1 Korinto 1:27 - Biblía Axweesantá Hhohho' ar Mungú 2004

²⁷ Ala Mungú muruudá' taa dakti'iimár i harafaár nee muu, guna tsawaár, as múk sageloén nguwa mureekeesi. Nee slám muruudá' taa liitlakwér i harafaár nee muu, Mungú guna tsawaár, as kudá' /uuruú koóm nguwa mureekeesi.

Ya/abtór hho' 1977

²⁷ Ala Mungú muruudá' taa dakti'iimár i harafaár nee muu, guna tsawaár, as múk sageloouuse nguwa mureekeesi. Nee slám muruudá' taa liitlakwér i harafaár nee muu, Mungú guna tsawaár, as kudá' /uuruú koóm nguwa mureekeesi.

1 Korinto 1:27 Iomraidhean Croise

WARA'AMI 8:2

Xirfuuwók ku daa' nee na/aá ninakw, nee awa du'uuma'a, as wakuuseerók kawa xasltis nee kudá' tlaampa'amisá'.

ISAYA 29:14

Gawaá adoorihe, ga/aawaak, aníng tlehhmuú waa/oo/amo u malé tleehh dír mukwí, tlehhmuú waa/oo/amo nee oo dae tlaáq. Mukdá' sageelooén iri sageeqwaar, nee daharuú mukduú daharuú koóm iri suquut.»

ISAYA 29:19

Múk tsaén qwal/uú tsuaaiím gun sláy baraá AAKOÓ MUNGUHE, nee múk narkuute iri ló'wa baraa/ as Kudá' Hhoohhoó' oo Israeli.

ISAYA 44:25

Aníng layudaá lama in hhitiím, kudá' tlaa/aá xuá' in daktana tleéhh, axweesantá múk sageeloén an sií', tam xu'utir'ín an daktu'uuma tleéhh.

YEREMIA 8:9

Mukhúng oo sagaloó' ku mureekees inooín naa sagaqwaariyé' nee kiri ohín nee tsaaxwel. Inooín axweesantá AAKOÓ MUNGÚ ngaa si'iyé'. Xáy daxta sagalooár inooín i kona' a gaalá?

SEFANIA 3:12

Baraawoge mukdá' tsaén un meetiís nee kudá' ti niinaweemiís. Inooín dír guwaay ngari dír umuueéní leelehhtuú ayá'.

FAARO 22:30

Daqwaydá' Bala'amu guri báy, «Xáy aníng a daqwaywogekáhe, kudá' ta daanda aaeer uwa loohamamiis daqiisleém baraá hotaawoge ay laarí? Xáy adoorí ngaa baloó dirógií tleéhhi?» Bala'amu guri mu/aywaáts, iri oó', «Aasla'áy.»

Matayo 11:25

Qoomaadae Yesu iri axweés iri oó', «Aníng kuúng u sluufiís, Baabá, Aakoó doori nee yaamu, asma muruuwí ugwa lú/ dír múk sagalooár kooma nee fuquraangw, kuri laqaán dír na/aá ninakw.

Matayo 21:16

Yesu kuri báy, «Aga axási adór i kaahiya'?» Yesu iri oó', «Eeít, aga axaás. Kuungá' aga soomusi'iikáhe gídaabá, ‹Kuúng xirfuuwók ugwa amohhe'és kuwa boo/eesi ar afér na/aá ninakw nee awa du'uumá'.› »

Matayo 9:9

Yesu iri tláy didaádae. Qoomár tawa hi'iiti Yesu heeko guna ár, aa iwiít dír doó ohme. Umuuwós a Matayo. Yesu guri báy, «Án eeharáng.» Iri tláy, guri eehár.

Luka 21:15

Asma aníng /ayma'aá sagalooa ngi haniís, awa ta oa', tam wakuuserhúng sleémeero kuungá' tlaampa'aasaro nuy aleesleeraaká, nee sleeme axweesantahúng kay si'iiká.

Tlehhema'aá ya/Abuuse 17:18

Mukko intsaahhasár Epikuro nee ar Stoiki tiri tlaampa'aamisiyé' nee Paulo. Bahh'alé tari oó', «Daktantí gár i ooár wa sla' a milá?» Bahh'alé tari oó', «Baré a adór heé ya/abtór munguaá xuawaslen ga alki/iít.» Adoorí kana oó' asma inós kángw Yesu guna alki/iít, nee kángw waasle/uuwós.

Tlehhema'aá ya/Abuuse 7:35

«Mosewí an kudá' taa sií' qoomár kuwa babáy, ‹Heé kuúng ugwa qaas a heemá tawa geeraharusmo nee tawa har'ohusmoorén.› Ala inós an kudá' Mungú aa ya/aáw sleeme, as tawa geeraharusmo nee tawa heé muu gu tuú/. Qoomár Mungú tiwa dirósí geehhooeés ar loohír malaykamo dír kitkiintiro, malaykamoowí an kudá' inós gu alee/iís.

Tlehhema'aá ya/Abuuse 7:54

Qoomár axweesanaywí kuwa axaás, muner'ín kari slahh'eemiís, Stefano kuri /atlií tlu'ún.

1 Korinto 1:20

Gawaá adoorihe heé sagalooár koóm i diimá? Nee intsaahhatusmooduú hara'aya i diimá? Nee slám heé tlaampa'aamis gu baál i diimá de'emaakae? Ahaá, Mungú sagalooár múk baraaká' yaamu gaa laqáníke adór tar dakti'iima.

1 Korinto 1:21

Asma Mungú gana slaá' baraá sagalooarose, muu inós munguwa tsaáhh ar sagalooar'ín ar kilá'. Gawaá adoorihe inós kwasleema gari tsaát kilós alé as mukdá' haratlintaatií' kuwa ba/amisi ar axweesantadár dakti'iima, tidá' atén ta alki/iitaan.

1 Korinto 2:12

Ala atén Qeeruú taa slawaán a qeeruú yaamuukaeeká, ala a Qeeruudá' amór Mungú daáhh, as atén masók muruudá' kuwa tsaahhaan oo Mungú naa diréní haniís ar qeemuuwós.

2 korinto 10:10

Asma kuungá' daqtakaaro a kata', «Paulo baraá barwaduuwose a heé xaraásl nee oo /uuruú koóm. Ala inós bar i dinkwa nee atén, inós a heé da'ayusmo, nee slám axweesantós gár i koon i káhh.»

2 korinto 4:7

Ala ateéká' daqaari'iimarí koomá', atén a adór xooslaadár tleei. Mungú adoorí gana tleéhh, as kaangwí iwa geehhouy adór /uuruuwí úr amór i dahhi tar amooreneeká, ala a amór Mungú.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.