1 Korinto 10:11 - Biblía Axweesantá Hhohho' ar Mungú 2004

¹¹ Muruuwí ina tleehharuút as tawa slaqsaay, nee kuri gooín as atén tiwa intsaahhatisi. Asma qoomaarí atén tay diriiaan a qoomár alhhe'eesoó yaamu.

Ya/abtór hho' 1977

¹¹ Ala adoorí ina tleehharút as iwa slaqsaay tleehhit, nee kari gooín as atén tiwa gurbu'uun. Asma qoomaarí atén tay diriiaan a qoomár alhhe'eesoó yaamu.

1 Korinto 10:11 Iomraidhean Croise

IIMU/UUNGW 19:35

Baabuúín nguri malé wahaasiyé'. Xweerawo tidá' niina iri tleér iri qatuú eér dír baabá, ala baabá gár i xui i káhh qoomár iwa qatuú eér, tam qoomár iwa tleér.

WARA'AMI 102:18

Tí gooimaak asma qartá xaw, as múk ta aluú wa laqwaali AAKOÓ MUNGÚ nguwa xirfayemisi.

ESEKIELI 5:15

«Kiíng tari gár waaqa'atiit, nee gár mureekeemiis, adór slaqsoó gár buhhtamis dír tlahh'i kudá' iga harweeriye', qoomár sakwasleemár buhhtaeé' kudá' xaraaslá' bara boo/eés daanduuwoge. Anuú AAKOÓ MUNGÚ tí ngina oó'.

Matayo 13:39

Wakusmoodá' aa dahaasin a Neetlaangw. Bu'uungw a alhhe'eesoó yaamu. Nee mukdá' bu'uúm a malayke.

Matayo 13:40

Ala adoodá' sla/a kar burumburaarin nee kari daa/ baraá asla, an adór bál deelór alhhe'eesoó yaamuwo tleehharuut.

Rumi 13:11

Adoorí tleehhaak ar ilakaahara, asma kuungá' qoomaarí ta koomaan a xuá'. Slám a xuá' kuungá' gár tunduwa hariím, hamí an tleerá' baraá gu'uteero. Asma ba/ama hamí naa diréní naká/, ta ak qoomaadá' atén haratlintaao kawa iimu/uumani.

Rumi 13:12

Xweera naa harafaakiyé', tlaatla/aangw naa haranakaá/. Gawaá adoorihe tlehhmi'iidá' ki mawaán, nee xosluudaá slaqwara awa gwa/aateema ki oohaán.

Rumi 15:4

Asma Gooi sleémeero tidá' taa qaroó gooín, kana gooín as atén tiwa intsaahhatimis. Atén qitla nee gurkwa/amis u slaslawaán baraá Gooiro. Gawaá adoorihe a gawduwaán baraá haraxu'utirene.

Rumi 4:23

Axweesanaywí gooi iwa kat, «Inós kuna gan'amií harafaár ar haratlintaaoorós.» Axweesanaywí kwaa gooinká as inós kilós,

1 Korinto 10:6

Muruuwí ina tleehharuút as iwa slaqsay tleehhiti direne, as kahhó' atén mawa baraá tlakweemií dahaán adoodár inooín wa alé.

1 Korinto 7:29

Ala hhaee'eé', aníng gár ni kah a tí, qooma daxta aa niinawuúr. Ala iimír hamí mukdá' aa duuxuxun masók a adór múk aa duuxuxunká.

1 Korinto 9:10

Ahaá, adoorí gár ngisa oó' a aténeéke? Asma axweesantí gár kasa gooín a atén. Heé doósl, i doosli ar haraxu'uti adór gaa ngir sláy, nee heé balángw pur/umiís, gadiyeérí ngi tleehhi ar haraxu'uti adór gaa sláy baraá bu'ungwdae.

Galatia 4:24

Muruuwí aa tleehharuut a slaqsaay. Asma /ameenaarí tsár a adór alqadaá tsár. Ar wák amór ni dahh a amór tloomár Sinai, nee na/aá i laqwaliin a lawaale. Tí an Hagari.

Filipi 4:5

Hhooeemaahúng masók i geehhoouyá' dír muu sleémeerowo. Aako naa nakaá/.

Ebrania 10:25

Slám atén dinku'uumarén mawa mamaawaán, adoodá' muu bahh'alé i tlehhahhiti, ala masók tin kilootén harakeemisaán, ak alé as deeloodá' kawa tsahha' adór nira naká/.

Ebrania 10:37

Asma Gooi i kat, «Alaá deelór niinawe kudá' hardáh niqo hardah, inós i kwahhaasiiká.

1 Yohana 2:18

Láqwalo, gaarí a qoomár alhhe'eesaay, adoodá' kara axasé' tawa kaahi, wakusmoó Kristo ni hardah. Tam hamí wakuusér Kristo ar yaariir aa qaroó deerút. Ala adoorihe gaarí a qoomár alhhe'eesaay.