Нымӕцтӕ 13:29 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²⁹ Фӕлӕ уыцы бӕстӕйы цӕрӕг адӕм тыхджын сты, сӕ сахартӕ та стыр ӕмӕ бырухгӕд. Суанг ма дзы Анакы фӕдонтыл дӕр амбӕлдыстӕм.

Нымӕцтӕ 13:29 Iomraidhean Croise

Райдиан 14:7

Уырдыгӕй аздӕхтысты Ен-Мишпаты (ома Кадешы) ’рдӕм ӕмӕ ныддӕрӕн кодтой амалекӕгты бӕстӕ, стӕй Хацецон-Тамары цӕрӕг аморӕгты.

Неемиа 9:8

Иузӕрдион Дыл кӕй у, уый федтай ӕмӕ йемӕ фидыд сарӕзтай: йӕ байзӕддагӕн ын ханаанӕгтӕ, хеттӕгтӕ, аморӕгтӕ, периззӕгтӕ, йевусӕгтӕ ӕмӕ гиргашӕгты зӕххытӕ кӕй ратдзынӕ, уымӕй йын зӕрдӕ бавӕрдтай. Ӕмӕ сӕххӕст кодтай Дӕ дзырд, уымӕн ӕмӕ Ды дӕ раст Хуыцау.

Псаломтӕ 83:7

Цӕссыджы дӕлвӕзы цӕугӕйӕ дӕр уыдон суадӕттӕ ссарынц, арфӕ йын ӕрхӕссы къӕвда.

Рацыд 3:17

Ӕмӕ сфӕнд кодтон: цагъары къӕлӕты бын кӕм удхар кӕнут, уыцы Мысырӕй уӕ акӕндзынӕн, ӕхсыр ӕмӕ мыд кӕцӕй хъары, уырдӕм, ханаанӕгтӕ, хеттӕгтӕ, аморӕгтӕ, периззӕгтӕ, хиввӕгтӕ ӕмӕ йевусӕгты зӕхмӕ“.

Рацыд 3:8

ӕмӕ ӕрхызтӕн, цӕмӕй сӕ мысырӕгты къухтӕй суӕгъд кӕнон ӕмӕ сӕ, ӕхсыр ӕмӕ мыд кӕцӕй хъары, уыцы сойджын ӕмӕ парахат зӕхмӕ, ханаанӕгтӕ, хеттӕгтӕ, аморӕгтӕ, периззӕгтӕ, хиввӕгтӕ ӕмӕ йевусӕгты зӕхмӕ акӕнон.

Нымӕцтӕ 13:17

Уыдон сты, Моисей бӕстӕуынӕг кӕй арвыста, уыцы лӕгтӕ номхуындӕй. (Хошеайӕн та, Нуны фыртӕн, Моисей радта ном Йешуа.)

Нымӕцтӕ 13:30

Амалекӕгтӕ цӕрынц Негевы, хеттӕгтӕ, йевусӕгтӕ ӕмӕ аморӕгтӕ — хӕхты, ханаанӕгтӕ — денджызы был ӕмӕ Иорданы былгӕрӕтты».

Нымӕцтӕ 14:25

Уыцы бӕсты дӕлвӕзтӕ амалекӕгтӕ ӕмӕ ханаанӕгты цӕрӕнтӕ сты. Райсом уӕ ных саразут ӕдзӕрӕг быдырмӕ, Сырх денджызмӕ цы фӕндаг цӕуы, уырдӕм».

Нымӕцтӕ 14:43

Уым разӕй — амалекӕгтӕ ӕмӕ ханаанӕгтӕ, ӕмӕ сӕ кардылӕфтыд фӕуыдзыстут! Уымӕн ӕмӕ Дунедарӕгыл уӕхи атигъ кодтат, ӕмӕ Дунедарӕг нӕй уемӕ».

Нымӕцтӕ 14:45

Уыцы хӕхты цӕрӕг амалекӕгтӕ ӕмӕ ханаанӕгтӕ сӕ размӕ ралӕууыдысты ӕмӕ сӕ ныппырх кодтой, сӕ уӕлныхты сӕ айстой ӕмӕ сӕ Хормайы раз балӕууын кодтой.

Нымӕцтӕ 24:20

Ӕркасти Балаам амалекӕгтӕм ӕмӕ загъта: «Адӕмты фыццаг — амалекӕгтӕ, фӕлӕ сӕ мыггаг дӕр нал баззайдзӕн».

Фӕлхатгонд ӕгъдау 20:17

Дунедарӕг, уӕ Хуыцау, сымахӕн куыд загъта, афтӕ ӕлгъыстаг фӕкӕнут ӕмӕ ныццӕгъдут хеттӕгты, аморӕгты, ханаанӕгты, периззӕгты, хиввӕгты, евусӕгты.

Фӕлхатгонд ӕгъдау 7:1

Куы уӕ бакӕна Дунедарӕг, уӕ Хуыцау, йӕ байсынмӕ цы бӕстӕм цӕут, уырдӕм ӕмӕ куы фӕсура уӕ цурӕй, нымӕцӕй дӕр сымахӕй фылдӕр, хъаруйӕ дӕр сымахӕй ӕххӕстдӕр авд адӕмыхатты: хеттӕгты, гиргашӕгты, аморӕгты, ханаанӕгты, перизӕгты, хиввӕгты, евусӕгты,

Нуны фырт Йешуа 10:5

Ӕмӕ амораг фондз паддзахы — Йерусалимы паддзах, Хевроны паддзах, Йармуты паддзах, Лахишы паддзах, Еглоны паддзах — се ’фсӕдтӕ ӕрбамбырд кодтой ӕмӕ Гивоныл ӕртыхстысты.

Нуны фырт Йешуа 10:6

Гивонӕгтӕ Гилгалы рӕсӕнуатмӕ Йешуамӕ удаистӕй фӕхабар кодтой: «Дӕ цагъарты дзӕгъӕл ма ныууадз, рӕвдздӕр нӕм фӕзын ӕххуысмӕ ӕмӕ нӕ фервӕзын кӕн! Хӕхбӕсты цӕрӕг амораг паддзӕхтӕ иууылдӕр нӕ ныхмӕ баиу сты».

Нуны фырт Йешуа 3:10

Ноджы ма сын загъта: «Цы диссаг ӕрцӕуа, уымӕй базондзыстут, уе ’хсӕн кӕй ис удӕгас Хуыцау ӕмӕ уын уӕ разӕй кӕй атӕрдзӕн ханаанӕгты дӕр, хеттӕгты дӕр, хиввӕгты дӕр, периззӕгты дӕр, гиргашӕгты дӕр, аморӕгты дӕр, йевусӕгты дӕр.

Нуны фырт Йешуа 5:1

Иорданӕй ныгуылӕнӕрдӕм цӕрӕг амораг паддзӕхтӕ ӕмӕ денджызы фарсмӕ цӕрӕг ханаанаг паддзӕхтӕ фехъуыстой, израилӕгтӕ Иорданы фаллаг фарсмӕ куы хызтысты, уӕд сын Дунедарӕг сӕ развӕндагыл цӕугӕдон куыд байсысын кодта, уый, ӕмӕ тас бацыди сӕ зӕрдӕты, нал сӕм уыди израилӕгты ныхмӕ ӕрлӕууыны ныфс.

Нуны фырт Йешуа 9:1

Иорданӕй ныгуылӕнӕрдӕм хӕхбӕсты, Шефелайы ӕмӕ Стыр денджызы ӕппӕт былгӕрӕтты, суанг Ливаны онг — хеттӕгтӕ, аморӕгтӕ, ханаанӕгтӕ, периззӕгтӕ, хиввӕгтӕ ӕмӕ йевусӕгты паддзӕхтӕм — Израилы адӕмы уӕлахизты кой куы байхъуыст,

Фӕтӕгтӕ 3:5

Израилы адӕм цардысты ханаанӕгтӕ, хеттӕгтӕ, аморӕгтӕ, периззӕгтӕ, хиввӕгтӕ ӕмӕ йевусӕгты ’хсӕн.

Фӕтӕгтӕ 6:3

Куыддӕр-иу сӕ хуымтӕ байтыдтой, афтӕ та-иу сӕм мидианӕгтӕ, амалекӕгтӕ ӕмӕ скӕсӕны адӕмтӕ ӕрбабырстой,

1 Паддзахӕдтӕ 14:48

Хӕцыди хъӕбатырӕй. Ныддӕрӕн кодта амалекаг лӕбурджыты ӕмӕ сын сӕ азарӕй фервӕзын кодта Израилы адӕмы.

1 Паддзахӕдтӕ 27:8

Давид-иу йӕ адӕмимӕ стӕры ацыд, ӕмӕ-иу бабырстой гешурӕгтӕм, гирзӕгтӕм ӕмӕ амалекӕгтӕм (уыдон цӕрынц Телаимӕй Шуры ӕдзӕрӕг быдыры онг, стӕй уырдыгӕй суанг Мысыры онг).

1 Паддзахӕдтӕ 30:1

Давид ӕмӕ йӕ адӕм ӕртыккаг бон Циклагмӕ бахӕццӕ сты. Уӕдмӕ амалекӕгтӕ бабырстой Негев ӕмӕ Циклагмӕ. Басастой Циклаг ӕмӕ йыл арт бафтыдтой,

1 Паддзахӕдтӕ 7:14

Филистимӕгтӕ сӕ Екронӕй Гаты ’хсӕн цыдӕриддӕр сахартӕ байстой, уыдон фӕстӕмӕ израилӕгты баисты. Израил филистимӕгтӕй ссӕрибар кодта уыцы сахартӕн сӕ алфамбылай зӕххытӕ дӕр. Уӕд Израил ӕмӕ аморӕгтӕ дӕр кӕрӕдзийы хъыгдардтой.