Нымӕцтӕ 26:55 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁵⁵ Зӕхх дихгонд ӕрцӕудзӕн хӕлттӕм гӕсгӕ, алчи йӕ хӕдзарвӕндаджы фыдӕлы номӕй исдзӕни хай.

Нымӕцтӕ 26:55 Iomraidhean Croise

Ӕмбисӕндтӕ 16:33

Адӕм хӕлттӕ сӕппарынц, фӕлӕ алы уынаффӕ дӕр Дунедарӕгӕй рацӕуы.

Ӕмбисӕндтӕ 18:18

Тӕрхондоны ныхасы бар фыццаг кӕмӕ ’рхауы, уый растдӕр фӕзыны, цалынмӕ йӕ ныхмӕлӕууӕг не ’рбацӕуы ӕмӕ йӕ не ’рфӕрсы, уӕдмӕ.

Езекиел 47:22

Байуарут ӕй халӕппӕрстӕй уе ’хсӕн, стӕй, ӕрцӕуӕггагӕй уӕм чи цӕры, цот кӕмӕн рацыд, уыдоны ’хсӕн дӕр. Израилӕгтау уыдон дӕр нымад ӕрцӕуӕнт бынӕттон цӕрджытыл ӕмӕ сымахимӕ хай райсӕнт Израилы хӕдзарвӕндӕгты ’хсӕн.

Нымӕцтӕ 26:56

Стыр у ӕви чысыл — алы мыггагӕн дӕр халмӕ гӕсгӕ хай лӕвӕрд ӕрцӕудзӕн».

Нымӕцтӕ 33:54

Хӕлттӕм гӕсгӕ байуарут бӕстӕ уӕ хӕдзарвӕндӕгтыл. Стырдӕр мыггӕгтӕн скӕнут стырдӕр хӕйттӕ, сӕ нымӕц бирӕ кӕмӕн нӕу, уыдонӕн та — къаддӕр хӕйттӕ. Халмӕ гӕсгӕ кӕмӕ цы хай ӕрхауа, уым уыдзӕн йӕ бынат. Уӕ фыдӕлты хӕдзарвӕндӕгты ’хсӕн адих кӕнут зӕхх.

Нымӕцтӕ 34:13

Ӕмӕ бафӕдзӕхста Моисей израилӕгтӕн: «Мӕнӕ ацы бӕстӕ сымах хӕлттӕм гӕсгӕ схӕйттӕ кӕндзыстут фараст ӕмӕ ӕрдӕг хӕдзарвӕндаджы ’хсӕн, Дунедарӕг куыд загъта, афтӕ.

Нымӕцтӕ 36:2

загътой: «Дунедарӕг бафӕдзӕхста нӕ хицауӕн, цӕмӕй хӕлттӕм гӕсгӕ байуара зӕхх израилӕгтӕн; нӕ хицауӕн Дунедарӕгӕй фӕдзӕхст у уый дӕр, цӕмӕй не ’фсымӕр Цалфахады хай уымӕн йӕ чызджытӕн ратта.

Апостолты хъуыддӕгтӕ 1:26

Хӕлттӕ сӕппӕрстой, Матфийы хал схаудта, ӕмӕ иуӕндӕс апостолимӕ бамбал ис.

Колоссӕгтӕм 1:12

Ӕмӕ цингӕнгӕйӕ арфӕ кӕнут Фыдӕн — Уый уын Йӕ сыгъдӕджыты бынтӕй хай райсын саккаг кодта Йӕ рухс Паддзахады.

Нуны фырт Йешуа 11:23

Дунедарӕг Моисейӕн цы бафӕдзӕхста, уый ӕххӕстгӕнгӕйӕ, Йешуа уыцы бӕстӕ бацахста ӕгасӕй дӕр ӕмӕ йӕ Израилы хӕдзарвӕндӕгтыл байуӕрста. Ӕмӕ уӕд бӕстӕ сулӕфыди хӕсты хъаймӕтӕй.

Нуны фырт Йешуа 14:2

Дунедарӕг Моисейӕн куыд бафӕдзӕхста, афтӕ сӕ фараст хӕдзарвӕндагӕн ӕмӕ Менассиайы хӕдзарвӕндаджы ӕмбисӕн байуӕрстой, хӕлттӕ сӕппаргӕйӕ.

Нуны фырт Йешуа 17:14

Иуахӕмы Йосефы байзӕддӕгтӕ Йешуайӕн загътой: «Иунӕг хал нын цӕмӕн сӕппӕрстай ӕмӕ нын иу хай йеддӕмӕ цӕуылнӕ радтай фыдӕй-фыртмӕйы исбонӕн, Дунедарӕджы арфӕйӕ тынг куы сбирӕ стӕм, уӕд?»

Нуны фырт Йешуа 18:6

Сымах та бӕстӕйы иннӕ хай биноныг ӕрфыссут ӕмӕ йӕ авд хайыл куыд адих кодтат, уый ӕрфыст мӕм ӕрбахӕссут: ӕз уын ам хӕлттӕ сӕппардзынӕн Дунедарӕджы, нӕ Хуыцауы, раз.

Нуны фырт Йешуа 19:1

Дыккаг схаудта Симеоны хӕдзарвӕндаджы мыггӕгты хал. Йӕ зӕххыты хай уыдис Иудӕйы байзӕддаджы зӕххыты ’хсӕн.

Нуны фырт Йешуа 19:10

Ӕртыккаг схаудта Зевулоны байзӕддӕгты хал — мыггаггай. Сӕ зӕххы хай хӕццӕ кодта Сариды онг.

Нуны фырт Йешуа 19:17

Цыппӕрӕм схаудта Иссахары байзӕддӕгты хал мыггаггай.

Нуны фырт Йешуа 19:24

Фӕндзӕм схаудта Асиры хӕдзарвӕндаджы хал мыггаггай.

Нуны фырт Йешуа 19:32

Неффалимы байзӕддӕгтӕн, се ’ппӕт мыггӕтӕн, сӕ хал уыдис ӕхсӕзӕм.

Нуны фырт Йешуа 19:40

Даны хӕдзарвӕндаджы мыггӕгтӕн сӕ хал уыд ӕвдӕм.