Нымӕцтӕ 30:13 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹³ Фӕлӕ йын сӕ йӕ сӕрыхицау куы базона ӕмӕ ныхмӕ куы рацӕуа, уӕд йӕ ардбахӕрд ӕмӕ йӕ тобӕтӕ ӕцӕг нӕ уыдзысты: йӕ сӕрыхицау сӕ фӕмӕнг кодта, ӕмӕ йын Дунедарӕг ныххатыр кӕндзӕн.

Нымӕцтӕ 30:13 Iomraidhean Croise

Езра 8:21

Уыйадыл уым, Ахавайы цӕугӕдоны был, ӕз комдарӕн расидтӕн, нӕ Хуыцауӕн коммӕгӕс кӕй стӕм, уый равдисынӕн ӕмӕ Йӕм скуывтон, цӕмӕй нӕ ӕд исбон рӕствӕндаг фӕкӕна нӕ цотимӕ.

Псаломтӕ 35:13

Фӕкалдысты фыдгӕнджытӕ: афӕлдӕхтой сӕ — нал сын бантысдзӕни сыстын.

Исайа 58:5

Ау, ӕмӕ Ӕз цы комдарӕн равзӕрстон, уый ахӕм у, адӕймаг йӕхи сӕрныллӕг куы фӕкӕны, уӕд? Хъамылау сӕркъулӕй цӕуын, сӕхъисыл кӕнӕ фӕнычы хуыссын — гъе уый хонут комдарӕн, Дунедарӕгӕн ӕхцон чи у, ахӕм бон?

Левит 16:29

Мӕнӕ уын мыггагмӕйы уагӕвӕрд: ӕвдӕм мӕйы дӕсӕм бон ком дарут, мачи уӕ мацы кусӕд: нӕдӕр бынӕттон цӕрӕг, нӕдӕр, уе ’хсӕн чи ӕрцӕра, уыцы ӕрцӕуӕггаг.

Левит 23:27

«Ӕвдӕм мӕйы дӕсӕм бон уыдзӕни Тӕригъӕдтӕ ныббарыны бон, ӕмӕ-иу уазӕмбырд скӕнут: ком дарут ӕмӕ-иу Дунедарӕгӕн арты нывӕндтӕ ӕрхӕссут.

Левит 23:32

Сабатау ӕнцойбон у уый сымахӕн, ӕмӕ-иу ком дарут. Уыцы мӕйы фарӕстӕм боны изӕрӕй дыккаг боны изӕрмӕ бӕрӕг кӕнут ӕнцойбон».

Нымӕцтӕ 29:7

Уыцы мӕйы дӕсӕм бон та уын уӕд уазӕмбырд; ком-иу дарут ӕмӕ-иу мацы бакусут.

Нымӕцтӕ 30:12

йӕ сӕрыхицау та йӕ фехъуыста ӕмӕ ницы загъта, йӕ ныхмӕ нӕ рацыд, уӕд ӕцӕг у йӕ ардбахӕрд, ӕцӕг у йӕ алы тобӕ дӕр.

Нымӕцтӕ 30:14

Сылгоймагӕн йӕ цыфӕнды ардбахӕрд дӕр ӕмӕ тобӕ дӕр хъуамӕ йӕ сӕрыхицау сфидар кӕнӕ фӕмӕнг кӕна.

1 Коринфӕгтӕм 11:3

Ноджы ма мӕ фӕнды, цӕмӕй сымах зонат: алы нӕлгоймагӕн дӕр йӕ хицау Чырысти у, сылгоймаджы хицау нӕлгоймаг у, Чырыстийы хицау та Хуыцау у.

1 Коринфӕгтӕм 11:9

Нӕлгоймаджы не сфӕлдыстӕуыди сылгоймаджы тыххӕй, фӕлӕ сылгоймаджы сфӕлдыстӕуыди нӕлгоймаджы тыххӕй.

1 Коринфӕгтӕм 7:5

Уӕ дыууӕйы дӕр куы фӕнда, уӕд ӕнӕ кӕрӕдзийӕ ут ӕрмӕстдӕр цыбыр рӕстӕгмӕ — ком даргӕйӕ ӕмӕ кувгӕйӕ, — цӕмӕй та уый фӕстӕ ӕриу уат, ӕмӕ уӕ сайтан ма мондаг кӕна, уӕхиуыл фӕхӕцын кӕй нӕ фӕразут, уый аххосӕй.