aluuwo muruú /aymaadá' ta bay maána nguri haniís, muruú /aymár kuungá' ta baloó xua'aaká, laqaá baabi'iihúng sleeme ngwa xui'iiká. Adoorí gana /iís asma nuwa intsaahhatisi, adór hee ir hootiiká ar muruú /ayma kilós, ala aqo ar axweesantá amór AAKOÓ MUNGÚ daahh.