1 Korinto 1:8 - Biblía Axweesantá Hhohho' ar Mungú 2004

⁸ Inós sleeme kuungá' nu /uurií haniis ay alhhe'eesaay, as kahhó' kuungá' tawa múk dakuús wásl baraá umuúqo gaaro bál deelór Aakoorén Yesu Kristowo.

Ya/abtór hho' 1977

⁸ Inós kuungá' nu gawdees ay qoomár alhhe'eesaay, as kuungá' mutunduwa sakwasleemuút, baraá umuúqo gaaro bál deelór Aakoorén Yesu Kristowo.

1 Korinto 1:8 Iomraidhean Croise

WARA'AMI 37:17

Kudá' tlakuuse AAKOÓ MUNGÚ gi dabe giqáy, ala AAKOÓ MUNGÚ mukdá' hota ganaá' gun /uurií dook.

WARA'AMI 37:28

Asma AAKOÓ MUNGÚ sakwasleemár ganaa' ga slaa', tam mukós kudá' hhohhó' gu baseehuwiiká. Heé hota ganaá' gu de'én ay alhhe'eesay wasle. Ala xwaylár heé tlakusmo gan qwaarees.

Luka 17:24

Asma adoodá' mankari ir wer'eeliin gawaá doorí wa ale, bihhiiká' ay kuqá', an adoodár Garmoó Hee i laqi bál deeloorose.

Luka 17:30

Adoorí an adoodá' tleehharuut bál Garmoó Hee burku geehhoees.

Rumi 14:4

Kuúng a adór heemá tawa sagadiyusmoó heé hatlá' sakwasleemut? Asma sagadiyusmoodá' bira huú', laqaá bira huuiiká, kaangwí a daanduú sagadiyusmoodá' nee daqaarmoowós. Ala sagadiyusmoodá' i sihhiit, asma Aako aleesleemu gu kón oo sagadiyusmoodá' nguwa sihhtisi.

Rumi 16:25

Mungú i xirfuuti. Inós ga aleesláy kuungá' nuwa gawdeesi baraá haratlintaaooro ar Ya/abtór hho', tidár daanduú Yesu Kristo, aníng ni alki/iit, nee ar lu/aaráydá' taa iimír aáng wa luú/ kuwa geehhooeés.

Rumi 8:19

Nee mura' sleémeero sleeme kudá' Mungú aa tleéhh, ku daamaarán ar haraxu'uti, adór na/aá Mungú kir geehhooeesi baraá xirfuú wa ale.

1 Korinto 3:13

gadiyér umuúqo heewo i geehhoouúr. Asma Baalaadár Kristo gadiyér umuúqo heewo gan geehhooés ar baraá asla. Nee asltadá' gadiyér umuúqo heewo gari iiát áx a gadiyér adoomá.

1 Korinto 5:5

daqaní heesíng ku hanisá' amór Neetlángw i alé, as slaqwtós kwa hhitin, as qeeruuwós daqaní iwa ba/an Baalaadár Aakoorén Yesu binda hardát.

2 korinto 1:13

Baraá barwaduurene atén gár hatlá' aga gooiimaaniiká, ala a tidá' ta aleesleera' soómaro nee ta tsahha'. Aníng a harahhiíf kuungá' aluuwo a tsaahha hhe'esá'.

2 korinto 1:14

Asma qoomaarihe kuungá' kaangwí ugwa tsaahha hhe'eesi'iiká, ala a xuaán baalaadár Aako Yesu binda hardát, kuungá' daqaní ti xirfayeemisá' as atén, adoorír atén tir xirfayeemisaan as kuungá'.

2 korinto 1:21

Ala Mungú an kudá' atén nee kuungae taa gawdees baraá Kristo. Inós an kudá' atén taa paraatl.

Efeso 5:27

Asma inós gár i slai a múk hhohhó' gun sláy, oo dakuús wásl, kudá' gár slasla/aar ga koomaaká, laqaá muruú tlákw oo dimbadimbé oo adór kwí, masók an múk hhohhó' oo xaslxaanslír koomaaká.

Filipi 1:10

as kahhó' kuungá' gár hhoó' tsawaararo kawa aleesleera'. Daqaní kuungá' a múk taa hhoohhooeés nee oo xaslxaanslír koomaaká bál deeloodár Kristo birna hardát.

Filipi 1:6

Gár án ni haratlintatii' a tí, kudá' gadiyér hhoo' gaa iimu/un baraá munerhunge, inós gadiyeédá' ga alhhe'ees ay bál deelór Kristo nay xeer.

Kolosai 1:22

Ala hám daxta kuungá' sleeme naa amoorósií haraki/ís ar Garmaawós. Asma Garmaawós ina hoót iri gwaá' as kuungá' nuwa amohhe'eesi, tawa sihhita' dír geeraawós i alé, tawa múk hhohhó' oo xaslxaanslír koomaaká, tam oo hhasaám wásl.

Kolosai 2:7

Dee/áruuhúng masók ku gawít baraawose, slafingwhúng gawaawós wa tlehhiitaak, kuungá' masók an kwa/aakwa/á' baraá haratlintaaorhunge ar adoodá' tundura intsaahhatimís, nee tawa hatsa' sluufaywo.

1 Tesalonike 3:13

Inós kuungá' nu /uurií haniisi, tawa múk hhohhó' oo xaslaansli wásl geeraá Mungú Baabuúrene qoomaadá' Aakoorén Yesu niwa hardihi, dinkwa nee mukós oo hhohhó' sleémeero.

1 Tesalonike 5:2

Asma kuungá' kilá' a xuá' adór deelór Aako nir hardát adoodá' fisusmo nir hardihi xweeraawo.

2 Tesalonike 2:2

mutunduwa amoqwaareés ar gaanslaay baraá munerhunge, laqaá mutunduwa dae tsaát ar axweesanoó káh, «deeloodár Aako naa qaroó hardát». Múk adoorír axweés, kwaáo' aaru'uuma kana sláy, laqaá axweesantá amoorén daahh kana axaás, laqaá kwaáo' barwár amoorén daahh kana sláy.

2 Tesalonike 3:3

Ala Aako i inkihhimuú kón. Kuungá' inós nu /uurií haniis, nee nu de'en dír kudá' tlaakwe.

2 Timoteo 1:12

Gaarí an gár án nis adoorír slahhahhaa'. Ala aníng a murumiitaaká as slahha'amkwí, asma heedaádá' aníng naa haratlintií' u xuú'. Nee slám aníng a xuú' adór gadaádá' inós naa aníng i haniís, de'eengo ngir aleesláy ay bál alhhe'eesaay.

2 Timoteo 1:18

Kuúng a ló'wa xú' adór inós aníng ira sagadiyuumaamiís baraá yaamaá Efesooro. Bál alhhe'eesaywo Aako inós ngu gurtleemií haniisi, gurtleemuudá' amór Aakoó daahh.

1 Petro 5:10

Alaá bur tunda slahh'eemiís deelór niinawe, daqaní Munguúdá' tsuuqa sleémeero gi tawó hanmiís, kudá' kuungá' naa ateet as xirfuuwós kuduú alhhe'eesay wásl kuwa sleera' ar loohír Kristo, inós kungá' nu aleesleemuú i haniis nee nu gawdees, nu /uurií haniis, nee nu sihhitis baraá haratlintaaooro.

2 Petro 3:10

Ala deelór Aako i hardát adór fisusmoó ar alé. Baldá' doori ni ilaá wa qwaariyá' ar kududuhoó úr, nee tsatse/ asla gu ót nee iri weeq. Yaamu nee muruú baraawós i dirií' sleémeero niri qwaariyá'.

2 Petro 3:14

Gawaá adoorihe sla'aaruuser'eé', dír kuungá' tar muruuwí daamaraanda', ilakaaharu tleehhaak tawa wayduú koonda', nee tawa sihhita' dír geeraawós i alé tunduwa hhohhó' nee tawa múk xaslxaansli wásl.