Наум 3:9 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁹ Эфиопийы цӕрджытӕ ӕмӕ мысырӕгты ӕнӕнымӕц ӕфсӕдтӕ йӕм ӕххуысмӕ цыдысты, Пут ӕмӕ Ливийы цӕрджытӕ уыдысты йӕ цӕдисонтӕ.

Наум 3:9 Iomraidhean Croise

Райдиан 10:6

Хамы фырттӕ: Куш, Мицраим, Пут, Ханаан.

1 Азфыстытӕ 1:8

Хамы фырттӕ: Куш, Мицраим, Пут, Ханаан.

2 Азфыстытӕ 12:3

Шишакы ӕфсады уыдис иу мин ӕмӕ дыууӕсӕдӕ хӕцӕн уӕрдоны ӕмӕ ӕртиссӕдз мин бӕхджыны, ноджы ма ӕнӕнымӕц адӕм Мысырӕй, Ливи, Сукки ӕмӕ Кушӕй.

2 Азфыстытӕ 16:8

Эфиопӕгтӕ ӕмӕ ливиӕгтӕ сӕ тохуӕрдӕттӕ ӕмӕ сӕ бӕхӕфсадимӕ адонӕй бирӕ фылдӕр нӕ уыдысты, ӕви? Фӕлӕ дын сӕ Дунедарӕг дӕ къухмӕ радта, уымӕн ӕмӕ дӕ зӕрдӕ дардтай Ууыл.

Исайа 20:5

Уӕд зӕрдӕсаст фӕуыдзысты, Эфиопийыл йӕ зӕрдӕ чи дардта ӕмӕ Мысыры хъомыс бӕрзонд ӕвӕрд кӕмӕ уыд, уыцы адӕмтӕ, ӕмӕ сӕ худинаджы хъӕр айхъуысдзӕн».

Йеремиа 46:9

Згъорут, бӕхтӕ, размӕ згъорут, бӕхуӕрдӕттӕ! Уадз, рацӕуой гуыппырсартӕ: эфиопӕгтӕ, сӕ уартытимӕ — ливиӕгтӕ, ӕлвӕст ӕрдынтимӕ — лудиӕгтӕ!

Езекиел 27:10

Персайнӕгтӕ, лудӕгтӕ ӕмӕ путӕгтӕ уыдысты де ’фсады хӕстонтӕ, дӕ систыл-иу дын уартытӕ ӕмӕ такатӕ ӕрцауыгътой — афтӕ-иу систой уӕлиау дӕ кад.

Езекиел 29:7

куы дыл ныххӕцыдысты, уӕд афастӕ ӕмӕ сын сын се уӕхсчытӕ ныррӕхуыстай; куы дыл ӕрӕнцой кодтой, уӕд асастӕ, ӕмӕ сӕ къӕхтӕ фӕдыдӕгътӕ сты.

Езекиел 30:5

Эфиопи, Пут, Луд ӕмӕ Кувы цӕрджытӕ, стӕй иннӕ адӕмыхӕттытӕ се ’ппӕт дӕр ӕмӕ, фидыд кӕимӕ сарӕзтон, уыцы бӕстӕйы адӕм дӕр карды амӕттаг бауыдзысты мысырӕгтимӕ».

Езекиел 31:2

«Адӕймаджы фырт! Зӕгъ фараонӕн, Мысыры паддзахӕн, стӕй йӕ адӕмӕн: „Кӕимӕ абардзынӕ дӕ хъомыс?

Езекиел 38:5

Демӕ рацӕудзысты персайнӕгтӕ, эфиопӕгтӕ ӕмӕ путӕгтӕ, се ’ппӕт дӕр уартытӕ ӕмӕ такатимӕ.

Даниил 11:43

Мысыры цыдӕриддӕр сыгъзӕрин, ӕвзист ӕмӕ ӕндӕр хӕзнатӕ ссара, уыдон иууылдӕр йӕхи бакӕндзӕн; ливиӕгтӕ ӕмӕ эфиопӕгты басӕтдзӕн.