1 Korinto 1:31 - Biblía Axweesantá Hhohho' ar Mungú 2004

³¹ Gawaá adoorihe, adoodá' Gooi i kat ina tleehharút, «Heé ti kilós xirfayeemiís, masók ti xirfayeemiis as Aako.»

Ya/abtór hho' 1977

³¹ Gawaá adoorihe, adoodá' Gooi i kat ina tleehharút gídaabá, “Heé ti kilós xirfayeemiís, masók ti xirfayeemiis as Aako.”

1 Korinto 1:31 Iomraidhean Croise

1 QOM'I 16:10

Umuuwós kudá' hhoohhoó' ku xiríf, mukdá' AAKOÓ MUNGÚ gu leelehhiít i qwalaa/i.

1 QOM'I 16:35

Inós sleeme ku beera', «Aá Mungú, ba/amusmoorén, atén ti buruumbut, ti tu/ baraá xoorduuwo, as kahhó' atén umuuwók kudá' hhoohhoó' nguwa xirfayeemisaan, asma xirfurén a kuúng un xirfayeemisaán.»

WARA'AMI 105:3

Umuuwós kudá' xiríf saqwalala/aak. Awa AAKOÓ MUNGÚ leelehhiitá' ta baraa/i.

WARA'AMI 34:2

Muunaáeé' AAKOÓ MUNGÚ gu xirfayeemiis, múk slahhahhaá' tí ka axaasi, nee ta qwalaala/i.

ISAYA 41:16

Kuungá' in haritlesá' nee fur'a giri ar tleér, bambaao gari diyá/, nee kuungá' tay qwalala/á' dír AAKOÓ Munguúhúng wa aleeró. Baraá Kudá' Hhoohhoó' oo Israeliwo kuungá' tari xirfayeemisá'.

ISAYA 45:25

Xwaylár Israeli baali ga sleér nee xirfuuwo dír AAKOÓ MUNGÚ wa aleeró.

YEREMIA 4:2

Barnaxes lo'o aga /ák ar looeema nee ar sakwasleemár ganaa' nee ar hotaá ganaa'á', tari ó', ‹Ar adór AAKOÓ MUNGÚ ir hotaatina,› daqaní xoordu tsuuqa ngiri dir'eé' wa slayá', tari xirfayeemisiyá' as aníng.»

Rumi 4:2

Asma bar Abrahamu kuna gan'amuú i harafaár as tlehhmi'iiwós, inós i harín tiwa xirfayeemisi. Ala dír geeraá Munguhe gár tis xirfayeemisi i káhh.

1 Korinto 4:6

Hháe, diirihe aníng nee Apolo a slaqsaay dirhunge. Adoorí ana tleéhh as kuungá' kaangwí kuwa dirén wa intsahha', «Adoodá' Gooi i kat ma mawaara'.» Hee dirhunge miwa daar/án as daanduú intsaahhatusmooko oo hatlá' guri waaqaaqaa'.

2 korinto 10:17

Gooi i kat, «Heé ti xirfayeemiís, ti xirfayeemisi as Aako.»

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.