1 Korinto 1:7 - Biblía Axweesantá Hhohho' ar Mungú 2004

⁷ Gawaá adoorihe aleesleemuú Qeeru oo aa /aaruy dirhunge i kaahh, qoomaarír Aakoorén Yesu Kristo kuwa daamaaraanda', as kuwa geehhooeesi.

Ya/abtór hho' 1977

⁷ Gawaá adoorihe aleesleemuú Qeeru oo aa /aaruy dirhunge i kaahh, ala aleesleemuú Qeeru sleémeero u koondá' qoomaarír Aakoorén Yesu Kristo kuwa daamaaraanda', gídaabá kuwa geehhooeesi.

1 Korinto 1:7 Iomraidhean Croise

IIMU/UUNGW 49:18

«Aníng ba/amarók an daamaraám, aá Aakoó Mungú.»

Matayo 25:1

«Qoomaadae waawuti'iimár doori a slaqas nee dasuú mibaangw oo taa'aduuín gaa oh, tari tláy as heé duuxuuxuúm kuwa al'ay.

Luka 12:36

Nee kuungá' masók a adór múk aakooín daamaaraám oo ni amór doó aakoó duuxór wa kií/. Nee qoomár binda hardáh nee bir ateetín, inooín piindo kawa adaá duuxi.

Luka 17:30

Adoorí an adoodá' tleehharuut bál Garmoó Hee burku geehhoees.

Rumi 8:19

Nee mura' sleémeero sleeme kudá' Mungú aa tleéhh, ku daamaarán ar haraxu'uti, adór na/aá Mungú kir geehhooeesi baraá xirfuú wa ale.

Rumi 8:23

Ala a muruudá' taa tleéhh kiloseeká. Ala tam atén sleeme a /ifaán baraá muneerene, ateéká' Qeeru ugwa slawaan. Qeeru inós an mamaá geera awa Mungú amoorene. Atén sleeme an ló'wa haraxuaán qoomaadá' Mungú atén tiwa na/iiwós awa kilá' tleehhi, nee slaqoorén kiwa gweeri baraá lawaali'iimaro.

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

2 korinto 12:13

Gár dirhunge aníng naa /itiím i káhh, baraá tidá' naa haniís dír múk kríshaanáy oo yaamaá hatlae. Ala aqo har tí kilós, kuungá' naa huwár ar awiiká. Án gurtlawaaré' as nuwa sadakuús adoorír alé.

Galatia 5:5

Ala atén, harahhifoorén a Mungú ti gan'amií harafaar. Gaarí an gár ta daamaaramaan ar haratlintaao ar /uuruú Qeeruú Mungú.

Filipi 3:20

Ala atén a yaamuloouusér gawaá doori. Slám atén Aakoorén Yesu Kristo u daamaaramaán niwa hardihi gawaá doorí wa aleeró, tiwa ba/amisi.

Kolosai 3:4

Kristo a slafingwhúng oo ló'. Inós bál binda male geehhooúy, kuungá' daqaní a geehhoouurá' dinkwa nee inós ar baraá xirif.

1 Tesalonike 1:10

nee Garmaawós Yesu kuwa daamaraanda' gawaá doorí alé, kudá' Mungú aa waasle/atís baraá múk aa qaátl wa ale. Yésuuwí an kudá' atén ti ba/amís baraá sakwasleemaadá' sangw hardaha.

2 Tesalonike 1:7

Nee inós kuungaásingá' taa slahh'eemiís, nun amoohhooárí haniis, dinkwa nee atén. Adoorí in tleehharút qoomár Aako Yesu burkwa gawaá doorí wa geehhooeés, dinkwa nee malaykeerós ar aleesleemuú koom.

2 Timoteo 4:8

Nee hám daxta gár aa met a slamangwduú gan'amu kunguwa tseegi, oo taa aníng wa amohhe'eés, kudá' Aako ni haniisi Baldae. Inós a sakwasleemusmoó ganaá'. Ala heé slamaangwí gu sláw a aníng kiloeeneeká, ala tam kudá' sleémeero hardahamuuwós ngu harahhiifá' ar qwala/.

Tito 2:13

qoomár boo/emisuú harahhifoorén kuwa daamaaramaan. Harahhifo an tí, Munguúrén oo úr nee Ba/amusmoorén Yesu Kristo nin hardah ar baraá xirif.

Ebrania 9:28

Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraakaá yaamuwo sagaáwa tsár wa ale. Ala gár nis hardihi a tlakweema hingeesarooká, ala a mukdá' inós gu daamaaraám nguwa ba/amisi.

1 Petro 1:13

Gawaá adoorihe inqwaruuhúng siinootaak, nee ta dal'á'. Kuungá' masók tsuuqaadá' tindi haniisi qoomár Yesu Kristo burkwa geehhooeés, in ló'wa harahhifá'.

1 Petro 4:13

Ala kuungá' qwalaala/é' as adoodá' slahha'amaayér Kristo kawa tsaqé', as kuungá' tawa ló'wa qwalaa/a, qoomár xirfuuwós burkwa geehhooeés.

1 Petro 5:4

Nee qoomár de'eemusmoodá' úr burkwa geehhooeés, kuungá' slamangwduú xirif u sleerá', oo baloó hhitiruutaaká.

2 Petro 3:12

qoomár deeloodár Mungú kawa daamaraanda' nee kawa harakeemisa'. Ala deeloodá' bál binda hardát, doori asla gi ót nay weeqiyá', nee tam tsatse/ i weeq as asla.

1 Yohana 3:2

Sla'aaruúse, daxta atén a na/aá Mungú, ala adór aluuwo ta laqaan hamírihe naa gehhoouuriiká, ala tí a xuaán Yesu bir na wayaá', atén a adór inós tleehhitaán. Asma un araán adoodá' inósuú kilá' i dirii'i.

Yuda 1:21

Kuungá' kumiité' baraá sla'aarír Munguhe, nee slafíngw alhhe'eesay wásl kuwa daamaaraanda', kudá' Aako Yesu Kristo ni haniisi ar gurtleemuuwós.