Матфей 19:7 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁷ Уыдон та Йын загътой: «Уӕдӕ Моисей ахӕм уынаффӕ цӕмӕн рахаста, „лӕгӕн йӕ усы ауадзын йӕ бон у, ӕрмӕст ын ахицӕны гӕххӕтт раттӕд“, зӕгъгӕ?»

Матфей 19:7 Iomraidhean Croise

Исайа 50:1

Афтӕ зӕгъы Дунедарӕг: «Кӕд уын Ӕз уӕ мады арвыстон, уӕд кӕм ис йӕ ахицӕны фыстӕг? Кӕд уӕ Ӕз ауӕй кодтон, уӕд-ма Мын бацамонут, кӕмӕй цы хӕсджын дӕн, цӕмӕй йын сымах ауӕй кӕнон! Уӕдӕмӕ сымах уӕ тӕригъӕдтӕ, уӕ фыдракӕндты тыххӕй уӕйгонд ӕрцыдыстут.

Йеремиа 3:8

Израилы чызджы, сайдӕй рацӕуӕджы, Ӕз йӕ хъахбай миты тыххӕй куы арвыстон ӕмӕ йын уагъды ӕвдисӕндар куы радтон, уӕд федтон, йӕ мӕнгард хо Иудей кӕй нӕ фӕтарст, фӕлӕ уый дӕр ӕнӕуаг митыл кӕй бафтыд.

Малахиа 2:16

Усы ауагъд мын ӕнӕуынон у, уый, адӕймаг йӕхи тыхмийӕ куы сӕгад кӕна, уымӕй уӕлдай нӕу, — зӕгъы Дунедарӕг, Израилы Хуыцау. Хъахъхъӕнут уӕ удтӕ ӕмӕ, гадзрахатӕй чи рацӕуы, ахӕмтӕ ма ут, — зӕгъы Уӕларвӕфсады Бардарӕг.

Матфей 1:19

Йӕ мойаг Йосифы, раст адӕймаг куыд уыди, уымӕ гӕсгӕ нӕ фӕндыди Мариайы адӕмы цӕсты бафтауын ӕмӕ хъавыди, се ’хсӕн цы фидыд уыд, уый ӕнӕ иу ӕвдисӕнӕй фехалын.

Матфей 19:6

Афтӕмӕй уыдон дыууӕ нал сты, фӕлӕ сты иу буар. Уӕдӕ Хуыцау цы баиу кодта, уый адӕймаг ма фӕхицӕн кӕнӕд».

Матфей 19:8

Йесо сын дзуапп радта: «Хивӕнд кӕй стут, уый тыххӕй уын радта Моисей уӕ устыты уадзыны бар. Фыццаг та афтӕ нӕ уыди.

Матфей 5:31

Афтӕ дӕр ма загъд уыди: «Йӕ усы чи ауадза, уый йын ахицӕны гӕххӕтт раттӕд».

Марк 10:4

Уыдон загътой: «Моисей бар радта лӕгӕн йӕ усы ауадзын, ӕрмӕст ын ахицӕны гӕххӕтт ныффыссӕд».