Софониа 2:14 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁴ Фосы рӕгъӕуттӕ ӕмӕ хъӕддаг сырдтӕ дзы ривӕд кӕндзысты. Сӕ хӕдзӕртты кӕлддзӕгты уыг ӕмӕ сидахъхъ ӕрцӕрдзысты, рудзгуытӕй сӕ цъӕлхъӕр хъуысдзӕни; хъайвантыл халӕттӕ баддзысты, тарвӕзты нывӕфтыд азгъӕлдзӕни.

Софониа 2:14 Iomraidhean Croise

Псаломтӕ 102:6

Рӕстаг сты Дунедарӕджы хъуыддӕгтӕ, — ӕфхӕрды сӕрыл раст тӕрхон рахӕссы.

Исайа 14:23

Вавилон фестын кӕндзынӕн уызынты бӕстӕ ӕмӕ цъымара, рамӕрздзынӕн ӕй куынӕггӕнӕг уисойӕ», — зӕгъы Уӕларвӕфсады Бардарӕг.

Йеремиа 22:14

Уый зӕгъы: „Стыр хӕдзар, уӕрӕх галуантӕ сараздзынӕн мӕхицӕн“. Йӕ рудзгуытӕ йын нӕзыхъӕдӕй ӕмӕ сырх ахорӕнтӕй саив кӕны.

Амос 9:1

Ӕз федтон Дунедарӕджы. Уый лӕууыди нывондхӕссӕныл ӕмӕ загъта: «Цӕджындзы сӕр ныццӕв, къӕсӕртӕ куыд сӕнкъуысой, афтӕ, уадз ӕмӕ Кувӕндон адӕмыл ныккӕла. Чи ма дзы аирвӕза, уыдоны кардӕй ныццӕгъддзынӕн, иунӕг дӕр дзы нӕ алидздзӕн, ничи фервӕздзӕн.

Софониа 2:6

Денджызбыл бӕстӕ фыййӕутты фосдон, лыстӕг фосы хизӕнуат фестдзӕн,

Ӕргомад 18:2

Уый хъӕрӕй загъта: «Бабын ис, бабын стыр Вавилон ӕмӕ сси дӕлимонтӕн цӕрӕнуат, алы ӕнӕзӕгъинагӕн, алы чъизи ӕмӕ ӕлгъаг маргъӕн фысымуат. Уымӕн ӕмӕ йӕ хъахбайдзинады тыххӕй Хуыцауы фыдӕх баййӕфта ӕмӕ ӕппӕт адӕмтӕн бадардта уыцы фыдӕхы сӕнӕй.