Нымӕцтӕ 9:6 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁶ Ахӕмтӕ уыди, марды буарыл чи андзӕвыд ӕмӕ чи фӕчъизи ис. Уыдонӕн уыцы бон Куадзӕны бӕрӕгбон скӕнӕн нӕ уыди, ӕмӕ тӕккӕ уыцы бон бацыдысты Моисей ӕмӕ Ааронмӕ

Нымӕцтӕ 9:6 Iomraidhean Croise

Рацыд 18:15

Моисей дзуапп радта йӕ каисӕн: «Адӕм мӕм ӕрбацӕуынц, цӕмӕй сын фӕрсон Хуыцауы.

Рацыд 18:19

Ӕрбайхъус-ма мӕ уынаффӕмӕ, ӕмӕ дын Хуыцау баххуыс кӕнӕд! Ды хъуамӕ лӕууай адӕмӕй Хуыцауы ’хсӕн ӕмӕ Хуыцауы тӕрхонмӕ хӕссай адӕмы хъуыддӕгтӕ.

Рацыд 18:26

Уыдон адӕмӕн систы тӕрхоны лӕгтӕ; уӕззау хъуыддӕгтӕ лӕвӕрдтой Моисеймӕ, рогдӕртӕ та ӕвзӕрстой сӕхӕдӕг.

Левит 21:11

Мард адӕймаг кӕм уа, уырдӕм ма бацӕуӕд: суанг йӕ мад ӕмӕ йӕ фыды тыххӕй дӕр ын йӕхи фӕчъизи кӕнӕн нӕй.

Нымӕцтӕ 15:33

Сугтӕ ӕмбырдгӕнгӕ йӕ чи баййӕфта, уыдон ӕй Моисей, Аарон ӕмӕ ӕппӕт дзыллӕйы размӕ ӕрбакодтой.

Нымӕцтӕ 19:11

Марды буарыл чи бандзӕва, уый авд боны дӕргъы уыдзӕни чъизи.

Нымӕцтӕ 19:14

Ӕгъдау: мард цы цатыры ис, уыцы цатырмӕ чи бацӕуа ӕмӕ уыцы цатыры чи уа, уыдон авд боны дӕргъы чъизи уыдзысты.

Нымӕцтӕ 19:16

Искӕй къухӕй чи фӕмард, ууыл кӕнӕ йӕхи низӕй амӕлӕгыл, адӕймаджы стӕгдар кӕнӕ ингӕныл хӕдзарӕн ӕдде чи андзӕва, уый чъизи уыдзӕн авд боны.

Нымӕцтӕ 19:18

Сыгъдӕг чи у, ахӕм исчи райсӕд иссоп, уыцы доны йӕ атулӕд ӕмӕ дзы бапырх кӕнӕд цатырыл, ӕппӕт мигӕнӕнтыл ӕмӕ, уым чи уыди, уыдоныл, йе та стӕгдарыл, искӕй къухӕй мардыл, йӕхи ’гъдауӕй амӕлӕгыл, кӕнӕ ингӕныл чи андзӕвыд, уыцы адӕймагыл.

Нымӕцтӕ 27:2

бацыдысты Моисей ӕмӕ сауджын Елеазар, фӕтӕгтӕ ӕмӕ ӕппӕт дзыллӕйы цурмӕ, Фембӕлды Цатыры размӕ, ӕмӕ загътой:

Нымӕцтӕ 27:5

Ӕмӕ сын Моисей сӕ хъуыддаг Дунедарӕджы раз бавдыста.

Нымӕцтӕ 5:2

«Израилӕгтӕн зӕгъ, ӕмӕ рӕсӕнуатӕй арвитой, хъотыр кӕуыл ис, йӕ цъӕй кӕмӕн мизы, марды буарыл бандзӕвгӕйӕ чи фӕчъизи ис, уыдоны се ’ппӕты дӕр.

Нымӕцтӕ 9:7

ӕмӕ загътой: «Мах марды буарыл андзӕвыдыстӕм ӕмӕ сыгъдӕг не стӕм. Ау, иннӕ израилӕгтимӕ нын йӕ афоныл Дунедарӕгӕн нывонд ӕрхӕссыны бар нӕй?»

Иоанн 18:28

Йесойы сӕумӕйӕ Каиафӕйӕ акодтой бӕстӕйы хицауы галуанмӕ. Иудейӕгтӕ сӕхӕдӕг мидӕмӕ нӕ бацыдысты, цӕмӕй сӕхи ма фӕчъизи кӕной ӕмӕ сын Куадзӕны фынгӕй хӕрын ӕмбӕла.