Неемиа 8:17 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁷ Уацарӕй ӕрбаздӕхӕг адӕмы дзырддзӕугӕтӕ халагъудтӕ сарӕзтой ӕмӕ халагъудты цардысты. Сӕ цинӕн кӕрон нал уыди, уымӕн ӕмӕ Нуны фырт Йешуайы бонтӕй уыцы боны онг израилӕгтӕ афтӕ никуыуал бакодтой.

Неемиа 8:17 Iomraidhean Croise

1 Азфыстытӕ 29:22

Уыцы бон тынг зӕрдӕхъӕлдзӕгӕй фӕминас кодтой, фӕнуӕзтой Дунедарӕджы раз. Дыккаг хатт паддзахӕй расидтысты Давиды фырт Соломоны; байсӕрстой йӕ, цӕмӕй ӕлдариуӕг кӕна Дунедарӕджы номыл, Цадокы та байсӕрстой сауджынӕй.

2 Азфыстытӕ 30:26

Израилы паддзах Давиды фырты, Соломоны, заманӕй Йерусалимы ахӕм хъӕлдзӕг бӕрӕгбон никуыуал уыди.

2 Азфыстытӕ 35:18

Пехуымпар Самуелы заманӕй фӕстӕмӕ Израилы ахӕм Куадзӕн никуыуал уыд. Израилы паддзӕхтӕй иу дӕр Куадзӕн Иосиайы хуызӕн никуы сбӕрӕг кодта: сауджынтӕ ӕмӕ левиттимӕ, Иудей ӕмӕ Израилы адӕмӕй уым чи уыдис, уыдонимӕ ӕмӕ Йерусалимы цӕрджытимӕ.

2 Азфыстытӕ 8:13

Кӕддӕр Моисей куыд бафӕдзӕхста, афтӕ уыцы нывондхӕссӕныл хаста иууылсудзинаг нывӕндтӕ — сабӕттӕ, мӕйноджы бӕрӕгбӕттӕ ӕмӕ афӕдзы ӕртӕ стыр бӕрӕгбоны рӕстӕг: Донгонд дзулты бӕрӕгбоны, Къуыриты бӕрӕгбоны ӕмӕ Халагъудты бӕрӕгбоны.

Езра 3:4

Ӕгъдау куыд амыдта, афтӕ скодтой Халагъудты бӕрӕгбон ӕмӕ, цас ӕмбӕлы, уымӕ гӕсгӕ ӕрвылбон дӕр хастой бӕрӕгбӕрц иууылсудзинӕгтӕ.

Иоанн 1:14

Дзырд сси Адӕймаг ӕмӕ царди не ’хсӕн, хорзӕх ӕмӕ ӕцӕгадӕй ӕххӕстӕй. Ӕмӕ Йын мах федтам Йӕ кад — Фыдӕй иунӕг Фыртӕн цы кад ис, уый.

Фӕлхатгонд ӕгъдау 16:15

Авд боны-иу ахӕссӕд дӕ бӕрӕгбон Дунедарӕджы, дӕ Хуыцауы, кадӕн, Дунедарӕг цы бынат равзара, уым. Уымӕн ӕмӕ арфӕгонд уыдзысты Дунедарӕгӕй, дӕ Хуыцауӕй, дӕ тыллӕджы алы гага дӕр ӕмӕ дӕ къухвӕллой, ӕмӕ райдзынӕ фыр цинӕй!

Дзуттӕгтӕм 11:13

Ацы лӕгтӕ иууылдӕр мӕрдтӕм бацыдысты уырнгӕйӕ, кӕд, зӕрдӕ сын цӕмӕй бавӕрдӕуыд, уый нӕ райстой, уӕддӕр. Ӕрмӕст ӕй дардмӕ федтой ӕмӕ йыл цин кодтой. Уыдон ыл басастысты ӕмӕ дзырдтой, зӕххыл ӕцӕгӕлӕттӕ ӕмӕ рӕстӕгмӕ цӕрджытӕ стӕм, зӕгъгӕ.

Дзуттӕгтӕм 11:9

Уырнындзинад ӕм кӕй уыдис, уый фӕрцы Авраам, зӕрдӕ йын кӕмӕй бавӕрдӕуыд, уыцы зӕххыл ӕрбынат кодта ӕмӕ, ӕндӕрбӕстаг куыд вӕййы, афтӕ цатырты цардис Исаак ӕмӕ Йаковимӕ — уыдонӕн дӕр уыцы зӕххӕй зӕрдӕ бавӕрдӕуыд.

Дзуттӕгтӕм 4:8

Нуны фырт Йешуа сын ӕнцой куы радтаид, уӕд уый фӕстӕ ӕндӕр боны тыххӕй дзырд нал цыдаид.

Нуны фырт Йешуа 1:1

Дунедарӕджы цагъар Моисей куы амарди, уӕд Нуны фырт Йешуайӕн, Моисейы кӕстӕриуӕггӕнӕгӕн, Дунедарӕг загъта: