1 Korinto 10:1 - Biblía Axweesantá Hhohho' ar Mungú 2004

¹ Hhaee'eé', aníng kuungá' nu inslawtisár wa slaá' kángw baabi'iirene. Qoomaadae inooín sleémeero ta baraá guruú huunki, sleémeero tana waraáhh ar baraá tlawi.

Ya/abtór hho' 1977

¹ Hhaee'eé', aníng kuungá' nu inslawtisár wa slaá' iidíguú baabi'iirene. Qoomaadae inooín sleémeero ta baraá guruú hunki, sleémeero tana waraáhh ar baraá tlawi.

1 Korinto 10:1 Iomraidhean Croise

NEHEMIA 9:19

Kuúng ar gurtleemuuwók kudá' yaariire iga kwahhká baraá xaanxáy ale. Uhmoduú huunki inooín gaa geeraharahaar tlaatla/ango i ququtlatlinká dír geeraaine, tam uhmoduú asla xweeraawo loohir'ín gaa tsa'aas sleeme i ququtlaatlinká.

WARA'AMI 105:39

Mungú mukós guna tuuntuúk ar huunkáy, nee asla xweeraawo giri i gwa/át.

WARA'AMI 66:6

Tlawi gana warqeés tari yaamaá kaahaar, baraá yaaeero muu iri waaraáhh ar ya'a'. Amoodá' an amór nguwa saqwalaala/iyé'.

WARA'AMI 78:53

Gina geerahaár ar saxareema, tam naa da'ayuumiti'iiká, ala wakuuser'ín tlawi gari gú/.

TI'INAANGW 14:29

Ala múk Israeli ina hi'iimiít ar baraá yaamaá kaahaar baraá tla/ángw tlawto. Nee ma'aydá' niri koo/i tleehhitiyé' bihhaaín awa doó /iyáy nee awa doó basayhe.

TI'INAANGW 40:34

Aluuwo huunki heémadár Mungú gari tuuntúk, nee xirfuú AAKOÓ MUNGÚ heémadá' gari dalaá/.

FAARO 14:14

yaamuloouusér yaamuuká' kan kaangwí báy. Inooín ngaa qaroó axaasiyé' adór kuúng AAKOÓ MUNGÚ tar dinkwa nee atén, asma kuúng AAKOÓ MUNGÚ tina laqaán ar uhumoó huunki iwa gawaá daanduú heémarí sihhiít, nee kuúng tina geeraahát tlatla/ango ar uhumoó huunki nee xweeraawo ar uhumoó asla.

FAARO 33:8

Tari Pi-hahirotír wa tláy, tari waaraáhh ar baraá tla/ángw tlawtá Shamu, ay baraá xaanxoó Etamu. Tari baraá xaanxoó Etamúr wa hi'iimiít deelo tám, xafay'ín kuri tleéhh dír ta bay Mara.

Yohana 4:20

Baabi'iirén Mungú nguna sluufmiisiyé' gawaá tloomarí wa ale, ala kuungá' a kata' Yerusalemu an dír Mungú iwa harin sluufmisuuwo.»

Rumi 1:13

Hhaee'eé', gár án dirhunge ni xu'utisár wa slaa' a tí, aníng aga slaá' daqtá yaariire niwa amorhúng i hardah. Ala taa il/án tam ay hamí. Gár nisa daqeemuú slaá' amorhúng as kahhó' múk ni amór Yesu i huuw nguwa slaw dirhunge, adoodá' muu ngura sláw dír múk xoordaá hatlá' sleémeerowo.

Rumi 11:21

Barnaxes Mungú haleemaá xa'anooduú kilá' gaa mayká tsatto, kuúng ka xu', kuúng un máya tsatto?

Rumi 4:11

Aluuwo kuri al/uútl. Al/utloorós a layár taa haniís nee Mungú adór inós kura gan'amií harafaár as haratlintaaoodá' i kon qoomár inós kuwa al/utliiká. Gawaá adoorihe Abrahamu tari baabuú mukdá' sleémeero taa al/utliniiká, kudá' haratlintaatiiá', as inooín sleeme kiwa gan'amií harafaari.

1 Korinto 12:1

Hhaee'eé', gár án ni slaa', kuungá' kángw aleesleemuú ta hanmiisi nee Qeeruú hhoohhoó' oo Mungú masók un xuá'.

1 Korinto 14:38

Ala heé kaangwí gu gaárií xuaaká, inós sleeme mukuwa hhasliít nee hee.

Galatia 3:29

Ala kuungá' bar múk Kristo, kuungá' a xwaylár Abrahamu sleeme. Gawaá adoorihe aalidá' ar Mungú a toohúng asma al'axweesantadá'.

DABE 1:33

kudá' kuungá' naa geerahaar baraá loohiro, nee nuri diírí sláy ar kuungá' heémarhúng kay tlehha'. Xweeraawo nuna geerahaár ar asla nee tlaatla/aango ar huunki as kuungá' nuwa loohírí laqan.

Ebrania 11:29

Múk Israeli iri waaraáhh ar haratlintaao ar baraá tla/ángw tlawtá Siria adór yaamaá kaahaár wa ale. Múk Misri adoodá' múk Israeli aa tleéhh kawa iiár eeharto, kiri guú/ nee ma'aay.

YOSHUA 4:23

Asma AAKOÓ MUNGÚ, Munguúhúng, ma'aá yaaér Yordani gina kahaás as kuungá', ay qoomár kuungá' tawa waarahhé', ar adoodá' aa tleéhh dirén, qoomár tlawtá Shamu ngiwa kahaás, ay qoomár atén tawa waarahhaán.