1 Korinto 1:23 - Biblía Axweesantá Hhohho' ar Mungú 2004

²³ Ala atén gár ta alki/iitaan a kángw Kristo, kudá' taa kikií' gawaá msalaába. Ala kaangwí dír múk Yahudiro a dukuutsmo, nee dír múk Yunaniro a dakti'iima.

Ya/abtór hho' 1977

²³ Ala atén gár ta alki/iitaan a iidíguú Kristo, kudá' taa kikií' gawaá msalaába. Ala iidíguuwí dír múk Yahudiro a dukuutsmo, nee dír múk Yunaniro a dakti'iima.

1 Korinto 1:23 Iomraidhean Croise

Matayo 11:6

Heé amohhoó' a kudá' insarehhír koomaaká daanduueene.› »

Matayo 13:57

Yesu kuri insareéhh. Yesu giri báy, «Aarusmo dír kuwa ilaiwawa/iiká i káhh, aqo har dír yaamuuwós nee dír do'ósuú kilá'.»

Luka 2:34

Simeon giri tsuúq, Maria aayír na/aay gari báy, «Ga/aaweegáy, kwí kwa qaás asma awa yaariir niwa huuiya', nee kuqá' niwa sihhiitiya', baraá múk Israeliwo, nee iwa laya tleehhiti ar tar kaangaanuusi,

1 Korinto 1:18

Asma kángw msalaába dír mukdá' qwaqwadiima a dakti'iima, ala dír ateéká' ta ba/amiimisi a /uuruú Mungú.

1 Korinto 1:21

Asma Mungú gana slaá' baraá sagalooarose, muu inós munguwa tsaáhh ar sagalooar'ín ar kilá'. Gawaá adoorihe inós kwasleema gari tsaát kilós alé as mukdá' haratlintaatií' kuwa ba/amisi ar axweesantadár dakti'iima, tidá' atén ta alki/iitaan.

1 Korinto 1:28

Nee slám tidá' taa gaárií xuiiká nee muu, nee tidá' taa waaqaá', tidá' gaa wasl, Mungú gana tsawaár, as tidá' afhhamít ngiwa dahhi.

1 Korinto 2:14

Heé Qeeruú Mungú gu koomaaká, muruuduú Qeeruú Mungú gu ilaoohiiká. Asma muruudá' dirose a adór daktu'uuma nee slám tsaahharo gu aleeslayká. Asma muruudá' gár kur tsatsahhan a Qeeruú Mungú.

1 Korinto 2:2

Asma qoomár án niwa amorhúng i dirii', gár naa slaá' baraá muunaáeene a aníng masók gár hatlá' mawa xuú', ala a kángw Yesu Kristo kilós, ak alé kángw gwa'araarós ar gawaá msalaába.

1 Korinto 4:10

Atén a daktana as Kristo. Ala kuungá' a múk sagalooár koóm baraá Kristowo. Atén ti daqeetlákw, ala kuungá' a /uuruú koondá'. Kuungá' tundu ilaiwawaa/, ala atén ti waaqaaqaa'.

2 korinto 4:5

Asma atén ti kilootén alki/iitanaaká, ala a Kristo Yesu un alki/iitaán adór inós tar Aako, nee adór atén tar sagadiyuuserhúng as Yesu.

Galatia 3:1

Kuungaá múk Galatia a daktanár kilá'. Heé kuungá' naa da/arin a heemá? Adór Yesu Kristo kura kikií' kuungá' aga axasé' ar adór geehhoo'.

Galatia 5:11

Ala hhaee'eé', án barnaxes kángw al/utlo un alki/iít tawa gár hariím, ala waáy, án misti slahh'eemiis? Ala án geeraawo bar kángw al/utlo un alki/iít adór ir hariín, geera alók heé dukuutsmo i slay i kaahh gawaá alki/ituueé' daanduú msalaábaro.

Galatia 6:14

Ala aníng ti baloó xirfayeemiisaaká gawaá umuúqo gaaro, aqo har msalaábár Aakoorén Yesu Kristo. Gawaá msalaábarihe muu sleémeero kwa kikií' dir'eene, nee aníng taa kikií' dír muu sleémeerowo.

Efeso 3:8

Aníng ti niiná ta múk Mungú sleémeerowo. Ala tam adoorihe Mungú aníng ina tsuúq, gadiyeé ngiri aníng i haniís, ar Ya/abtór hho' ngiwa alki/iit dír múk xoorduwo. Ya/abtoorí a kángw daqaari'iimár Kristo tidá' faarooro ta aleeslayká.

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.

1 Petro 2:8

Nee kaa malé gooín, «tlaa/ár inooín gi dukuuts, nee tlaa/ár inooín ta i huui.» Inooín Axweesantadá' haratlintaaooro kan siaasii'. Gawaá adoorihe axweesantadá' iri dukuutsmo tleehhít dir'ine, asma gaarí an gár Mungú aa qoomeés daandeemooine iimír iimu/uungo.