1 Korinto 10:14 - Biblía Axweesantá Hhohho' ar Mungú 2004

¹⁴ Gawaá adoorihe, sla'aaruuser'eé', kuungá' sluufmisuú munguaá hatlá' ilaguwaak.

Ya/abtór hho' 1977

¹⁴ Gawaá adoorihe, sla'aaruuser'eé', kuungá' murslaaqatuú munguaá hatlá' ilaguwaak as kuwa ilaiwawa/a'aaká.

1 Korinto 10:14 Iomraidhean Croise

Tlehhema'aá ya/Abuuse 15:20

Ala barwá masók an amor'íní gooiimaán as tiwa harmagaahhiya' nee muruudá' taa ilahhooár munguaá hatlá' wa haniís, nee tsaatu'uuma, nee fu'unaydá' makiito'ór taa af'óh, nee tseere.

Rumi 12:19

Sla'aaruuser'eé', li/aay mu bu'uumara', ala bu'utuú li/aay dír Mungú i mawaak. Asma kaa gooín, «Aako i kaahi, li/aay a daanduueé', aníng li/aay u buú'.»

1 Korinto 10:15

Aníng an dirhúngií axweés tawa adór múk fuqurángw koóm. Axweesantí án ni axwees, kuungá' aldakuutaak.

1 Korinto 10:19

Daxta gár ni ooár wa slaa' a milá? A fu'unaá taa ilahhooár wa haniís an gaarookáhe? Laqaá munguaá hatlá' an gaarookáhe?

1 Korinto 10:7

Nee slám kuungá' munguaá hatlá' mi haratlintiaara', adoodár muu bahh'ale baraaine aa tleéhh. Asma Gooi i kat, «Muu ina iwiít, tari /ayín nee tari wahán. Aluuwo tari sihhiít as tawa neeti.»

1 Korinto 5:11

Ala aníng gár naa gooiím a tí, ma dinku'uumisaara' nee heé ta babay Krishaanmo, ala laatí inós a fuqusmo, laqaá qahusmo, laqaá heé munguaá hatlá' haratlintaatií', nee laqaá heé múk /ooslisliím, laqaá oonitusmo, laqaá fisusmo. Ala heé adoorí mu ya/aamara' tam tawa al/ayiinda' nee inós.

2 korinto 11:11

Asma milá gár adoorí án ngis kah? A an kuungá' nun sla'aakáhe? Aasla'áy. Mungú ga xuu' adór aníng kuungá' nur slaa'.

2 korinto 12:15

Aníng barte'eene a qwalaá/ muruueé' sleémeero nguwa haniis, nee slám ánuú kilá' tiwa haniis as munerhúng. Xáy, kuungá' sla'aarirhúng i /aaruúra dir'eene, as adoorí án kuungá' nuwa ak ló'wa slaa'?

2 korinto 12:19

Án ngi slaá' qoomaarí sleémeero kuungá' a kata' atén gár tas adoorír axweesaan a tin kiloorén aleekal/aamaán dír geeraahunge, aasla'áy, a adoosingeeká. Tí ta axweesaan, an axweesaán ar baraá Kristo, dír geeraá Mungú wa ale. Ala sla'aaruuser'eé', tí sleémeero ana axweesaán as kuungá' tawa kwa/a'.

2 korinto 6:17

Gawaá adoorihe Aako i kaahi, «Ti'iité' baraá tla/angw'ine, nee ti partle' dir'ine. Muruú slasla/arén muu kwatmiitara'. Daqaní án kuungá' nu ya/aám,

2 korinto 7:1

Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

Filipi 4:1

Gawaá adoorihe, hhaee'eé' awa sla'aaruúse, án kuungá' nun ló'wa inslasláw. Kuungá' a qwal/uueé' nee slamángw arba/ati, daxta sihhtano hhe'eesé' baraá Aakoowo.

Filemoni 1:1

Anuú Paulo oo taa tseék as Kristo Yesu barwaárí ngina gooiím dinkwa nee Timoteo hhiyaarén, amoorók Filemoni, sla'aarusmoorén, oo gadiyér tleéhh dinkwa nee atén,

Ebrania 6:9

Ala atén tam adoorí kaahana, sla'aaruuser'eé', atén daandeemoohunge harahhifo a koomaán asma kuungá' tsuuqaá ba/ama iga sleeré'.

1 Petro 2:11

Sla'aaruuser'eé', kuungá' a adór múk waaraáhh nee adór dahaaye tawa hota' baraakaá yaamuwo. Ala án kuungá' nu gurbuú', kuungá' ti harmagahhe' nee ilatleeri sleémeero ar slaqwa, asma i sláqw nee qeeru.

1 Yohana 5:21

Laqwalór ninakw, munguaá lamto ti harmagahhe'.

Geehhoeemaá 13:8

Muu sleémeero oo baraá yaamuú wa hoót makiito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuwo. Kitaábuuwí oo slafiingw oo Deelmoó bee/i, kudá' taa gaás.

Geehhoeemaá 2:14

Ala aníng axweesanoó niiná u koóm daanduuwoge. Kuúng mukko u koón diroge, oo intsaahhatimisuú Bala'amu gu eeharahaár. Inós an kudá' Balaki gwa intsaahhatimis adór múk Israeli ngur al/ayi, as masók inooín fu'unaydá' kiwa /ayi, kudá' taa ilahhooár wa hanimiís dír munguaá murslaaqat, nee tawa fuquusi.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»

Geehhoeemaá 22:15

Amór tsee/aá gixsaro seeaawe i deer, nee da/aluuse, nee fuquuse, nee tsu/utuuse nee kuduú munguaá hatlá' haratlintaatií', nee mukdá' sleémeero axweesanoó lama gwa intsaahh axweesanto.