Рацыд 12:16 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁶ Фыццаг бон банымайут уазыл, ӕвдӕм бон дӕр нымад ӕрцӕуӕд уазыл. Уӕхицӕн хӕринаг скӕнынӕй дарддӕр хъуамӕ мацы кусат уыцы бонты.

Рацыд 12:16 Iomraidhean Croise

Рацыд 16:23

уӕд сын Моисейы ныхас уыди: «Уый тыххӕй Дунедарӕг дзырдта. Райсом ӕнцойбон у, Дунедарӕджы уаз сабат. Цы фыцинаг стут, уый абон сфыцут, уӕ хӕринагӕй ма цы баззайа, уый та райсоммӕ бавӕрут».

Рацыд 16:29

Хъусгӕ кӕнут: Дунедарӕг уын радта сабат, ӕмӕ уын уымӕ гӕсгӕ ӕхсӕзӕм бон дыууӕ боны фаг хӕринаг ӕрвиты. Ӕвдӕм бон-иу уӕ алчи йӕ хӕдзары бадӕд ӕмӕ макуыдӕм цӕуӕд».

Рацыд 16:5

Ӕхсӕзӕм бон та ӕруидзӕнт, цас сын бантыса, уый бӕрц, ӕмӕ фендзысты, иннӕ бонтимӕ абаргӕйӕ, дыууӕ хатты фылдӕр кӕй ӕруыгътой, уый».

Рацыд 20:10

ӕвдӕм бон та — сабат — Дунедарӕджы, дӕ Хуыцауы, у, ӕмӕ уыцы бон мадӕр дӕхӕдӕг исты кус, мадӕр дӕ фырт исты кусӕд, мадӕр — дӕ чызг, мадӕр — дӕ цагъар, мадӕр — де ’ххуырст, мадӕр — дӕ фос, мадӕр — дӕ сахары цӕрӕг ӕрцӕуӕггаг.

Рацыд 34:18

Бӕрӕг кӕнут Донгонд дзулты бӕрӕгбон. Авд боны дӕргъы-иу хӕрут донгонд дзултӕ, куыд уын бафӕдзӕхстон, афтӕ — авивы мӕйы, нысангонд бонты, уымӕн ӕмӕ авивы мӕйы рацыдыстут Мысырӕй.

Исайа 1:13

Дзӕгъӕлы Мын хӕссут хуынтӕ, Мӕ зӕрдӕ фӕцъӕх ис уӕ хӕрздӕфгӕнӕнтӕй. Уӕ мӕйног ӕмӕ уӕ сабат — уӕнгӕл сты фыдгӕнджыты бӕрӕгбӕттӕ.

Левит 23:21

Тӕккӕ уыцы бон-иу уазӕмбырд скӕнут, мацы-иу бакусут. Уый уын уыдзӕни мыггагмӕйы уагӕвӕрд, кӕмдӕриддӕр цӕрат, уым, фӕлтӕрӕй-фӕлтӕрмӕ.

Левит 23:27

«Ӕвдӕм мӕйы дӕсӕм бон уыдзӕни Тӕригъӕдтӕ ныббарыны бон, ӕмӕ-иу уазӕмбырд скӕнут: ком дарут ӕмӕ-иу Дунедарӕгӕн арты нывӕндтӕ ӕрхӕссут.

Левит 23:35

Фыццаг бон-иу уазӕмбырд скӕнут, мацы-иу бакусут.

Нымӕцтӕ 28:18

Фыццаг бон — уазӕмбырд; мацы-иу бакусут.

Нымӕцтӕ 28:25

Ӕвдӕм бон та — уазӕмбырд; мацы-иу бакусут.

Нымӕцтӕ 28:26

Хоры сӕрты бӕрӕгбоны, Дунедарӕгӕн ног хуымилиаг куы хӕссат Къуыриты бӕрӕгбоны, уӕд дӕр-иу уазӕмбырд скӕнут; мацы-иу бакусут.

Нымӕцтӕ 29:1

Ӕвдӕм мӕйы фыццаг бон та уын уӕд уазӕмбырд, мацы куыст кӕнут, уыцы бон-иу сыкъауадындзты уасын хъуысӕд.

Нымӕцтӕ 29:12

Ӕвдӕм мӕйы фынддӕсӕм бон уын уӕд уазӕмбырд, мацы-иу бакусут. Дунедарӕджы бӕрӕгбон авд боны дӕргъы бӕрӕг кӕнут

Иоанн 19:31

Уыди майрӕмбон, ӕмӕ иудейӕгты нӕ фӕндыд, цӕмӕй мӕрдтӕ сабаты дзуарыл ауыгъдӕй баззайой, уымӕн ӕмӕ уыцы сабаты стыр бӕрӕгбон уыди. Уымӕ гӕсгӕ Пилатӕй куырдтой мӕрдтӕн сӕ зӕнгтӕ асӕттын ӕмӕ сӕ дзуарӕй ӕрисын.

Фӕлхатгонд ӕгъдау 16:8

Ӕхсӕз боны дӕргъы хӕр донгонд дзул, ӕвдӕм бон скӕн уазӕмбырд — Дунедарӕджы, дӕ Хуыцауы, номыл бӕрӕгбон у; ницы кусӕн ис.