Псаломтӕ 97:3 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

³ Йӕ зӕрдыл ӕрлӕууыди Йӕ хорзӕх, Израилы адӕмыл иузӕрдион кӕй у, уый. Ӕмӕ зӕххы кӕрӕттӕм адӕмтӕ нӕ Хуыцауы ирвӕзындзинад федтой.

Осетинская Библия. Отдельные книги Ветхого Завета

³ Йӕ зӕрдыл ӕрлӕууыди Йӕ хорзӕх, Израилы адӕмыл иузӕрдион кӕй у, уый. Ӕмӕ зӕххы кӕрӕттӕм адӕмтӕ нӕ Хуыцауы ирвӕзындзинад федтой.

Псаломтӕ 97:3 Iomraidhean Croise

Псаломтӕ 18:8

Дунедарӕджы Ӕгъдау алцӕмӕй дӕр ӕххӕст ӕмӕ царддӕттӕг у. Йӕ уагӕвӕрдтӕ раст сты, ӕнӕхинӕн уӕлзонд дӕттынц.

Псаломтӕ 18:9

Дунедарӕджы амындтытӕ рӕстаг сты, зӕрдӕ сӕ райы. Йӕ фӕдзӕхстытӕ рухс сты — байгом кӕнынц цӕстытӕ.

Псаломтӕ 50:3

Батӕригъӕд мын кӕн, Хуыцау, Де стыр хорзӕхмӕ гӕсгӕ, ссыгъдӕг мӕ кӕн тӕригъӕдтӕй Де стыр уарзты хатырӕй.

Езекиел 1:4

Ӕз федтон: цӕгатӕрдыгӕй ӕрбацӕуы зилгӕ уад — тынг стыр ӕврагъ, уый сыгъди артау, йӕ алыварс тӕмӕнтӕ калдта.

Даниил 7:10

Йӕ паддзахы бадӕн — арт, йӕ цӕлхытӕ артау цӕхӕр калынц, Йӕ цурӕй пиллонкалгӕ арт цӕугӕдонау размӕ бырсы. Лӕггад Ын кӕнынц мин-минтӕ, уырдыг Ын лӕууынц ӕрдзӕ-ӕрдзӕтӕ. Байгом сты чингуытӕ, ӕмӕ тӕрхон райдыдта.

Аввакум 3:5

Йӕ разӕй рын цӕуы, Йӕ фӕдыл — емынӕ;

Малахиа 4:1

Ӕрхӕццӕ уыдзӕн Мӕ Тӕрхоны бон, пиллон калдзӕнис пецау. Уӕд сӕрыстыртӕ ӕмӕ тӕригъӕдджынтӕ хъӕмпы хуызӕн суыдзысты, цы бон ӕрцӕудзӕн, уый сӕ басудздзӕн, — зӕгъы Уӕларвӕфсады Бардарӕг, — нӕ сӕ ныууадздзӕнис нӕдӕр уидаг, нӕдӕр къалиутӕ.

Фӕлхатгонд ӕгъдау 32:22

Уымӕн ӕмӕ Мӕ маст афтӕ фыцы, ӕмӕ йӕ пиллон арт мӕрдтыбӕсты тарфмӕ дӕр ӕнхъӕвзы, зӕхх ӕмӕ, зӕххыл цыдӕриддӕр ис, уыдон иууылдӕр ныхъуыры, хохрӕбынтӕ арауы.

Фӕлхатгонд ӕгъдау 4:11

Сымах бацыдыстут ӕмӕ хохрӕбын ӕрлӕууыдыстут. Хох артау сыгъди, ӕмӕ арты ӕвзӕгтӕ арвыл ныдзӕвыдысты. Уыди саудалынг, бӕзджын мигъ ныббадти.

Фӕлхатгонд ӕгъдау 4:36

Уый уын уӕлӕрвтӕй фехъусын кодта Йӕ хъӕлӕс, цӕмӕй уӕ раст фӕндагыл араза. Уый уын зӕххыл фенын кодта Йе стыр арт, ӕмӕ Йын арты хуылфӕй фехъуыстат Йӕ ныхӕстӕ.

Фӕлхатгонд ӕгъдау 5:4

Лӕгӕй-лӕгмӕ ныхас кодта Дунедарӕг уемӕ хохы сӕр, арты хуылфӕй.

2 Фессалоникӕгтӕм 1:8

Йӕ маст райсдзӕни, Хуыцауы чи нӕ зоны ӕмӕ нӕ Бардарӕг Йесойы Фарны Уацы коммӕ чи нӕ кӕсы, уыдонӕй.

Дзуттӕгтӕм 12:29

Уымӕн ӕмӕ нӕ Хуыцау пиллон арт у.

Ӕргомад 11:5

Искӕй уыдонӕн фыдбылыз ракӕнын куы бафӕнда, уӕд сӕ комӕй рацӕудзӕн арт ӕмӕ сын се знӕгты аныхъуырдзӕн. Афтӕ амӕлдзӕн, уыдонӕн фыдбылыз ракӕнын кӕй бафӕнда, уый.

Ӕргомад 20:15

Ӕмӕ царды чиныджы фыст кӕй ном нӕ уыди, уый ныппӕрстӕуыд судзгӕ цадмӕ.