1 Korinto 1:24 - Biblía Axweesantá Hhohho' ar Mungú 2004

²⁴ Ala dír mukdá' taa ateeti bar múk Yahudi laqaá múk Yunani, Kristo an /uuruú Mungú nee an sagalooár Mungú.

Ya/abtór hho' 1977

²⁴ Ala mukdá' taa ateét bar múk Yahudi laqaá múk Yunani, atén gár ta dir'ín i alki/iitaan a Kristo, tawa /uuruú Mungú nee tawa sagalooár Mungú.

1 Korinto 1:24 Iomraidhean Croise

AXWEESANOÓ SAGALOOA 8:1

Sagalooa i ateetiín, tsaahha afoorós ngaa tlés,

Luka 11:49

Gawaá adoorihe gaarí an gár sagalooár Mungú isa ó', ‹Ga/aawaak, aníng aaruuse nee ya/abuuse an amor'íní ya/aáw, nee bahh'alé kin tsuu/, nee bahh'alé kin gusiisín,›

Luka 7:35

Ala sagalooár Mungú adór tar ló' kingina laqán nee mukdá' sleémeero gaa ya/an.»

Rumi 1:16

Aníng Ya/abtór hho' a murér wa ara'araaká. Asma Ya/abtór hho' an /uuruú Mungú kudá' ba/amár huwahuúw dír umuúqo heé aa haratlintii'i, har geeraawo a dír heé Yahudi, nee tam dír heé Yunani sleeme.

Rumi 1:4

Slám inós ku hhoohhoó' adór Mungú wa ale, asma inós an Garmoó Mungú. Gaarí kaa laqán qoomár inós kuwa waasle/atís baraá múk aa qaátl wa ale.

Rumi 1:7

Barwaárí ngina gooiím amorhúng i alé, kuungaásingá' baraá gixsár Roma, kuungaásingá' sleémeero awa taa slaá' nee Mungú, nee tunduri ateét tawa múk hhohhó' oo Mungú. Mungú Baabuúrén nee Aakoorén Yesu Kristo kuungá' nu tsuuqi nee nu waydií haniisi.

Rumi 9:24

Tam atén sleeme tina ateét tawa xooslár adór tí. Ala múk taa ateét a har múk Yahudi kiloseeká, a múk xoordaá hatlá' sleeme.

1 Korinto 1:18

Asma kángw msalaába dír mukdá' qwaqwadiima a dakti'iima, ala dír ateéká' ta ba/amiimisi a /uuruú Mungú.

1 Korinto 1:2

amorhúng i alé, kuungaásingá' kríshaanáy, awa baraá yaamaá Korintór i diriia'. Kuungá' a múk Mungú gwa haratlintii'. Kuungá' tunduna hhoohhooeés ar baraá Kristo Yesu, tunduri ateét, as tawa múk hhohhó' oo Mungú, dinkwa nee mukdá' sleémeero oo Aakoorén Yesu Kristo gu ateetiím umuúqo diiro. Inós a Aakooín, nee slám a Aakoorén.

1 Korinto 1:30

Ala kuungá' a baraá Kristo Yesu i dir'á'. Adoorí heé gaa tleehh a Mungú. Mungú Kristo Yesu guna sagalooarén tleéhh. Slám inós a gan'amuurén, nee hhohhoaarirén nee gweermoorén.

1 Korinto 1:9

Mungú ku inkihhím. Inós an kudá' kuungá' naa ateet as tawa data' baraá dinku'uumadár Garmaawós Yesu Kristo, Aakoorén.

Kolosai 2:3

Sagalooár Mungú sleémeero nee xu'utirós sleémeero i baraá Kristo i dirí'.