1 Korinto 1:20 - Biblía Axweesantá Hhohho' ar Mungú 2004

²⁰ Gawaá adoorihe heé sagalooár koóm i diimá? Nee intsaahhatusmooduú hara'aya i diimá? Nee slám heé tlaampa'aamis gu baál i diimá de'emaakae? Ahaá, Mungú sagalooár múk baraaká' yaamu gaa laqáníke adór tar dakti'iima.

Ya/abtór hho' 1977

²⁰ Gawaá adoorihe heé sagalooár koóm i diimá? Nee intsaahhatusmooduú hara'aya i diimá? Nee slám heé tlaampa'aamis gu baál i diimá de'emaakae? Ahaá, Mungú sagalooár múk baraaká' yaamu gaa laqáníke gídaabá a dakti'iima.

1 Korinto 1:20 Iomraidhean Croise

2 SAMUELI 15:31

Qoomaarihe, Daudi kuri báy, «Tam Ahitofeli, heé wák oo aa dee/aanuut, inós aa haraagwaá' dír Absalomu.» Ala Daudi iri firín iri oó', «AAKOÓ MUNGÚ, án kuúng u firiím, kaahír Ahitofeli i payshut.»

2 SAMUELI 16:23

Qoomaadae umuúqo /aymuú Ahitofeli aa ooi, a adór axweesantá taa oó' nee Mungú. Nee umuúqo axweesantá Ahitofeli aa ooi, Daudi nee Absalomu aqo kan iwaa/.

2 SAMUELI 17:14

Absalomu dinkwa nee múk Israeli sleémeero tari oó', «Kángw Hushai, heé Arki, i ganaa' ta oo Ahitofeliwo.» Axweesantá Ahitofeli kana sií', asma AAKOÓ MUNGÚ axweesantadá' hho' ar Ahitofeli gana sií', as kahhó' AAKOÓ MUNGÚ Absalomu nguwa tlaákwí tleehhi.

2 SAMUELI 17:23

Ahitofeli ngiwa ár adór axweesantós kara kaángwí sií', iri tsa/án gawaá daqwaywós, iri waátl amór do', baraá gixsarós. Iwa hardáh muruú dír do'ós guri qoomeés. Tari tarereé', iri gwaá'. Kuri foól baraá /aantár baabuúwós.

YOBU 12:17

Hara'ayuuse gan máy iwa /aankwetsúr hi'iimit Har'ohuuse gari daktu'uu'úy.

YOBU 12:20

Múk axweesani ga xuú' gun afe tseek, bariise gari sagalooa hayoh.

YOBU 12:24

Sagalooár geeraharuusér muu gan hingees, gari baraá darmuú wá harweertamaamis dír loohi iwa kahh.

ISAYA 33:18

Inslawaywók gár dae tlaaq ar aa waarahh gari insláy tari o', «Mukdá' atén ta fadiit nee ohme gaa qoomeemees ar xooslmo i amoomá? Mukdá' /aampuurén awa xuuma ga tsawtsawumamiis i amoomá?»

ISAYA 44:25

Aníng layudaá lama in hhitiím, kudá' tlaa/aá xuá' in daktana tleéhh, axweesantá múk sageeloén an sií', tam xu'utir'ín an daktu'uuma tleéhh.

ISAYA 53:1

Heé kangwdá' taa axasaán gwaa haratlintii'? Nee /uuruú AAKOÓ MUNGÚ dír kway geehhooeés a dír heemá?

YEREMIA 10:7

Aá waawutmoó xoordu, oo kuúng u ilaiwawa/aaká a heemá? Asma kuúng an hariín tuwa ilaiwawa/i, oo sagaloó' adór kuúng i kaahh baraá xoorduuwo, tam baraá waawuti'iima sleémeero.

Matayo 13:22

Nee kudá' aa paahh baraá laqaya', an slaqsoó múk axweesantadá' gaa axaas, ala daawitimér yaamu nee al/aymár daqaari'iima axweesantadá' gari tlíq, axweesantadá' iri laqwaliká.

Yohana 12:31

Daxta sakwasleemár múk baraaká' yaamu naa xeér. Hám heedá' úr oo yaamuuká' ku tsee/ií kwaahh.

Tlehhema'aá ya/Abuuse 17:18

Mukko intsaahhasár Epikuro nee ar Stoiki tiri tlaampa'aamisiyé' nee Paulo. Bahh'alé tari oó', «Daktantí gár i ooár wa sla' a milá?» Bahh'alé tari oó', «Baré a adór heé ya/abtór munguaá xuawaslen ga alki/iít.» Adoorí kana oó' asma inós kángw Yesu guna alki/iít, nee kángw waasle/uuwós.

Rumi 1:20

Aleesleemuú Mungú oo alhhe'eesay wásl, nee munguiimarós, muruuwí hee gu ariiká ilaawo. Ala tam adoorihe muruuwí aa geehhooúy iimír Mungú yaamu ngiwa tleéhh. Asma tlehhemi'iiwós kudá' aa tleéhh muruuwí ngwa laqaaqané'. Gawaá adoorihe gár tar tlaanki i káhh.

Rumi 1:22

Inooín ta kaahi, «Atén a sagalooár koomaán,» ala laatí inooín tari daktu'uút.

1 Korinto 1:19

Asma kaa gooín, «Aníng sagalooár mukdá' sageloén a hhitiím, Nee fuqurángw mukdá' fuqureeraá koóm u sií'.»

1 Korinto 1:26

Gawaá adoorihe, hhaee'eé', kuungá' inslawaak adór kuungá' tay dir'a', qoomár Mungú nuwa ateét. Qoomaadae baraá tla/angwhunge múk sagalooár koóm, ar adoodá' muu ngir tsatsahhan, ku yaariireeká, slám múk aleesleemuú koóm ku yaariireeká, nee slám múk ta ilaiwawa/i ku yaariireeká sleeme.

1 Korinto 1:27

Ala Mungú muruudá' taa dakti'iimár i harafaár nee muu, guna tsawaár, as múk sageloén nguwa mureekeesi. Nee slám muruudá' taa liitlakwér i harafaár nee muu, Mungú guna tsawaár, as kudá' /uuruú koóm nguwa mureekeesi.

1 Korinto 1:28

Nee slám tidá' taa gaárií xuiiká nee muu, nee tidá' taa waaqaá', tidá' gaa wasl, Mungú gana tsawaár, as tidá' afhhamít ngiwa dahhi.

1 Korinto 11:32

Ala qoomár barnaxes atén ti sakwasleemuut, a Aako atén tin muux, as atén mitiwa sakwasleemuút dinkwa nee múk aa haratlintii'iiká.

1 Korinto 2:6

Ala sagalooa i deer ar atén ta axweesaan dír múk aa kwa/i baraá slafíngw qeeruuwo. Ala sagalooarí atén ta axweesaan ti slasleeraaká nee sagalooár yaamuuká'. Slám ti slasleeraaká nee sagalooár mukdá' aleesleemuú koóm baraaká' yaamuwo. Asma inooín kaa qaroó sakwasleemuút kiwa qwaareesi.

1 Korinto 2:8

Múk aleesleemuú koóm oo baraaká' yaamu sagalooarí gaa tsaahhiiká. Asma inooín geera bar sagalooarí ngaa xuiyé', geera alók Aakoó xirif ngwa kikii'ii'iiká.

1 Korinto 3:18

Hee mitiwa kilós al/agín. Hee birti kilós harafadiit adór inós ir sagalooár kón, ar adoodá' múk baraaká' yaamu sagalooa ngir ga/ay, heewí gár kuwa hariím in ala daktu'uut, as masók daqaní sagalooaadár ló' ngiwa slay.

1 Korinto 3:19

Asma sagalooár muu a daktu'uuma dír Munguhe. Asma Gooi i kat, «Mungú múk sageeloén gu ohaahín baraá al/aymar'ine.»

1 Korinto 6:2

Kuungá' a xua'akáhe muu sleémeero kuwa sakwasleemuuti nee múk Mungú. Ala kuungá' barnaxes muu sleémeero u sakwasleemutá', a hariindá'aáke kwasleemár ninakw ar adór tisíng kawa tlaqa'?

Yakobo 4:4

Kuungá' fuquúse, kuungá' kaangwí u xua'aakáhe? Hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' mulqi'iimár tlehhiít dír múk aa haratlintii'iiká, inós tin wakusmoó Mungú tlehhiit.