Титмӕ 1:12 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹² Критӕгтӕн сӕхицӕй иу «пехуымпар» афтӕ загъта: «Критӕгтӕ рагӕй-ӕрӕгмӕ дӕр сты фӕлитойтӕ, саузӕрдӕ сырдтӕ, зивӕггӕнаг фыдгуыбынтӕ».

Титмӕ 1:12 Iomraidhean Croise

Апостолты хъуыддӕгтӕ 17:28

Йӕ фӕрцы цӕрӕм, змӕлӕм ӕмӕ удӕгас стӕм, уӕ поэттӕй иуӕй-иутӕ куыд загътой, афтӕ: „Мах Йӕ хъӕбултӕ стӕм“.

Апостолты хъуыддӕгтӕ 2:11

иудейӕгтӕ ӕмӕ Хуыцауыл баууӕндӕг муртаттӕгтӕ, критӕгтӕ ӕмӕ араббӕгтӕ. Ӕмӕ не ’ппӕт дӕр хъусӕм, Хуыцауы стыр хъуыддӕгты тыххӕй нын нӕхи ӕвзӕгтыл куыд дзурынц, уый!»

Апостолты хъуыддӕгтӕ 27:12

Наулӕууӕн зымӕгиуатӕн кӕй нӕ бӕззыд, уымӕ гӕсгӕ сӕ фылдӕры фӕндыди, гӕнӕн ӕмӕ амалӕй, критаг наулӕууӕн Фениксмӕ бафтын ӕмӕ зымӕг уым арвитын. Уыцы наулӕууӕнӕн йе ’ргом арӕзт у хуссар-ныгуылӕн ӕмӕ цӕгат-ныгуылӕнмӕ.

Апостолты хъуыддӕгтӕ 27:13

Хуссайраг рог дымгӕ куы радымдта, уӕд ӕнхъӕлдтой, цӕмӕ бӕллыдысты, уый сӕ къухы бафтыд; систой науӕнгуыр ӕмӕ араст сты Криты былгӕрӕтты.

Апостолты хъуыддӕгтӕ 27:7

Дзӕвгар рӕстӕг цыдыстӕм сындӕг ӕмӕ тыхамӕлттӕй бахӕццӕ стӕм Книдмӕ. Дымгӕ нӕ размӕ цӕуын кӕй нӕ уагъта, уымӕ гӕсгӕ ахызтыстӕм Салмоны рӕзты ӕмӕ, Криты чъылдыммӕ дымгӕйӕ бамбӕхсгӕйӕ, цыдыстӕм дарддӕр.

Ромӕгтӕм 16:18

Ахӕмтӕ нӕ Бардарӕг Чырыстийӕн нӕ, фӕлӕ сӕ чъизи монцтӕн кусынц, рӕсугъд ӕмӕ козбау ныхӕстӕй фӕливынц, ӕнӕхин чи у, уыдоны.

Филиппӕгтӕм 3:19

Уыдонӕн сӕ кӕрон — бынсӕфт, сӕ хуыцау — сӕ гуыбын, худинаг сӕм цы хъуамӕ кӕсид, уымӕй сты сӕрыстыр. Сӕ мӕт у зӕххон цардыл.

1 Тимофеймӕ 4:2

Уыдӕттӕ рацыдысты, йе ’фсарм чи бахордта, уыцы мӕнгард цӕстмӕхъустӕй.

Титмӕ 1:5

Криты дӕ уый тыххӕй ныууагътон, цӕмӕй куыст ахӕццӕ кӕнай кӕронмӕ ӕмӕ алы сахары аргъуанӕн дӕр сӕвӕрай, ӕз дын куыд бафӕдзӕхстон, ахӕм хистӕртӕ:

2 Петр 2:12

Уыдон та фауынц, цы не ’мбарынц, уый. Ӕрцахсынӕн ӕмӕ ӕргӕвдынӕн чи райгуырд, ахӕм ӕнӕзонд цӕрӕгойтӕй уӕлдай не сты, кӕсынц се ’рдзыхъӕды коммӕ, ӕмӕ, кӕй фехӕлдысты, уый сӕ ӕркӕндзӕни сӕфтмӕ.

2 Петр 2:15

ныууагътой раст фӕндаг, фӕдзӕгъӕл сты ӕмӕ ацыдысты Восоры фырт Балаамы фӕндагыл — уый бабӕллыд тӕригъӕд хъуыддаджы фӕрцы пайда скӕнынмӕ.