Нымӕцтӕ 1:54 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁵⁴ Дунедарӕг Моисейӕн куыддӕриддӕр бафӕдзӕхста, алцыдӕр афтӕ бакодтой израилӕгтӕ.

Нымӕцтӕ 1:54 Iomraidhean Croise

Рацыд 12:28

Уый фӕстӕ ацыдысты ӕмӕ, Дунедарӕг Моисей ӕмӕ Ааронӕн куыддӕриддӕр бафӕдзӕхста, афтӕ бакодтой.

Рацыд 39:32

Ӕппынфӕстаг Фембӕлды Цатыр саразыны куыстытӕ иууылдӕр фесты. Израилӕгтӕ бакодтой, Дунедарӕг Моисейӕн цыдӕриддӕр бафӕдзӕхста, уый.

Рацыд 39:43

Моисей федта, адӕм Дунедарӕджы фӕдзӕхст кӕй сӕххӕст кодтой, ӕппӕт куыстытӕ дӕр кӕй фесты, уый ӕмӕ сын раарфӕ кодта.

Рацыд 40:16

Моисей бакодта, Дунедарӕг ын куыддӕриддӕр бафӕдзӕхста, афтӕ.

Рацыд 40:32

Фембӕлды Цатырмӕ кӕнӕ-иу нывондхӕссӕнмӕ куы цыдысты, уӕд, Дунедарӕг Моисейӕн куыд бафӕдзӕхста, афтӕ.

Нымӕцтӕ 1:19

Дунедарӕг ын куыд бафӕдзӕхста, афтӕ сӕ банымадта Моисей Синайы ӕдзӕрӕг быдыры.

Нымӕцтӕ 1:53

Левиттӕ та хъуамӕ Фембӕлды Цатыры алыварс ӕрбынат кӕной, цӕмӕй Хуыцауы азар ма баййафа Израилы дзыллӕйы: Фембӕлды Цатыр левитты бӕрны ис».

Нымӕцтӕ 2:1

Дунедарӕг Моисей ӕмӕ Ааронӕн загъта:

Нымӕцтӕ 2:34

Дунедарӕг Моисейӕн куыддӕриддӕр загъта, алцыдӕр афтӕ бакодтой израилӕгтӕ — рӕсӕнуаты сӕ чи куыд лӕууыди йе ’фсадимӕ, фӕндагыл дӕр цыдысты афтӕ: алчи — йӕхи мыггаг, йӕхи хӕдзарвӕндагимӕ.

Нымӕцтӕ 36:10

Дунедарӕг Моисейӕн куыд загъта, афтӕ бакодтой Цалфахады чызджытӕ.

Нымӕцтӕ 8:20

Моисей, Аарон ӕмӕ Израилы дзыллӕ иууылдӕр, Дунедарӕг Моисейӕн левитты тыххӕй куыд загъта, растдӕриддӕр афтӕ бакодтой.

Нымӕцтӕ 9:22

Дыууӕ боны, мӕй ӕви фылдӕр, цасфӕнды лӕууӕд мигъ Уаз Цӕрӕны сӕрмӕ — сӕ бынаты лӕууыдысты израилӕгтӕ ӕмӕ фӕндаджы кой нӕ кодтой, фӕлӕ-иу мигъ йӕхи куы систа, уӕд-иу уайтагъд цӕуынмӕ фесты.

Нымӕцтӕ 9:5

ӕмӕ Синайы ӕдзӕрӕг быдыры фыццаг мӕйы цыппӕрдӕсӕм бон изӕрмилты скодтой Куадзӕн. Алцыдӕр, Дунедарӕг Моисейӕн куыд бафӕдзӕхста, растдӕриддӕр афтӕ бакодтой израилӕгтӕ.

Матфей 28:20

Сахуыр сӕ кӕнут, Ӕз уын цы бафӕдзӕхстон, ӕппӕт уыдӕттӕ ӕххӕст кӕнын. Ӕз та дунейы фӕудмӕ кӕддӕриддӕр уыдзынӕн уемӕ».

Фӕлхатгонд ӕгъдау 12:32

Цыдӕриддӕр уын фӕдзӕхсын, уыдон, ӕппаргӕ дӕр ӕмӕ сӕм ӕфтаугӕ дӕр мацы бакӕнут, афтӕмӕй бӕстон ӕххӕст кӕнут.

1 Паддзахӕдтӕ 15:22

Самуел ын загъта: «Ау, Дунедарӕгӕн иууылсудзинӕгтӕ ӕмӕ иннӕ нывӕндтӕ Йӕ дзырдмӕ Йын хъусынӕй ӕхцондӕр фесты? Нӕ! — уисӕн кӕнын хуыздӕр у нывондӕй, коммӕ кӕсын та — тохъхъылты фиуӕй.