Нымӕцтӕ 10:12 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹² ӕмӕ араст сты израилӕгтӕ Синайы ӕдзӕрӕг быдырӕй. Параны ӕдзӕрӕг быдыры мигъ йӕхи ӕруагъта.

Нымӕцтӕ 10:12 Iomraidhean Croise

Райдиан 14:6

хорӕгты та — Сеиры хӕхбӕсты, фӕсырдтой сӕ ӕдзӕрӕг быдыры кӕронмӕ, Ел-Параны сахары онг.

Райдиан 21:21

Измаел царди Параны ӕдзӕрӕг быдыры, ӕмӕ йын йӕ мад ус ӕркодта Мысыры зӕххӕй.

3 Паддзахӕдтӕ 11:18

Хадад йӕ фӕсдзӕуинтимӕ араст ис Мидианӕй, ӕмӕ бахӕццӕ сты Паранмӕ. Уырдыгӕй ма семӕ ракодтой иу къорд лӕджы ӕмӕ ацыдысты фараонмӕ, Мысыры паддзахмӕ. Фараон Хададӕн радта хӕдзар ӕмӕ зӕххы хай, фӕкасти йӕм хӕлцӕй дӕр.

Рацыд 13:20

Израилӕгтӕ рацыдысты Суккотӕй ӕмӕ рӕсӕнуат ӕркодтой ӕдзӕрӕг быдыры кӕрон, Етамы.

Аввакум 3:3

Теманӕй ӕрбацӕуы Хуыцау, Уаз Хуыцау фӕзынд Параны хохӕй. Йе стырад ӕрӕмбӕрзта уӕлӕрвтӕ, байдзаг ис Йӕ кадӕй зӕхх.

Нымӕцтӕ 1:1

Дунедарӕг загъта Моисейӕн Синайы ӕдзӕрӕг быдыры, Фембӕлды Цатыры, Мысырӕй куы рацыдысты, уымӕн йӕ дыккаг азы дыккӕгӕм мӕйы фыццаг бон:

Нымӕцтӕ 10:33

Араст сты Дунедарӕджы хохӕй ӕмӕ ӕртӕ боны фӕцыдысты. Дунедарӕджы Фидыды Чырын ӕртӕ бонцауы раздӕр цыди сӕ разӕй, цӕмӕй сын, ӕхсӕв кӕм ӕрлӕууой, уыцы бынӕттӕ амона.

Нымӕцтӕ 13:26

Дыууиссӕдз боны рацыд, афтӕ ӕрвыст лӕгтӕ, бӕстӕ ӕнӕхъӕнӕй куы басгӕрстой, уӕд фӕстӕмӕ ӕрбаздӕхтысты.

Нымӕцтӕ 13:3

«Арвит лӕгтӕ, цӕмӕй ӕркӕсой Ханаанмӕ, израилӕгтӕн дӕттинаг кӕй дӕн, уыцы бӕстӕм. Алы мыггагӕй дӕр арвитут фӕйнӕ лӕджы, сӕ фӕтӕгты».

Нымӕцтӕ 2:34

Дунедарӕг Моисейӕн куыддӕриддӕр загъта, алцыдӕр афтӕ бакодтой израилӕгтӕ — рӕсӕнуаты сӕ чи куыд лӕууыди йе ’фсадимӕ, фӕндагыл дӕр цыдысты афтӕ: алчи — йӕхи мыггаг, йӕхи хӕдзарвӕндагимӕ.

Нымӕцтӕ 9:1

Ӕмӕ загъта Дунедарӕг Моисейӕн Синайы ӕдзӕрӕг быдыры, Мысырӕй куы рацыдысты, уымӕн йӕ дыккаг азы фыццаг мӕйноджы:

Нымӕцтӕ 9:17

Мигъ-иу йӕхи куы систа Уаз Цӕрӕнӕй, уӕд-иу израилӕгтӕ сӕ фӕндаг адардтой, мигъ-иу кӕм ӕрбадт, уым та-иу рӕсӕнуат скодтой.

Нымӕцтӕ 9:5

ӕмӕ Синайы ӕдзӕрӕг быдыры фыццаг мӕйы цыппӕрдӕсӕм бон изӕрмилты скодтой Куадзӕн. Алцыдӕр, Дунедарӕг Моисейӕн куыд бафӕдзӕхста, растдӕриддӕр афтӕ бакодтой израилӕгтӕ.

Фӕлхатгонд ӕгъдау 1:1

Мӕнӕ, Моисей ӕппӕт израилӕгтӕн Иорданы фале, Аравӕйы ӕдзӕрӕг быдыры, Суфмӕ ӕввахс, Паран, Тофел, Лаван, Хацерот ӕмӕ Ди-Захавы астӕу цы загъта, уый.

Фӕлхатгонд ӕгъдау 1:19

Фенкъуыстыстӕм Хоревӕй ӕмӕ ӕдзӕрӕг быдырыл ахызтыстӕм. Уӕхи цӕстытӕй федтат, куыд ӕгӕрон ӕмӕ тӕссаг уыди, уый. Дунедарӕг, нӕ Хуыцау, куыд загъта, афтӕ, аморӕгтӕ кӕм цӕрынц, уыцы хӕхтӕм нӕ ных сарӕзтам ӕмӕ Кадеш-Барнеамӕ бахӕццӕ стӕм.

Фӕлхатгонд ӕгъдау 1:7

Уӕ фӕндаг дарут, цӕут, аморӕгтӕ кӕм цӕрынц, уыцы хӕхтӕм ӕмӕ сӕ сыхӕгты зӕххытӕм, быдырмӕ ӕмӕ хӕхтӕм: Шефеламӕ, Негевмӕ, донгӕрӕттӕм, ханаанӕгты бӕстӕм, Ливанмӕ — суанг стыр доны, Евфраты, онг.

Фӕлхатгонд ӕгъдау 33:2

Уый загъта: «Дунедарӕг Синайӕ рацыди, Сеиры сӕрмӕ ныррухс ис, Йӕхи раргом кодта мин-мин сыгъдӕгимӕ Параны хӕхты сӕр, Йӕ рахизфарс — Ӕгъдауы арт.

1 Паддзахӕдтӕ 25:1

Самуел амарди. Ӕрӕмбырд сты Израилы адӕм, фӕхъыг ыл кодтой ӕмӕ йӕ бавӕрдтой йӕ райгуырӕн сахары, Рамайы. Давид араст ис Параны ӕдзӕрӕг быдырмӕ.