Псаломтӕ 131:1 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Уӕлвонг Кувӕндонмӕ цӕуджыты зарӕг. О Дунедарӕг, ӕрымыс Давиды, ӕрымыс ын йӕ бирӕ хъизӕмӕрттӕ —

Осетинская Библия. Отдельные книги Ветхого Завета

¹ Уӕлвонг Кувӕндонмӕ цӕуджыты зарӕг. О Дунедарӕг, ӕрымыс Давиды, ӕрымыс ын йӕ бирӕ хъизӕмӕрттӕ —

Псаломтӕ 131:1 Iomraidhean Croise

2 Паддзахӕдтӕ 6:22

Уадз ӕмӕ ноджы ницӕйагдӕр фестон, ноджы тынгдӕр ӕрныллӕг уон Йӕ разы, фӕлӕ, кӕмӕй загътай, уыцы унӕутты цӕсты та ӕз уыдзынӕн кадджын».

Иовы чиныг 42:3

Ӕз цы дӕн, цӕмӕй дын Дӕ фӕнд фауон, зонгӕ куы ницы кӕнын, уӕд? Цы не ’мбарын, уыдӕтты кой кодтон, мӕ зонд кӕй нӕ ахсы, уыцы диссӕгтыл дзырдтон.

Псаломтӕ 101:5

Мӕ зӕрдӕ — цӕф, бахус ис кӕрдӕгау, хӕрды мӕт дӕр мӕ ферох ис.

Псаломтӕ 122:1

Уӕлвонг Кувӕндонмӕ цӕуджыты зарӕг. Ме скаст Дӕумӕ у, уӕлӕрвты Цӕрӕг!

Псаломтӕ 124:1

Уӕлвонг Кувӕндонмӕ цӕуджыты зарӕг. Дунедарӕг йӕ ныфс кӕмӕн у, уый Сионы хохау нӕ фенкъуысдзӕни мыггагмӕ.

Псаломтӕ 133:1

Уӕлвонг Кувӕндонмӕ цӕуджыты зарӕг. Дунедарӕгӕн арфӕ ракӕнут, Йе ’ппӕт цагъартӕ, ӕхсӕвыгӕтты Дунедарӕджы хӕдзары лӕггад чи кӕны, уыдон!

Псаломтӕ 139:6

Хъалтӕ мын мӕ развӕндагыл сӕвӕрдтой къӕппӕджытӕ, ахсӕн хызтӕ ӕрытыдтой.

Ӕмбисӕндтӕ 21:4

Ӕнӕрвӕссон бакаст ӕмӕ сӕрыстыр зӕрдӕ ӕнӕхуыцауӕн цырагъы хуызӕн сты, фӕлӕ уый тӕригъӕд у.

Йеремиа 17:16

Зоныс ӕй, ӕз Дӕумӕ фыййауӕй кусынмӕ нӕ бӕллыдтӕн, бӕллӕхы бонмӕ ӕнхъӕлмӕ нӕ кастӕн. Мӕ дзыхӕй цы ссыди, уыдӕттӕ Дын ӕргом сты.

Йеремиа 45:5

Ӕгӕр бирӕ агурыс дӕхицӕн. Мацы кур, уымӕн ӕмӕ Ӕз ӕппӕт цӕрӕг удтыл бӕллӕх ӕруадздзынӕн, — зӕгъы Дунедарӕг, — дӕу та, кӕдӕмфӕнды куы ацӕуай, уӕддӕр фервӕзын кӕндзынӕн, хорзӕхӕн цард райсдзынӕ“».

Нымӕцтӕ 12:3

Моисейы хуызӕн сабыр адӕймаг та зӕххыл нӕ уыд.

Матфей 11:29

Сӕвӕрут уӕ уӕлӕ Ме ’фсондз ӕмӕ сахуыр ут Мӕнау фӕлмӕн ӕмӕ сӕрныллӕг уӕвын, ӕмӕ уӕд удӕнцой ссардзыстут.

Апостолты хъуыддӕгтӕ 20:19

Сӕрныллӕгӕй ӕмӕ цӕссыг калгӕйӕ куыстон Бардарӕгӕн, иудейӕгты фыдвӕндты аххосӕй тухӕнтӕ ӕвзаргӕйӕ.

Ромӕгтӕм 11:33

Куыд ӕвидигӕ сты Хуыцауы хъӕздыгад, уӕлзонд ӕмӕ зонындзинӕдтӕ! Кӕй зонд аххӕсдзӕн Йӕ уынаффӕтыл, ӕмӕ Йын чи раиртасдзӕн Йӕ хъуыддӕгтӕ!

Ромӕгтӕм 12:16

Цӕрут ӕмзӕрдӕйӕ. Схъӕл ма ут; сӕрныллӕгӕй чи цӕры, уыдоны дӕр уӕ сӕрмӕ хӕссут. Уӕхи цӕсты ӕгӕр бӕрзонд ма ут.

Фӕлхатгонд ӕгъдау 17:20

цӕмӕй йе ’фсымӕртӕм сӕрбӕрзондӕй ма кӕса, ацы фӕдзӕхстытӕй рахизӕрдӕм дӕр ӕмӕ галиуӕрдӕм дӕр ма фӕзила, цӕмӕй йӕхӕдӕг дӕр ӕмӕ йӕ байзӕддӕгтӕ дӕр тъымы-тъыматӕм паддзахиуӕг кӕной Израилы.

1 Фессалоникӕгтӕм 2:10

Ӕвдисӕнтӕ уӕхӕдӕг ӕмӕ Хуыцау: сымахмӕ, уырнджытӕм, цардыстӕм сыгъдӕгӕй, рӕстзӕрдӕйӕ ӕмӕ ӕнӕфауӕй.

1 Паддзахӕдтӕ 16:13

Самуел сойы сыкъа райста ӕмӕ Давиды йе ’фсымӕрты раз байсӕрста. Уыйадыл Дунедарӕджы Уд ӕртыхсти Давидыл ӕмӕ уыцы бонӕй фӕстӕмӕ уыди йемӕ. Самуел та аздӕхти Рамамӕ.

1 Паддзахӕдтӕ 16:18

Уӕд ын йӕ дӕлдӕртӕй иу загъта: «Ӕз зонын вифлеемаг Йессейы фырты: дӕсны фӕндырдзӕгъдӕг, ныфсхаст лӕппу, ӕхсарджын хӕстон, дзырдарӕхст ӕмӕ хӕрзконд, Дунедарӕг ыл ауды».

1 Паддзахӕдтӕ 16:22

Саул арвыста Йессейӕн афтӕ зӕгъынмӕ: «Уадз ӕмӕ мын Давид лӕггад кӕна, уымӕн ӕмӕ мӕ зӕрдӕмӕ фӕцыд».

1 Паддзахӕдтӕ 17:15

Давид та-иу Саулӕй ацыд Вифлееммӕ, йӕ фыды фыстӕ хизынмӕ, стӕй та-иу фӕстӕмӕ ӕрбаздӕхт.

1 Паддзахӕдтӕ 18:23

Саулы дӕлдӕртӕ уыцы ныхӕстӕ Давидмӕ фӕхӕццӕ кодтой. Уый сын дзуапп радта: «Сымахмӕ гӕсгӕ, паддзахы сиахс суӕвын ӕнцон у? Ӕз мӕгуыр дӕн, адӕмы ’хсӕн — ӕнӕрӕгъыдзыд».